Hebreos 12:3 - Nuevo Testamento Toba Maskoy

³ Hai, kolketamama ta apvalho'ok ketlhengkap aptemakha Jesús aplengaiangko akientalhnema aniem'o apkammelhma enenlhet'avok apkellanekamok ngkollatsekama. Nkolvakho ta mota apaqto'ok ketlhengkap ma'a kakpota mankovhek ma'a mankoliakvaiam akvakmo aptangkokho meliennaktema,

Hebreos 12:3 ပူးပေါင်းရင်းမြစ်များ

Lucas 14:1

Aknem nennekhelha sabado lhna ntemak ma'a apkanemmakpo lhnak Jesús etasemok apnemakha lhema apkemhama apmanie fariseo m'a. Apkelemhaseiangka lhnak na apaqto'ok aplhamakha fariseos ma'a.

Lucas 15:2

Apkelvetai'ak nak fariseos ma'a kanha escribas, ka apkelmaleniosemmakpo lhnak mok apankavek ma'a, lhna aptaiangkok: —Apalhakvakme nak Jesús enenlhet anak apkellanekamok ngkollatsekama kanhan aptavokhek lheme —lhnak aptaiangkok ma'a.

Lucas 16:14

Apkelvannaikama lhnak fariseos apkellengai'o m'a aptemakha apketlhekmoskama Jesús ngkanek apteniaiangkek na mota ngkeskama patakkom apanko'ok ma'a.

Lucas 2:34

Ka apkeltakmelkaskesaiangka lhnak na alvesai'a ngkana'ak ma'a, lhna aptema apkanemo María: —Ka nematka nak nema apaskama kakpota elpalesemma apentalhnema enenlhet'avok ko israel, kakpota nhan elankesekhak neten apentalhnema nhan enenlhet'avok. Ngkotnek hata mongenatkeskama apkaniemhaikama m'a, apkeltaknevo ta apentalhema enenlhet'avok ma'a.

Lucas 5:21

Nkellomavek nak apvalho'ok apkellengai'o escribas kakpota nhan fariseos, nkelpaqmetekama lhnak apvalho'ok ma'a: —¡Aptevaske nak apvesai'a Eniapom Neten ha'e, vanlha niekhe Eniapom Neten apvankek etneskesama apankek meleliehekho apkellaskamakha m'a enenlhet! —lhna aptaiangkok ma'a.

Juan 10:20

—Mellailho nkek mokhom ketlhengkap ham enenlhet anak, malha anema, kasekapo av'alhok na akmaikama —lhta aptangkok ma'a.

Juan 18:22

Kolhvave lhta aptekpongak apmalhempenek lhema apkelanekama atong Eniapom Neten apnemakha, lhta aptak apkano: —Have nentemakha angatemmoma apiav'akha sacerdote aptakha nak —lhta aptak.

Juan 5:16

Apkelempai'avek na lhta apkelemhama apmaniaie judios apkenmahai'a emenlhenama Jesús ma'a, lhta songke apmakmeiangka aptaqmelkeskaiakmo akmaska apiempek aknem sabado nennekhelha.

Juan 7:12

Ma lhta ellasak apketlheno enenlhet Jesús akieto aktaqmelankolha lhma m'a, apkelmalenioma lhta m'a ngkanek apkellak'ave lhta apkelemhama apmaniaie' judios ellenhok ma'a, lhta aptangkok enenlhet: —Apiave lhma' enenlhet anak ma'a, hela —lhta aptak. —Ma', meiholhma m'a, apmopvana ania'a m'a —lhta aptak po'ok enenlhet.

Juan 8:13

Koka lhta aptangkok fariseos apkellano: —Mangkolhek aktemeskaso iokhalhmek aplhenakpo la pankek lheiap —lhta aptangkok.

Juan 8:52

Lhta aptangkok mokhom enenlhet'avok ma'a: —¿Se lha ntak aplheno nak melletsepek hata apkellasekhai'o la lheiap? Neten apankek apmahai'a etnama lheiap, apkeletsepmek nak nanek ma'a nelieihengka Abraham kakpota nhan apkeleltennasemmap ania'a annenga, lheiap koka apmahai'a etnama neten apankek, neliavek kolhvave nak kasekapok av'alhok akmaikama lheiap —lhta aptangkok enenlhet.

Juan 8:59

Kolhvavek anke lhta apkenmangkok metaimong aliaqiema kakpota ennapok Jesús ma'a, koka aplhenengkasekpe lhta apankek apieseksek enenlhet'avok ma'a, aptepo nhan Eniapom Neten apnemakha.

Juan 9:40

Apkelleng'a lhta nhan moklhem'a fariseos aktakha apaivoma Jesús, lhta aptangkok apkellano: —Hengetlhenkek lheiap ennengko'o malha metka engaqto'ok —lhta aptangkok ma'a.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Corintios 4:1

Eniapom Neten apto apiamolhma hengellanei'o ennengko'o, hengellaiangko nhan nenmakmekama nenlheianma ania'a aktaqmanma. Ka nkeniemai'ak mamma nhan manghengeliaqvaiam la angelpaiaksek ania'a aktaqmanma.

2 Corintios 4:16

Niekhe akmaskema neliennaktema neliokha nak, koka mankolhnankok anmaiosak'a engvalho'ok anak, ngkanek neliavek engelvalho'ok anak nkanantangkek na lhamakho aknem aliennaktema.

Galatas 6:9

Ka ngkanek na ketlhengkap mel·halhiengvomek apkellanekamok qaselha altaqmelo netamen hata m'a akieto la aktaqmelakha aknem avanhek hata ngkotnek apnaklhekamok akielhna altakmanma metko la alvannammalhka apvalho'ok.

2 Tesalonicenses 3:13

Koka ketlhengkap engelialheng'a nengeleltavek ellanangko mota qaselha altaqmelo.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 12:5

Malha apkelvangkamaiangkek ketlhengkap apkelleltemakha etnangkok Eniapom Neten malha apkelto nak ma'a apketkak anak ketlhengkap, lhnak nanek aptemak: «Lheiap eietka, metaqnevak apnaveskama apveske, metnenkek nkoiakvaiam apanko ta akiennaktema apaivoma m'a.

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

1 Pedro 2:23

Ma lhta nhan eiaqmongkasekhak nema akiamenaikama la'a, ma lhta nhan epokkenaikama po'ok la'a neksa aptevaskama, vanlha lhtoka apkenmalhneiangka Eniapom Neten apkeltemo eiekpelkok ma'a ngkanek apto apeivomo m'a.

Apocalipsis 2:3

Metka lhta nhan apekheskama lheiap ka nhan apvaskapma neksa akientalhnema aniem'o heiasennaikama, ma lhtoka heiamasangvakmok heieplekama m'a.