Hebreos 13:21 - Nuevo Testamento Toba Maskoy

²¹ Askeltavek ko'o Eniapom Neten elentepkeskesek apvalho'ok ketlhengkap lhamakho aktemakha altaqmanma akleklemelha la mota apvalhok ma'a, aniem'o nhan Jesucristo, apto akietemo nkek neniavenkeskamo apvesai'a m'a metka akvaiam annelha aliekaikamok iantelhkapa.

Hebreos 13:21 ပူးပေါင်းရင်းမြစ်များ

Juan 17:23

Askelpasmakhek ko'o m'a, lheiap na apto hepasmekha ko'o, askeltavek na etnangkok apketsavhommakpo apankavek apkelpasmommakpo m'a kakpota elvetak enenlhet'avok akiavai'a apkellamelaiam lheiap ma'a. Nnavek na heiamelaiam ko'o, eliangvomhok hata nhan apto heiapaskama lheiap.

Juan 7:17

Apmak'ak hata nkek eliehekhok Eniapom Neten enenlhet, eihok hata aktakha asketlhekmoskama nak aniem'o Eniapom Neten, have aniem'o ehenkok ehenke.

Romanos 11:36

Nkanek Eniapom Neten apto apkellanai'a lhamakho qaselha lhmankek ham, apanko'ok apankavek ma'a, apkellaikamok na aliennaktema m'a qaselha lhta apkelentepkeskama kakpota nkollokaha. Hai', ntasek ma'a ngkolhek aktakneskasengko apvesai'a lhma nkek ham. Amen.

Romanos 16:27

¡Ntasek angeltakneskasangkok hata mota metka nnelha apvesai'a Eniapom Neten apto aknema apiamo, vanlha nhan apto lhema aphapak Apveske engankok aniem'o Jesucristo. Amen!

2 Corintios 9:8

Apvankek Eniapom Neten ellangkok ngkeskama nkek qaselha aktaqmanma kakpota mankaimalhke mota qaselha apanko'ok, nkoliekangvomok hata kakpota nhan elpasmok po'ok.

Galatas 1:5

¡Gloria, ntasek eliavenkasok apvesai'a Eniapom Neten metka akvaiam annelha aliekaikamok iantelhkapa! Amen.

Efesios 2:10

Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

Efesios 2:18

Kolhva koka judios kakpota nhan metnangko judios nnangkek aknemo mo'ok Espíritu, envanka'ak kolhva antangkok nengaqtek ankek Eniapom nenlhamakho.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Filipenses 2:11

etlhenek hata apankavek Jesucristo apto apveske, netamen eltakneskasangkok hata nhan Eniapom Neten apvesai'a aniem'o akietnema akiavai'a apmopvana.

Filipenses 2:13

Eniapom Neten hata elpekhesama ellanangkok qaselha altaqmelo, elpasmok hata nhan kakpota ellanangkok ma'a aniem'o apiamolhma.

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

Filipenses 4:18

Alhevangvaktek qaselha hellapaskeskama ketlhengkap apsenta koka Epafrodito hengke'e, heiekangvakme', nlekama nhan evalhok malha nta kto nak akmases la aimes nema akmeskama nak Eniapom Neten kakpota nkolkama nhan apvalhok ma'a.

Colosenses 3:17

Neksa apkellanai'a la lhema qaselha, nlho la nhan etlhenek apkenmak'akha la etlhenek, enmama ta nhan apvesai'a Apveske Jesús. Etnamok hata nhan gracias eniapma'ak anak apvesai'a Eniapom Neten aniem'o nhan Jesús.

Colosenses 3:20

Ketlhengkap nahan apketko'ok eleliehekho ta ngkana'ak ngkanek akto apiaspongkomakha antehek Apveske m'a.

Colosenses 4:12

Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

1 Tesalonicenses 4:3

Vanlha koka apkeltemavek Eniapom Neten elieniekhak ma'a ngkollatsekama nak, menmensangvom anke lhma mellanemmakpelha nak etnangkok.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

2 Tesalonicenses 2:17

Nelelmalhnema nhan ma'a Eniapom Neten eliennakteskesekhok apvalho'ok, ellangkok nak apkeliennaktema kakpota ellanangkok, etlhenek na mota altaqmelo qaselha.

1 Timoteo 1:17

¡Ntasek angeltakneskasangkok, angellaho mota metka akvaiam annelha aliekaikamok iantelhkapa Eniapom Neten apto Apveske mangkotnengvaiam annelha, menietsepma nhan, mammopvana nhan angveta', vanlha nhan lhema aphapak Eniapom Neten! Amen.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

1 Timoteo 6:16

Apto nhan lhema aphapak menietsepma, apto apkaniemhaikama nhan aiseksek atsak'elha lhma, mamma nhan nkoteteskamok ma'a, mamma nhan enenlhet apto apvetai'a m'a ngkanek na mongapvankek angellanhok ma'a. Apto nhan vanlha lhema aphapak akietnema apmopvana m'a, ntasek angellaho mota m'a metka nnelha. Amen.

