Hebreos 3:1 - Nuevo Testamento Toba Maskoy

¹ Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

Hebreos 3:1 ပူးပေါင်းရင်းမြစ်များ

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 20:21

Lhta aptak mokhom Jesús apkellano: —¡Altaqmelaikama apvalho'ok hata ketlhengkap hengke'e! Allapaksek hata ketlhengkap ka kto nak ko'o heiapaskama Eniapom —lhta aptak.

Juan 20:27

Koka lhta aptak apkano Jesús Tomas: —Elanho no emeiok kakpota nhan neheqha, emangvom no eskepok ehenkok anak, mei'askakmok heto'o astema ehalhnankok mokhom —lhta aptak.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Romanos 11:17

Apkellelto nak judios malha aktengok anak iamet akvesai'a olivo, moklhem'a koka nnemak aliaqtemanmo m'a, ka akno lhta aliepetkeskaiakmo ketlhengkap ma'a metnangko nak judios, malha aktengok apkelleniem'o m'a mo'ok iamet olivo amhama nalhma. Kolhva koka nietnek aliennaktema m'a aniem'o alpetsesma iemmen aikapmen'ok kakpota nhan aieivo'ok ma'a iamet anak.

Romanos 15:27

Anmahai'o nke lhta apvalho'ok ellankesekha patakkom anak, ntasek aptaiangko m'a ngkanek malha apkeliaqmongkasekha apkellangkongvaiam alhta ania'a aktaqmanma elialheng'a judios apankavek nak.

Romanos 15:8

Asmak'ak aleltennaksek ketlhengkap lhema qaselha, apvai'a lhta Cristo kakpota etnek apkellasennaikama apkellelto nak apkelieplavkeskama aliaqtemenammalhka nekhatko'ok apkellammelhakha. Apieplavkeskamo nhan aptemakha lhnak nanek apeneskamo apaivoma Eniapom Neten aplheianma apkeleltennaskamo nelieihengka'a kakpota elvetaskesek na iokhalhmek ankek aplheianmo lhnak nanek Eniapom Neten.

Romanos 9:24

Koka ietangvalhva nak ennengko'o niekhe m'a nengelelto judios kakpota nhan metnangko nak judios nenlhamakho nengelelto hengellavekama Eniapom Neten.

1 Corintios 1:2

Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 10:17

Niekhe nenlhamakma, malha enlhema koka ntakhak neliokha m'a aniem'o nentekamok apnemo po'ok pan.

1 Corintios 9:23

Lhamakho qaselha aktemakha nak askellanai'a kakpota nkotaqmelek ma'a ania'a aktaqmanma nak, kakpota nhan angvetsevaso ko'o aniem'o m'a.

2 Corintios 1:7

Neliavek na ennengko'o apkellengaiangko akientalhnema ketlhengkap ham, nnavek na ennengko lha', koka nkelel·halhnek engvalho'ok ngkolhek hata alpaieskeskakmo apvalho'ok ketlhengkap, nnavek na ennengko lha' m'a.

2 Corintios 9:13

Hata apkelvet'o ta m'a apkelpasmoma ketlhengkap ma'a, nkotlhenek hata nhan apvalho'ok ma'a ketlhengkap apkellelto apkelleliehekho ania'a aktaqmanma aniem'o Cristo apkellanemakha etnangkok. Netamen hata m'a eltakneskasangkok, ellahok nahan Eniapom Neten apvesai'a aniem'o metka apkenmeiavkesammakpo mota qaselha apanko'ok ketlhengkap apkellaikamok aplhamakho engelialheng'a m'a.

Efesios 3:6

Lhennenga akpeneskama aklhenaikama apvalhok elanak ma'a, eniankesekhak metnangko nak judios kanhan judios nkotnekhak malha lhema apkeliokha m'a aniem'o aptaikamok apkelpasmekha Cristo Jesús aniem'o nhan apkellengai'a ania'a aktaqmanma. Etlhevangkok hata nhan ma'a metnangko nak judios lhamakho aktemakha qaselha altaqmanma apeneskamo lhta apaivoma Eniapom Neten ellangkok hata m'a qaselha apkennemolhema apanke ko Israel.

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Efesios 4:4

Nkotnek ketlhengkap malha lhema apkeliokha, malha lhema la nhan Espíritu, lhema nhan alel·halhnekama apkelvalho'ok elvetak hata aktaqmanma aniem'o Eniapom Neten apkellavekama.

Filipenses 3:14

kakpota avomok aktakha la nnelha malha akiensasemmalhka la'a kakpota alhkak akiavai'a akianmoma Eniapom Neten apmahai'a heiangkok, heiavema lhta m'a aniem'o nhan Cristo Jesús.

Colosenses 1:12

etnangkok hata nhan gracias Eniapom Neten ngkanek apkellangkek apkenmopvanka'a elvaskapok, hata etlhevangkok na qaselha apeneskamo Eniapom Neten kakpota ellangkok ma'a apkelpokkanma apkellelto nak apkelloma atsak'elha lhma.

