Hebreos 13:14 - Nuevo Testamento Toba Maskoy

¹⁴ Ngkanek nengavakha nak hengke'e nalhepop anak nkomaskengvomok hata m'a, nkelatseskaskek engelvalhok ennengko'o apiav'akha temma ta m'a.

Hebreos 13:14 ပူးပေါင်းရင်းမြစ်များ

1 Corintios 7:29

Ketlhengkap elialheng'a, ka asto lhkek askellano ngkanek ketse nkaimelhka akvaianlha aknem annelha lhmankek ham. Kolhva asmak'ak mokhom aleltennasangkok nema nak apnaqteiangka'a, melienlhanmamok apkellanei'o qaselha anko'ok aktemakha nak nema entava'.

2 Corintios 4:17

Nkomaskengvomok hata m'a nellengaiangko akientalhnema hengke'e nalhepop anak, nnek koka hengelpeneskaso kakpota ngkoitek akiennaktema enneniek akiav'akha nkek qaselha altakmanma m'a mankotnengvaianlha nnelha.

Efesios 2:19

Ketlhengkap metnangko nak judios mmaskek aptangko po'ok enenlhet apkelleniemai'a mo'ok apkellavakha, kolhva koka aptangkok apkeltemo lhemek apkelpokkenammap ma'a, aptangko nhan Eniapom Neten apkennemolhema.

Filipenses 3:20

Ennengko'o koka nellavakha neten, avanhek ankek hata ngkotnek nelel·halhanma neltemo elhiemok apto hengelvongkeskama ta tep, apto nhan apveske engankok Jesucristo.

Hebreos 10:34

Apkelietnai'ave lhta nhan napaqta'a aplhatmommap la'a, nkelpaihekhe lhta nhan apvalho'ok neksa nemo al·hatsoskeskama qaselha apanko'ok ngkanek apkeliavek ketlhengkap nnaiangkek qaselha apanko'o metka akmaskengvaiam ma'a neten.

Hebreos 12:22

Ketlhengkap koka mok aktema apkelvetai'a m'a, apkelteteskaiakmo nalhma akhaiam Sion, apiav'akha temma apankok Eniapom Neten apto menietsepma, apvesai'a Jerusalen apkeniem'o neten. Apkaqnekhe mota apentalhnema ángeles ma'a kakpota eltakneskasangkok Eniapom Neten.

Hebreos 12:27

Koka aktemakha nak aplheianma m'a el·hatsoksek hata qaselha akmovana nak ngkomaskengvomok aiseksek apkelentepkeskama lhta, nkolhnangkongvakhak hata m'a aknaiangkolha qaselha mangkomovana ngkomaskengvomok.

Hebreos 2:5

Meltemok Eniapom Neten etnangkok hata apkelientalhnemo ángeles ma'a alhnankok nengavakha ta,

Hebreos 4:9

Kolhva koka ennengko'o nenvanlha nak nengelelto Eniapom Neten apkennemolhema akto iokhalhmek nengelel·halhanma' angelentelhek hata iokhalhma neniamposammalhkelha nak ma'a. Koka m'a hata angeliamposalhkak ma'a aniem'o nenmakmekama, ka aptemo lhnak nanek Eniapom Neten apiamposammakpo apeneskamo aktakha nnelha apmakmekama.

Hebreos 9:11

Ngvai'ak koka aktema nnelha m'a nenvanlha nak aniem'o apvai'o m'a Cristo aptemo nhan apiav'akha sacerdote kakpota lhema aktema etsantak na lhamakho qaselha altaqmanma aksavhommalhko nkek ma'a, mankaimelhkak mokhom ma'a. Ka ngkanek aptalhnengvekhek konne malha niekhe akpaklhenammalhka nak kaselha aiempek akto nhan neten ankek aktaqmanma m'a, have enenlhet apankavek apkellanai'a m'a.

1 Pedro 4:7

Ketsek nkaimelhkak aktemongvanlha nnelha aknem lhmankek ham, ka ngkanek ketlhengkap ntasek etnangko mota apkeltakmelkasemmakpo apankavek, elelmalhnangkok nahan metka nnelha.

Apocalipsis 3:12

Apkellelto ta apkeliephongveiakmo, altemeskesangko ta malha poste apkeliennaktema nema alankeskama nak ma'a apnemakha Eniapom Neten ehenkok, elloka ta mota metka nnelha m'a. Ka poste nak atalhaksek hata nhan apvesai'a Eniapom Neten ehenkok, atalhaksek hata nhan ma'a akvesai'a apiav'akha temma apankok Eniapom Neten ehenkok. Aphalhnankok Jerusalen apvaiventa ta m'a neten apkeniem'o Eniapom Neten, atalhaksek hata nhan alhnankok asvesai'a m'a".