Hebreos 3:5 - Nuevo Testamento Toba Maskoy

⁵ Moises nak na apto nema asennaikama apiamolhma, apkeltakmelkeskamo lhnak na Eniapom Neten apnemakha, apkelvetaskeskamo lhnak na lhamakho qaselha aktemakha apkelanai'a napaqtavek ma'a, nkolhok hata nhan akvai'a qaselha apmaniaie m'a apmak'akha ta etnek Eniapom Neten.

Hebreos 3:5 ပူးပေါင်းရင်းမြစ်များ

Lucas 12:42

Koka lhna aptemak Apveske: —Ka asietkeskama lhkek aplhamakho apkellelto nak malha nema annengkasekama la apiamo panke apkeliehekho aptakha apkanemakha apveske apankok apkeltemo ellangkok aptekamok apketkak neptamen.

Lucas 24:27

Ka apkelpeiveskasekho lhnak Jesús aktemakha aktalhesammalhka Vakkahak Eniapom Neten Apaivoma aplhenammap Cristo, ampai'o lhnak nanek aktalhesammalhka ley Moises, ka amhaiangko nhan vakkahak apnaktalheskama lhnak nanek apkeleltennasemmap ania'a annenga.

Lucas 24:44

Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

Juan 5:39

Apkeltakmelkasavek niekhe apkelietsatekamok Vakkahak Eniapom Neten Apaivoma ketlhengkap, ngketlheianmek apvalho'ok elvetangvomok hata m'a aliennaktema apnenio'ok mankotnengveianlha nnelha, koka helheianme' ko'o vakkahak anak aktalhesammalhka.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

Hechos 7:37

Koka m'a Moises lhnak nanek aptemak apkellanemo Israelitas: "Eniapom Neten hata etepkesek lhema aphapak enenlhet apieseksek anak apkelialheng'a ketlhengkap kakpota etnek apkeltennaskamo ania'a apanko'ok, ka stonak ko'o", lhnak aptemak.

Romanos 3:21

Koka kolhvave nak hengelvetaskaskek Eniapom Neten antangkok nengelpeivomo have m'a aniem'o ley anak, lhnak nanek na ntemak aklheianma m'a Vakkahak ley Moises kakpota nhan vakkahak apanko'ok apkeleltennasemmap ania'a.

1 Corintios 4:2

Envanka'ak na angelvetaskesek enenlhet'avok nentaiangkolha nengeltaqmelkasemmalhko neksa nenmakmekama nenlhevai'a.

1 Timoteo 1:12

Gracias ko'o astemak Cristo Jesús apveske engankok aklheianmo apvalhok angvapvanak hata ko'o altennama ania'a aktaqmanma, heiaiangko nhan asiennaktema m'a.

Hebreos 1:1

Lhennenga lhnak nanek Eniapom Neten apkeltakhengveskekho mota apkeleltennaskamo nelieihengka'a lhamakho aktemakha aniem'o nhan apkenmaikama apkeleltennaskamo ania'a apankok kakpota etlhenek ma'a.

Hebreos 3:2

Apkeliehekhave lhta nhan aptemakha apkanemo Eniapom Neten apkeltemo hengelpasmok hata, apnave lhta nhan Moises apkeliehekhavek nak nanek na aptemakha apkanemo Eniapom Neten apkeltemo eltaqmelkesek pa'at apankok.

Hebreos 3:4

Lhamakho pa'at anak apkellanai'a nak enenlhet, koka Eniapom Neten na apkellanai'a lhamakho qaselha nenvetai'o nak.

Hebreos 8:5

Koka sacerdotes nalhepop anak apkenmakmema mota apkenmaiangka qaselha iama apkelietkesaikamok alnemo m'a qaselha aknaiangko nak ma'a neten. Nnavek na m'a Moises annenga neksa apmahai'a epaklhenek kaselha aiempek, lhnak nanek aptemak apkanemo Eniapom Neten: «Etaqmelkaso ta apkelanai'a, eietkesamok hata aktakha lhta asvetaskeskama m'a neten nalhma akhaiam», lhna aptema.

Hebreos 9:24

Ma lhta etalhnengvekha Cristo pa'at akpokkenammalhka apto enenlhet apankek apkelanai'a, ngkanek apietkesammap ma'a pa'at anak hengke'e apietnemo m'a neten apto have niapak anke nak. Neten koka aptalhnengvekhak ma'a napaqtek Eniapom Neten kakpota enianak hengelleltaqmelkeskesek nengellaniemhaikama ennengko'o m'a.

Apocalipsis 15:3

Apkennekmasengke lhta nhan apkennekmaskamo lhnak nanek Moises apto apkasennaikama Eniapom neten, kanhan nennekmaskama apvesai'a Nepkesek Apketkok, ka ntemak hengke'e: —Aliavai'a nkek qaselha apkelanai'a lheiap, hempelapkeskama nhan, apto apveske vanlha lhema aphapak aknema apmopvana apanke lheiap Eniapom Neten, apkelan'a mota qaselha akpeivomo kakpota nhan akto akietemo nkoie lheiap apto apveske takhaplhet'ok aplhamakho apkellavakha.