Colosenses 1:22

Kolhva koka apkeliepetkangvakhek mokhom ma'a Eniapom Neten aniem'o Cristo aptaiekho lhta nhan enenlhet apankek ma'a, apketsepmo lhta nhan apkeliaqmoiekha ketlhengkap, apkeltemeskeskamo nhan apkelpokkenammap ma'a, metka alpaieseiam apvalho'ok, metka apketlhenammap na meliamolhma.

Colosenses 3:12

Apkellamelaiam Eniapom Neten ketlhengkap kakpota nhan apkeliekieskangkek kakpota etneskesangkok na apkelpokkanma, ka ngkanek na ntasek elietnaho mota napaqta'a po'ok, etnangkok na apkeliamolhma, anmomhapak'a apvalho'ok, metka apkelloma, metka apkelpekheskama nhan.

1 Tesalonicenses 5:27

askeltavek ko'o akieplomo asientalhnemo heiaikamok Apveske elietsatangkok vakkahak anak aplhamakho elialheng'a ham.

2 Tesalonicenses 1:11

Eniapom Neten apto apkellavekama ketlhengkap ka ngkanek ntasek eltaqmelkasakpok akietemo nkek, nengelelmalhneskaske mota Eniapom Neten elpasmok eleliehekhok ma'a, ellangkok na apkenmopvanka'a kakpota ellanangkok lhamakho qaselha altaqmelo apkenmak'akha la ellanangkok aniem'o alpekhesaikama meliaskeiam.

2 Tesalonicenses 2:14

Apkellavekama lhta Eniapom Neten aniem'o nhan ania'a aktaqmanma neleltennaskama sekhe lhta kakpota elpasengvomok ma'a apientalhnemo apveske engankok Jesucristo.

1 Timoteo 6:12

Ka apvanko koka ennapakpok aniem'o apkenmasmo mei'askeiam anak, meniangko nhan ngkolhek aklekkaso akiennaktema apneniek mangkotnengvaiam annelha, ngkanek lheiap apto apkeliekieskama Eniapom Neten, apkelvetaskaskek na napaqtavek enenlhet'avok akietnema mei'askeiam lheiap.

1 Timoteo 6:2

Moklhem'a koka apkakhangkek apkelveskai'e apanko'ok apkellelto Jesucristo apkennemolhema m'a, motlhenankek na apvalho'ok apkenmakmesangka la'a ntasek meteniankek apiempeiok ngkanek malha apkelialheng'a apankavek. ¡Ma'! Ntasek eteniangkok apiempeiok neksa apkenmakmesaikama m'a aniem'o aknemo mo'ok meliaskeiam ketlhengkap ma'a, malha apkelto nak apkelialheng'a apankavek apkellamelammakpo la'a. Askeltavek ko'o etnek lheiap apketlhekmoso ta hengke'e,

2 Timoteo 1:9

Eniapom Neten hengelvongkeskangkek tep, hengeliekieskangkek nahan kakpota antangkok apkennemolhema hengelpokkanma, ma lhta niekhe hengelietemo ennengko'o m'a, koka tep nak nanek metka nnelha aktepekamo mota apeneskamo hengeltaqmelkeskesek hata nellaniemhaikama apmahai'o eniapaksek ma'a Cristo Jesús.

2 Timoteo 2:7

Etaqmelkaso ta aklheianma apvalhok aktakha nak asketlhekmoskama lheiap, Apveske ta eihangveskeskamho akiokho nkek asketlhekmoskama nak.

Hebreos 10:19

Ketlhengkap elialheng'a, kolhva koka envanka'ak angelentalhnengvomok metka nellai'a akieto av'alhok pa'at akpokkenammalhka nkoie' aniem'o m'a ema apankok Jesús.

Hebreos 10:21

Kolhva nhan apnek apveske sacerdote engankok aptemo nhan apveske m'a Eniapom Neten apnemakha.

Hebreos 10:23

Angetlhengkesek hata netlhenaikama aktemakha mongeliaskeiam anak kanhan alel·halhnekama engelvalho'ok hengelpasmok hata Eniapom Neten, mongeliaskamek na apaivoma akto have niapak ankek ma'a. Metka alpeivekha atlhenaikama engvalho'ok ennengko'o ngkanek apeneskangke lhta apaivoma Eniapom Neten, have apmopvana ania'a.

Hebreos 13:22

Elialheng'a, ntasek eltaqmelkaso apkellailhemo akiakvatema nke niekhe askeliatekho nak asnaktalheskeskama ketlhengkap.

Hebreos 2:11

Aplhamakho apkellelto nak apkelpokkenammap, kanhan apto lhta nhan apkelanai'a apkelpokkanma, vanlha nhan lhema apkeliapom apkelpasmekha, ka ngkanek Eniapom Neten Apketka memangkek eleltangkok apkelialheng'a.

