Hebreos 3:6 - Nuevo Testamento Toba Maskoy

⁶ Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Hebreos 3:6 ပူးပေါင်းရင်းမြစ်များ

Romanos 11:22

Hai', Eniapom Neten apto apiamolhma apanke', apkeltakmelkaskek na apkellangiemhaikama ketlhengkap metnangko nak judios, apto nhan apiaqmongkasekha apkeltemakha meleliehekho lhta judios. Koka apkelieniakho la aptaikamok meliaskeiam ketlhengkap ma'a, ngkolhek hata nhan aliaqtemenvaktamo m'a.

Romanos 12:12

Kolpaihekha ta mota apvalho'ok aniem'o alel·halhnekama apvalho'ok elvetak hata aktaqmanma. Neksa apkelvetai'a la akientalhnema, elel·halhen hata metka apkelpekheskama apkeleltemo elpasmok Eniapom Neten, elelmalhna ta mota metka nnelha m'a.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Romanos 5:2

Kolhva envanka'ak angelteteskakhak na apnakha m'a, angelletsevasama nhan aniem'o m'a. Nkelpaihakhek engelvalho'ok kolhvave nak ngkanek alel·halhnekama engvalho'ok angelvakhak hata apnakha m'a kakpota nhan ma'a ampasmekhak hata qaselha altaqmanma Eniapom Neten apanko'ok.

1 Corintios 3:16

Kotlhen hata apvalho'ok ketlhengkap elialheng'a, malha Eniapom Neten apnemakha ketlhengkap, apnek Espíritu apankok Eniapom Neten apvalho'ok ketlhengkap.

1 Corintios 6:19

Apkeliavek ketlhengkap apkeliokha nak malha pa'at apnemakha Espíritu Santo apkellaikamo lhta Eniapom Neten, have apanko'ok apankavek apkeliokha nak ketlhengkap, koka apto apanko'ok ma'a Eniapom Neten,

2 Corintios 6:16

Mangkavanke nkolhnangkok qaselha akiokha la alanemmalhka akieto Eniapom Neten apnemakha, ketlhengkap na malha pa'at apnemakha Eniapom Neten apto memaskengvaiam. Lhnak nanek aptemak Eniapom Neten: «Aloka ta, aiaihama ta nhan apieseksek ma'a, ko'o ta atnek Apveske pankok, etnangkok hata nhan askennemolhema».

Galatas 6:10

Etnamo ta alietakho la mota ellanangkok qaselha altaqmelo aplhamakho pankek enenlhet, koka nhan tep ankek alietemo m'a apkellelto nak apkelialheng'a aknaikamok anak meliaskeiam.

Galatas 6:9

Ka ngkanek na ketlhengkap mel·halhiengvomek apkellanekamok qaselha altaqmelo netamen hata m'a akieto la aktaqmelakha aknem avanhek hata ngkotnek apnaklhekamok akielhna altakmanma metko la alvannammalhka apvalho'ok.

Efesios 3:12

Kolhva koka nhan envanka'ak angelteteskamok Eniapom Neten metka altaikama engvalho'ok aniem'o mongeliaskeiam Cristo.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

1 Tesalonicenses 5:16

Kolpaihekha koka mota apvalho'ok,

2 Tesalonicenses 2:16

Jesucristo apto apveske engankok, Eniapom Neten apto eniapma'ak apto nhan hengellamelaiam, apkelpaieskaiam amota engelvalho'ok, hengellaiangko nhan aktaqmanma nkoie' alel·halhnekama engelvalho'ok qaselha nkovak hata.

Hebreos 1:2

Koka apkaktengaikamok nenvanlha nak, ketse nkaimelhkak aktemongvaianlha ta nnelha aknem lhmankek ham, aplheianmo nhan ma'a aniem'o Apketka apanke', apto lhnak nanek na apmaikama apkelanei'o lhamakho qaselha lhmankek ham, apkellaikokho aptemeskeskamo nhan apanko'ok lhamakho qaselha lhmankek ham.

Hebreos 10:19

Ketlhengkap elialheng'a, kolhva koka envanka'ak angelentalhnengvomok metka nellai'a akieto av'alhok pa'at akpokkenammalhka nkoie' aniem'o m'a ema apankok Jesús.

Hebreos 10:21

Kolhva nhan apnek apveske sacerdote engankok aptemo nhan apveske m'a Eniapom Neten apnemakha.

Hebreos 10:23

Angetlhengkesek hata netlhenaikama aktemakha mongeliaskeiam anak kanhan alel·halhnekama engelvalho'ok hengelpasmok hata Eniapom Neten, mongeliaskamek na apaivoma akto have niapak ankek ma'a. Metka alpeivekha atlhenaikama engvalho'ok ennengko'o ngkanek apeneskangke lhta apaivoma Eniapom Neten, have apmopvana ania'a.

