Hebreos 12:4 - Nuevo Testamento Toba Maskoy

⁴ melammelhmak mokhom ketlhengkap ngkollatsekama nak akvakmo apkeletsepo.

Hebreos 12:4 ပူးပေါင်းရင်းမြစ်များ

1 Corintios 10:13

Koka lhamakho nak akientalhnema apkelvetai'a ketlhengkap ntemengkek na m'a aplhamakho enenlhet, meniankehek hata Eniapom Neten na nkoiavangkok aliaqhapma akientalhnema akvakmo akvo'o la mankolelianmommalhko, eliephongveskamhok hato ka nhan ma'a Eniapom Neten neksa akvai'a akientalhnema nak aniem'o hempasmoma mota.

Filipenses 2:8

Neksa aptema lhta enenlhet apankek ma'a, koneng apanke lhta nhan aptaikama m'a, apkeliehekho nhan akvakmo apketsepo. ¡Kanhan ma'a apketsepo neten iamet aktenneskama!

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 13:13

Ennengko'o nhan nkaimelhkek antangkok malha nelenteiapma m'a apiav'akha temma, angenmangkok na takha akientalhnema aniem'o neltaqnommalhka malha aktemo lhta apkaniemhaikama Jesús ma'a.

Apocalipsis 12:11

Koka apkeleltemeskesakhe lhta koneng ma'a aniem'o lhta akiangkenammalhka ema apankok Nepkesek Apketkok, aniem'o lhta nhan apketlheianma apvesai'a m'a metka apkellai'a, nkaqhok apkenmahai'a etekio'ok

Apocalipsis 17:6

Malha anmen ato nke lhta ntak ngkelvana alhta m'a aniem'o akiama ema apanko'ok apkellelto apkelpokkenammap, aptekioma lhta neksa apkelpaieskama apvesai'a Jesús. ¡Ntenkaske lhta ko evalhok asvet'o m'a!

Apocalipsis 18:24

Hai', hata ngkotnek ma'a apiav'akha temma nak ngkanek ngvetalhkek ma'a ema apanko'ok apkeleltennasemmap ania'a, kanhan apkellelto apkelpokkenammap, kanhan aplhamakho aptekioma takhalhet lhepop lhmankek ham.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.