2 Timoteo 3:17

kakpota nhan aplhamakho Eniapom Neten apkennemolhema la'a nkoliangveskeskamhok, nkolpenaksek aliangveskeskaiakmo enenlhet'avok kakpota ellanangkok lhamakho aktemakha qaselha altaqmelo.

2 Timoteo 4:18

Hevongkesek hata nhan tep emanie nak neksa akvai'a maniamolhma, heiantemekhak hata nhan ma'a akieto neten aptemakha nak Apveske m'a. ¡Antangko ta mota gloria Apvesai'a m'a metka akvaiam annelha aliekaikamok iantelhkapa! Amen.

Hebreos 10:36

Elel·halhen hata metka apkelpekheskama ellanangko mota nhan apkellanemakha etnangkok Eniapom Neten, netamen etlhevangkok hata qaselha apeneskamo lhta aplheianma ellangkok hata m'a.

Hebreos 12:23

Ketlhengkap na apkellelto napokha apkennemolhema apmaniaie nak ma'a Eniapom Neten apketkak, nnaiangkek na m'a apkelvesai'a vakkahak ma'a neten. Nengaqtek na ketlhengkap Eniapom Neten apto hengiekpelkemo niapom, nengaqtek na ketlhengkap apkel·hangok ma'a apkellelto lhta enenlhet apkeliamolhma nema atsavheskeskaiakmo lhta nhan apkeliamolhma apankave.

Hebreos 12:28

Ennengko'o nhan netlhevaiangkok nema aktema nak Aveske mangkomovana nak ngkomaskengvomok ka ngkanek ntasek antangkok gracias Eniapom Neten, angellasennama nhan akieplomo nellai'o kakpota nkopaihekhak apvalhok ma'a,

Hebreos 13:16

Melvatesamo nkek na apkellanekamo mota qaselha altaqmelo, apkelpasmoma nhan po'ok, ngkanek qaselha nak ma'a akleklemelha apvalhok Eniapom Neten, malha nengaqhema la nentoskama nengaikamok anak ma'a.

1 Pedro 2:5

Ketlhengkap na malha apkellelto metaimong aliennaktema kakpota enmama Eniapom Neten elanak na lhema pa'at akiavai'a nemakha' la alletsevaskesaiangkolha apvesai'a m'a aniem'o nhan apvalho'ok ma'a. Ketlhengkap na apkellelto sacerdotes apkelpokkenammap kakpota ellangkok malha qaselha nengaikamok anak aniem'o apvalho'ok anak, akleklemelha la apvalhok Eniapom Neten, apvanka'ak etnangkok ketlhengkap ma'a aniem'o m'a Jesucristo.

1 Pedro 4:2

kakpota nhan akiaspongkomakha la apvalhok, apvankek na elana mota qaselha akleklemelha la apvalhok Eniapom Neten.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

1 Juan 2:17

Nkomaskengvomok hata m'a ngkollatsekama nak kakpota nhan akmahai'akha na mota nkolanak engvalhok, koka mankomaskengvomek ma'a apto la enenlhet apkelanai'a apkeltemakha etnek Eniapom Neten, eloka ta nhan mankotnengvaianlha nnelha m'a.

1 Juan 3:22

Hengellangkok hata nhan ma'a qaselha nenmalhnengkolha la m'a ngkanek neleliehekhave mota m'a apkanemakha antangkok, nellaneiangkek na akleklemelha la apvalhok ma'a.

Judas 1:25

Hai, angelvenkesama ta kolhvave nak emmanie ta nhan metka nnelha apto lhema phapak apveske, Eniapom Neten, hengvonkeskama tep nahan aniem'o Jesucristo. Apientalhnemo, apkapommatema apankek nahan, neten apankek, aknema apmopvana apankek na m'a. Amen.

Apocalipsis 4:6

Nietnengke lhta nhan ma'a ammelhakha aptanema apveske malha alvata, alhnai'o nkek iemmen malha lhta alvata akiav'akha nak, malha lhta nhan ieiam appok la'a nenvetai'o konne nak. Kaselha lhta nhan 4 m'a aliaiheiangka m'a nekhav'ak aptanema apveske, nketsavhomavek anke lhta aliokha aqto'ok ma'a.

Apocalipsis 5:13

Asleng'a lhta nhan aklhamakho qaselha apkelentepkeskama lhta Eniapom Neten akieto neten, nalhepop, alvata kanhan koneng lhepop anak, lhta ntangkok ma'a: —Nietavek eliavenkaskesok apkelvesai'a, ellahok nahan, elteskasangkok na apkelientalhnemo kanhan apkenmopvanka'a m'a metka akvaiam annelha aliekaikamok iantelhkapa apto apnema aptanema apveske, kakpota nhan Nepkesek Apketkok —lhta ntangkok ma'a.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.