Hebreos 2:17

Nkaimommalhke lhtoka etnekhak sekhek enenlhet apankek elhnesakpok na apkelialheng'a, nkaimommalhke lhta nhan enietsepok apkeliaqmoiekha la m'a kakpota etnek apiav'akha sacerdote. Apkelietnai'o lhta nhan napaqta'a enenlhet'avok, apkeliehekho nhan Eniapom Neten neksa apkasennaikama m'a. Apiephongveiakmo nhan kakpota nkolhek na altemeskesangkankek apkellanekamok ngkollatsekama enenlhet'avok lhmankek ham.

Hebreos 3:12

¡Ellaho ta elialheng'a! Metnamo nkek na ngkollatsekama apvalho'ok nkeltemeskaskek na apkeliaskeiam ma'a kakpota nkolienieskasekhak na Eniapom Neten apto mangkotnengvaiam annelha apkaniemhaikama.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

Hebreos 6:20

Aptalhnengvekho lhta nhan Jesús ma'a kakpota hengenmaieskeskakhak ma'a, aptemengvekho lhta nhan apiav'akha sacerdote malha aptemo lhnak nanek Melquisedec.

Hebreos 7:26

Nietavek ankek ma'a Jesús apto apiav'akha sacerdote apkaimommakpo mota ennengko'o. Apto nhan apokkenammap, metka aptemengveiakmo lhma, apkalhnai'o nhan napaqtek Eniapom Neten, mevhanekho apkellanekamok ngkollatsekama enenlhet'avok, nemo akneskekho m'a netne kankoie neten.

Hebreos 7:28

Ka ley anak vanlha mota aliekieskama enenlhet meliennaktema kakpota etnek apiav'akha sacerdote, koka netamen ley anak akvai'o nhan lhema apaivoma lhnak nanek akto have niapak ankek aplheianma Eniapom Neten, aptemeskeskamo apiav'akha sacerdote Apketka apankek ma'a, aptemeskeskamo nhan apiamolhma apanke metka nnelha.

Hebreos 9:11

Ngvai'ak koka aktema nnelha m'a nenvanlha nak aniem'o apvai'o m'a Cristo aptemo nhan apiav'akha sacerdote kakpota lhema aktema etsantak na lhamakho qaselha altaqmanma aksavhommalhko nkek ma'a, mankaimelhkak mokhom ma'a. Ka ngkanek aptalhnengvekhek konne malha niekhe akpaklhenammalhka nak kaselha aiempek akto nhan neten ankek aktaqmanma m'a, have enenlhet apankavek apkellanai'a m'a.

Hebreos 9:15

Hai, nietnek ennengko'o alhnankok annemo mo'ok engvalho'ok nemmahai'akha antangkok aniem'o Cristo. Apketsepme lhtoka m'a kakpota envanka'ak ngkolhek hengelpaqnenkasakho qaselha ngkolatsekama nellanekamo mota neksa nellaniemhaikama akietnema amanie nkek annemo mo'ok apvalho'ok lhnak nanek apkenmahai'akha etnangkok ma'a. Kolhva koka nengelelto nak nellavommalhka envanka'ak hata angetlhevangkok qaselha mankonmaskengvaiam apeneskamo lhta apaivoma hengellangkok hata m'a.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma

1 Pedro 3:5

Lhnak nane na ntaiangkok ngkelvana'ak alpokkenammalhka, malha alalhnaskama av'alho'ok mankoliaskeiakmo Eniapom Neten kanha alleliehekho mota anakteiangka'a.

1 Pedro 5:1

Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

1 Juan 1:3

Hai, netlheianme mota aktemakha lhta nenvetai'a, nellengai'a nhan, kakpota ketlhengkap hengelpasmekhak ennengko'o m'a, ka ktemo nak ennengko'o hengelpasmekho Eniapom kanhan Apketka Jesucristo.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

Apocalipsis 17:14

Nkonnapalhkak hata akieplomo atlhelhma'ak ma'a Nepkesek Apketkok, koka koneng hata etneskasentak ma'a ngkanek apto Apveske neten apankek melhnok po'ok apveske la'a, Apiav'akha Apveske nhan neten apankek melhnok po'ok apiav'akha apveske. Etnangkok hata nhan apketlhelhma'ak apkellelto lhta apkellavommap anak, apkeliekiesammap nahan kanhan apkelleliehekho mota m'a —lhta aptak heiano ángel ma'a.

Apocalipsis 18:20

Kolpaihekha toka apvalho'ok ketlhengkap apkakhaikamok neten ngkanek nnek aktevaso apiav'akha temma nak. Kolpaihekha nhan apvalho'ok ketlhengkap apkellelto nak apkelpokkenammap, nema allapaskamo kakpota nhan apkeleltennasemmap ania'a ngkanek Eniapom Neten apiaqmongkasakhek aktemakha ngkolatsekama lhta allanei'o ketlhengkap —lhta ntak nema aliatekama aniem'o neten.