Hebreos 10:35

Ntasek etlhengkesek meliaskeiam Eniapom Neten, netamen hata m'a etlhevangkok akiavai'a akianmoma m'a.

Hebreos 11:1

Ka mongiaskeiam anak aktemeskeskama iokhalhmek ankek nkovak hata m'a qaselha alel·halhanmo mota engelvalho'ok, aktemeskeskama nhan have niapak ankek akietnema m'a qaselha mongelvet'o mokhom.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

Hebreos 4:11

Hai, ntasek koka mota anteniangkok eniempeiok kakpota angelentalhnengvomok ma'a neniamposammalhkelha, montangkek ma'a aptaiangkolha lhnak nanek enenlhet'avok apkeliaskeiakmek nak nanek ma'a.

Hebreos 4:14

Apnek ennengko'o apiav'akha sacerdote engankok apiekai'o lhta m'a neten, apvesai'a Jesús apto nhan Eniapom Neten apketka. Ka ngkanek ma'a ntasek angetlhengkesek nentaikamok mongeliaskeiam akieplomo nenteniaikamok eniempeiok.

Hebreos 4:16

Ka ngkanek ntasek angelteteskakho mota ennengko'o m'a metka nengai'a napokha aptanema Eniapom Neten apto niapom hengamelaiam. Apiosek hata nhan hengellanhok ennengko'o m'a, hengelpasmok hata nhan akvo'o la aknem akientalhnema ngkanek apto apiamolhma apanko ie'.

Hebreos 6:11

¡Ntasek etlhengkese mota mokhom ketlhengkap ma'a metka akpensangveiam, metka nhan apkeliamasangveiam alleklemo apvalho'ok! Netamen etlhevangkok hata qaselha altaqmelo apkelel·halhanmo mota nkovak hata.

Hebreos 6:18

Hai, meiaqmonkasekhek hata Eniapom Neten hanet qaselha nak aplheianma ngkanek mamma nkek apmopvana ania'a m'a. Nenlhamakho nengelelto nenteniaikamok hengeltaqmelkeskama Eniapom Neten ntasek nkolhnangkok alel·halhnekama engelvalho'ok angetlhevangkok hata qaselha aplheianmo Eniapom Neten hengellangkok hata.

Hebreos 7:19

ley Moises mankavankek nkoltemeskesek apkeliamolhma apankavek enenlhet'avok. Koka neliavek kolhvavek nak nietnek qaselha nengel·halhnekama aktaqmanma nkek ka ngkanek na m'a envanka'ak angelteteskakhak Eniapom Neten metka altaikama engvalho'ok.

1 Pedro 1:8

Melvetai'ok ketlhengkap Jesucristo, apkellasekhai'o koka m'a, mang na eliaskeiakmok nahan, avanhek ankek na alpaihekha apvalho'ok aliekangveiakmo

1 Pedro 2:5

Ketlhengkap na malha apkellelto metaimong aliennaktema kakpota enmama Eniapom Neten elanak na lhema pa'at akiavai'a nemakha' la alletsevaskesaiangkolha apvesai'a m'a aniem'o nhan apvalho'ok ma'a. Ketlhengkap na apkellelto sacerdotes apkelpokkenammap kakpota ellangkok malha qaselha nengaikamok anak aniem'o apvalho'ok anak, akleklemelha la apvalhok Eniapom Neten, apvanka'ak etnangkok ketlhengkap ma'a aniem'o m'a Jesucristo.

1 Pedro 4:17

Ngva'ak aknem akientalhnema nkek nemakha aliekpelkemelha nentaiangkolha ennengko'o nengelelto nak Jesucristo apkennemolhema, koka tep ankek hato ka nkotnek ma'a akientalhnema nema aliekpelkemo aptaiangkolha apkellelto nak meleliehekho' ania'a aktaqmanma aniem'o Eniapom Neten.

Apocalipsis 2:18

—Etalhes no mokhom lheiap ania'a nak kakpota eniapaskesek ángel apno m'a iglesia akieto Tiatira, ka ntak ania'a hengke'e: Apto Eniapom Neten apketka, akietno malha talha alapommatema apaqto'ok, kanhan apmanko'ok alapommatema nkoie' malha kto nak tavapak bronce kolhva nema alalhnasekha nak, ka aptak na m'a:

Apocalipsis 2:25

¡Kolhnamok apkenmaikamok takha asketlhekmosekamo lhta akvakmo asvakta mota mokhom ham!

Apocalipsis 2:26

Apkellelto ta apkeliephongveiakmo, apketlhengkaso la nhan askellanemakha etnangkok metka nnelha, allangkok hata aptaikamok apkelientalhnemo apieseksek lhamakho apkellavakha,

Apocalipsis 3:11

¡Avatak hata kolhvavek ham! Elhengkes hata mangheiaskeiam ko'o kakpota mangkolhek aklekkeskaktamo qaselha apnaksepma apkelhnekha apqatek, nema akpeneskeskamo aplhevai'a ta lheiap.