Hebreos 13:5 - Nuevo Testamento Toba Maskoy

⁵ Meliaspamo nke mota apkankesaikamok nkeskama qaselha apanko'ok. Kolpaihekha toka mota apvalho'ok aknangkolha la'a qaselha apankok ngkanek lhna aptemak Eniapom Neten hengke'e: «Moieniekhek hata lheiap, molvataksek hata nhan askelanekama», lhna aptemak.

Hebreos 13:5 ပူးပေါင်းရင်းမြစ်များ

Marcos 7:22

Aptevaskama aliemhapma, apvannaikamok qaselhaha, apkeltaiangkolha ngkollatsekama, apkenmopvanka ania'a, apiaspongkomakha panke' ngkolatsekama. Apnathaikamaha nhan, apkenmaikama ania'a, apkammakpoho, meihangveiakmo lhma nhan.

Lucas 3:14

Ka apkelelmalhneiangka lhnak na moklhem'a soldados ma'a, lhna aptaiangkok: —¿Ko la nhan aktaqmelakha antangkok ennengko'o m'a, he? —lhna aptaiangkok. —¡Mel·hatsoskasekhankek qaselha apanko'ok po'ok akieplomo apkenmahai'a elentepkesek apkelvesai'a m'a! ¡Metlheianvomankek apkelvesai'a po'ok apkenmopvanka ania'a la'a, kolleko ta nhan apvalho'ok aktakha la akianmoma apkenmakmekama! —lhna aptemak Juan.

Lucas 8:14

Moklhem'a enenlhet na ngva'ak aknemo m'a aktek lhek akpalleiam takhalhet menevke aktek aknaikamok konne lhepop. Apkellailhave niekhe' ania'a aktaqmanma, koka vanlha mota atlheianma apvalho'ok patakkom, kakpota nhan apkeleltemo ngkoitek ngkeskama qaselha apanko'ok. Akto nhan alpaiesekha mota apvalho'ok aniem'o allaneskeskama aktaqmelaikama lhma apanko'ok, ka ngkanek elvangkamangkok ania'a nak, mamma apkellanai'a qaselha aktaqmanma.

Romanos 1:29

Nkellaneiangkek apvalho'ok nkolietemo, ngkollatsekama, apkeliaspekamok qaselhaha, apkeliasepkeskama po'ok, alietnema apkeliemongke lhma', apkennapommap po'ok, apnaqtevaskamo po'ok, apkeliaskemaikamaha.

1 Corintios 5:11

Lhtoka niekhe asketlhenak ma'a melpasmekhek apkellelto nak apketlhenammakpo apankavek aptaikamok Jesucristo apkennemolhema meliamolhma nak, apkellanaktema, apkenmasmo qaselha apankok, apkeltakneskasekamok qaselha akiokha alanemmalhka, nema aliematkeskama, anmen ato'ok, apkenmenielhma, ka enenlhet'avok anak ma'a melpasem ankek aptekamok ketlhengkap.

2 Corintios 4:9

Hengelmenlhenama nhan kakpota hennaqtevaksek ma'a, neliave koka nnengke mota hentaiangko netlhelhma'ak ma'a, niekhe malha nelpelapeiam aniem'o enenlhet hengeliengama, man koka hennaqtevaskamak ma'a.

Efesios 5:3

Aptaiangkek ketlhengkap Eniapom Neten apkennemolhema apkelpokkanma, ka nkeniemai'ak ntasek metlhenek aktemakha nenmensangveiam alhma, nelanaktema, nenmeiavkesammalhka engankek qaselha.

Efesios 5:5

Koka apkellelto nak apkenmensangveiam alhma, apkelanai'a qaselha malha akpaiseiam, apvannaikamok na qaselha apanko'ok apteniai'a, apkeltakneskasekamok na qaselha akiokha allanemmalhka', metnangkek hata m'a apkennemolhema akieto nak aptaiangkelha apkelveskai'e Cristo kakpota nhan Eniapom Neten, have niapak anek astakha nak alheianma.

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

1 Timoteo 3:3

Have apto nak anmen ato', apkennapommap anak, ntasek koka etnek apiamolhma apanko ie, etenia mota metka akmaska, ntasek na etnek metka apiaspekamok apteniai'a patakkom.

2 Pedro 2:14

Vanlha mota apkellanekama po'ok enenlhet la aptava apkenmahai'a ellanakteksek ma'a, metka apkenmangveianlha nhan apkenmahai'a ellanangkok ngkollatsekama. Apkeliatengkek na ellanangkok qaselha ngkollatsekama nkoliennaktema nak apvalho'ok, vanlha nha mota alletsepma apnenio'ok patakkom ka ngkanek ngkolhek aliemetkaso m'a.

2 Pedro 2:3

Ka apketsekama ania'a nak avanhek ankek hata nha ngkotnek apteniaikamok patakkom, elvetak hata m'a aniem'o aptaikamok apkenmopvanka'a ania'a, koka nkovak hato ka nhan iokhalhmek ankek nema aliaqmongkaskesekha' apkeltemakha ngkollatsekama, lhennenga nhan nema akpeneskeskamo ngkolhek hata aliaqmongkaskesakho apkeltemakha m'a.

Judas 1:11

¡Aii enenlhet'avok la ie! Aptaiangkek ma'a aptemakha lhnak nanek Cain. Apkeliennengkeskangkek enenlhet aniem'o apteniaikamok patakkom ka aptemo lhnak nanek na Balaam ma'a. Eletsepok hata m'a aniem'o meleliehekhok ka aptemo lhnak nanek na Core m'a.