Hebreos 13:7 - Nuevo Testamento Toba Maskoy

⁷ Kotlheianvakho ta mota apvalho'ok ketlhengkap apkeltemakha lhta apkelemhama apmaniaie apanko'ok apkellelto lhta apkelpaieskama ania'a aktaqmanma ham aniem'o Eniapom Neten, kotlhen hata nhan apvalho'ok ma'a ko la lhta aptaiangkolha apkellangiemhaikama, elvanamok hata nhan ketlhengkap aptaiangkolha lhta meliaskeiam ma'a.

Hebreos 13:7 ပူးပေါင်းရင်းမြစ်များ

Lucas 12:42

Koka lhna aptemak Apveske: —Ka asietkeskama lhkek aplhamakho apkellelto nak malha nema annengkasekama la apiamo panke apkeliehekho aptakha apkanemakha apveske apankok apkeltemo ellangkok aptekamok apketkak neptamen.

Lucas 5:1

Aplomaka lhnak Jesús nekha alvata akieto Genesaret, apkanvei'o lhnak enenlhet'avok apnakha m'a kakpota ellailhok ania'a aniem'o Eniapom Neten.

Lucas 8:11

Hai', kolhva smak'ak alpeiveskasekhak asietkeskama lhkek. Ka aktek anak akietkesammalhka Eniapom Neten apaivoma.

Hechos 13:46

Koka Pablo kakpota nhan Bernabe apkeleltennaskamo lhnak metka apkellai'a, lhna aptaiangkok: —Hengelietave niekhe angetlhenek Eniapom Neten apaivoma apmaniaie ketlhengkap apkellelto judios, koka menmaiangkok takha m'a, meleltemok ngkolhnankok aliennaktema apnenio'ok mangkotnengvaiam annelha. Koka ntasek angelletsavkesek ania'a nak apieseksek anak metnangko nak judios.

Hechos 14:23

Apkelteskesaiangko lhnak na metno apketko'ok takhaplhet'ok moklhem'a apkaqnekhelha iglesia m'a, apkelelmalhneiangko lhnak nahan, apkellaqhaskesammakpo lhnak na mek kakpota elpokkenek ellasennama Apveske aniem'o meliaskeiam ma'a.

Hechos 4:31

Ka akvaiakmo lhnak nnelha apkelelmalhnongkoma m'a, akievheiangka lhnak akietemelha apkaqnekhelha m'a, apkellapvai'o lhnak Espíritu Santo aplhamakho m'a, apkelteniaiavek nak na apiempeiok apketlheianma Eniapom Neten apaivoma m'a.

Romanos 10:17

Amanie sekhek ellailhok ania'a aktaqmanma, netamen ma'a nkovak meliaskeiam Eniapom Neten apaivoma.

1 Corintios 10:13

Koka lhamakho nak akientalhnema apkelvetai'a ketlhengkap ntemengkek na m'a aplhamakho enenlhet, meniankehek hata Eniapom Neten na nkoiavangkok aliaqhapma akientalhnema akvakmo akvo'o la mankolelianmommalhko, eliephongveskamhok hato ka nhan ma'a Eniapom Neten neksa akvai'a akientalhnema nak aniem'o hempasmoma mota.

1 Corintios 11:1

¡Helvanamo ta mota astemakha nak ko'o, ko'o nhan asvaneiangke aptemakha lhta Cristo!

1 Corintios 4:16

ka nkanek askeltavek helieplo'ok amai astemakha nak ko'o.

Filipenses 3:17

Ketlhengkap elialheng'a, elieplavkes hata astemakha nak ko'o, ellanhok na napokha aptaiangkolha apketlhengkeskama nak aktaqmanma, apkellelto nak apkelieplavkeskama nentaiangkolha nak ennengko'o.

1 Tesalonicenses 1:6

Apketlhengkeskangkek ketlhengkap hengelvanekamo nentaiangkolha ennengko'o kakpota nhan aptemakha lhta Apveske, avanhe lhta niekhe apkellengaiangko akientalhnema ketlhengkap ham, nkaqho lhtoka apkenmaiangkek takha ania'a aktaqmanma akieplomo alpaihekha apvalho'ok aniem'o Espíritu Santo m'a.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

2 Tesalonicenses 3:7

Ketlhengkap koka ntasek elvanangkok nentaiangkolha lhta ennengko'o hengelvetai'o lhta ham, akietemo nke lhta nentaiangkolha m'a,

2 Tesalonicenses 3:9

Envanka'a nlho lhta niekhe angellelmalhnama hengelpasmoma aniem'o nelemhama enmaniaie ennengko'o, koka montaiangkok ma'a kakpota nhan etnangkok ketlhengkap ma'a nentaiangkolha lhta ennengko'o.

1 Timoteo 3:5

koka mankapvanko la elanama apketkak, mankapvankek na elanama iglesia apankok Eniapom Neten.

Hebreos 13:17

Eleliehekho ta mota apkelemhama apmaniaie apanko'ok ketlhengkap ngkanek apkeltakmelkaske mota ma'a metka apkeliamposammap, netamen elheianvakhak hata m'a aktemakha apkelanei'o m'a napaqtek apveske. Hai, eleliehekho ta m'a kakpota nkolpaihekhak apvalho'ok na neksa apkeltakmelkeskama ketlhengkap ma'a, kakpota nhan metlhenek hata apkelvesai'a meliamolhma ketlhengkap ma'a, ngkanek mankolatsama ta apketlheno la ketlhengkap ma'a.

Hebreos 13:24

Smak'ak asaksek aklheianma evalhok aplhamakho apkelemhama apmaniaie apanko'ok ham kakpota nhan aplhamakho apkellelto apkelpokkenammap, nketlhenkek na apvalho'ok engelialheng'a ko Italia.

Hebreos 6:12

Moltok nkovak aknem aptaikamok mankonmahai'a enmakmama ketlhengkap, ntasek koka elvanangkok ma'a malha aptaiangkolha nak ma'a apkellelto ta apketlhevaikamok qaselha aplheianmo lhta Eniapom Neten aniem'o nhan ma'a meliaskeiam, metka nhan apkelpekheskama apkellailhema qaselha nkovak hata.

1 Pedro 4:11

Akietno la nenmopvana nak angeliatama, ntasek etnek ma'a aktemakha apiangveiakmo aniem'o Eniapom Neten apaivoma. Akietno la nhan nenmopvana nak hengasennama emmo'ok, etne ta nhan ma'a, emama ta apiennaktema apkaikamok aniem'o Eniapom Neten, netamen hata m'a eliavenkaskesama ta nhan apvesai'a Eniapom Neten akieplomo apvesai'a Jesucristo apto aknema apmopvana, nietavek na etlhenek apiephongveiakmo metka akvaiam annelha aliekaikamok iantelhkapa. Amen.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 20:4

Asvet'o lhta mokhom apkelveskai'e apkakhangko apkeltanema apkelveskai'e m'a neten, nne lhta allangko apkenmopvanka'a kakpota eliekpelkok apkeltemakha enenlhet'avok lhamakho aiempek lhmankek ham. Asvet'o nhan apkel·hangok ma'a nema aliaqtemanma lhta apiaspok aniem'o mota apkelpaieskama ania'a aplhenammap Jesús kakpota nhan apkeleltennaikama Eniapom Neten apaivoma. Ma lhta nhan elteklheiangkok aptapno'ok naqtavek qaselha nevhak alhta nengai'o kakpota nhan nema akietkeskamo akiokha nke alanemmalhka m'a. Meleltemo lhta nhan ngkolhek apnaqtalheso akvesai'a alpaihakha napaqta'a, apmeio'ok nahan. Koka apnaklhatekhangvakme lhta nhan ma'a apieseksek apkenmaskengvaiakmo enenlhet'avok alhta m'a, aptangkokho lhta nhan apkelveskai'e apkelpasmekha Cristo akvakmo ta 1.000 anio.

Apocalipsis 6:9

Netamen Nepkesek Apketkok apkentaso quinto nema aliepetkeskama, asvet'o lhta nhan apkel·hangok aptekioma lhta neksa apkelpaieskama ania'a aplhenammap Eniapom Neten, aniem'o lhta apkelleliehekho m'a, nkakhaiangke lhta m'a koneng alvanlhemmalhkelha qaselha.