Hebreos 12:28 - Nuevo Testamento Toba Maskoy

²⁸ Ennengko'o nhan netlhevaiangkok nema aktema nak Aveske mangkomovana nak ngkomaskengvomok ka ngkanek ntasek antangkok gracias Eniapom Neten, angellasennama nhan akieplomo nellai'o kakpota nkopaihekhak apvalhok ma'a,

Hebreos 12:28 ပူးပေါင်းရင်းမြစ်များ

Lucas 1:33

Etnek hata nhan apveske apanko'ok ko Israel mankotnengveianlha nnelha, have niapak ankek ma'a —lhna aptemak ángel.

Romanos 11:20

¡Koka ellaho ta ketlhengkap ma'a! Apkeliaqtemenammakpe lhta malha aktengok alhta lhennenga aniem'o aliaskeiam, ka akno aliepetkeskakmo nhan ketlhengkap ma'a aniemai'o nhan meliaskeiam. Koka apkelakpo la ketlhengkap,

Efesios 1:6

Kakpota angeltakneskasangko mota apvesai'a m'a aniem'o aktaqmanma nkek hengellanei'o, altakmelkeskamo nhan nellaniemhaikama aniem'o nhan Apketka apkamelaiam.

Efesios 5:10

Ellanama ta sekhek aptangkolha la enenlhet, qaselha akleklemelha apvalhok Eniapom Neten kelhaha, nlho ka la mma'.

Filipenses 4:18

Alhevangvaktek qaselha hellapaskeskama ketlhengkap apsenta koka Epafrodito hengke'e, heiekangvakme', nlekama nhan evalhok malha nta kto nak akmases la aimes nema akmeskama nak Eniapom Neten kakpota nkolkama nhan apvalhok ma'a.

Hebreos 10:19

Ketlhengkap elialheng'a, kolhva koka envanka'ak angelentalhnengvomok metka nellai'a akieto av'alhok pa'at akpokkenammalhka nkoie' aniem'o m'a ema apankok Jesús.

Hebreos 13:15

Eliavenkaso ta mota apvesai'a Eniapom Neten aniem'o nhan Jesucristo, malha ntak ma'a akmatnama nak nentoskama nengaikamok la m'a kakpota nkolekkasama apvalhok ma'a. ¡Hai, eliavenkaso ta mota nhan Eniapom Neten akieplomo apkelpaqmetekama!

Hebreos 13:21

Askeltavek ko'o Eniapom Neten elentepkeskesek apvalho'ok ketlhengkap lhamakho aktemakha altaqmanma akleklemelha la mota apvalhok ma'a, aniem'o nhan Jesucristo, apto akietemo nkek neniavenkeskamo apvesai'a m'a metka akvaiam annelha aliekaikamok iantelhkapa.

Hebreos 3:6

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Hebreos 4:16

Ka ngkanek ntasek angelteteskakho mota ennengko'o m'a metka nengai'a napokha aptanema Eniapom Neten apto niapom hengamelaiam. Apiosek hata nhan hengellanhok ennengko'o m'a, hengelpasmok hata nhan akvo'o la aknem akientalhnema ngkanek apto apiamolhma apanko ie'.

Hebreos 5:7

Neksa apkaniemhaikama lhta Cristo hengke'e nalhepop anak apkenmalhnongkomo lhta akieplomo akiennaktema apkeleklhangvekama apkeltemo eiekakse' niekhe apketsepma. Ka aplengai'o lhta nhan Eniapom Neten ma'a aniem'o apkeliehekho mota m'a.

1 Pedro 1:17

Eliekpelkok hata Eniapom Neten aptangkolha la enenlhet apkellanekamok aktaqmanma nlho ka la ngkolatsekama. Mellanhe' aptemakha enenlhet, apneskamo po'ok koka apkellanei'o m'a. Ka apketlheno la ketlhengkap apiapma'ak Eniapom Neten, nkaimelhkek na ellahok ma'a neksa apkellangiemhaikama hengke'e nalhepop anak,

1 Pedro 2:20

Koka apkelvaskapo la ketlhengkap neksa nema altekpoikama aniem'o ngkollatsekama apkellanekamok qaselha, koka metlhevangkek akianmoma m'a, akhemo nhan apkelvaskapma m'a. Koka apkelvaskapo la neksa akientalhnema niehe nhan neksa aktaqmanma apkellanekamok qaselha, nkolekkasama ta apvalhok Eniapom Neten ma'a.

1 Pedro 2:5

Ketlhengkap na malha apkellelto metaimong aliennaktema kakpota enmama Eniapom Neten elanak na lhema pa'at akiavai'a nemakha' la alletsevaskesaiangkolha apvesai'a m'a aniem'o nhan apvalho'ok ma'a. Ketlhengkap na apkellelto sacerdotes apkelpokkenammap kakpota ellangkok malha qaselha nengaikamok anak aniem'o apvalho'ok anak, akleklemelha la apvalhok Eniapom Neten, apvanka'ak etnangkok ketlhengkap ma'a aniem'o m'a Jesucristo.

Apocalipsis 1:6

Hengeltemeskaske lhta nhan malha apkeliav'akha apkelveskaie ennengko'o kakpota nhan sacerdotes kakpota angellasennama mota m'a Eniapom Neten apto apiapom ma'a. Ka ngkanek na ntasek ellaho mota apvesai'a m'a, etlhenama mota akietnema neten apankek apientalhnemo kanhan apmopvana panke metka akvaiam annelha aliekaikamok iantelhkapa. Amen.

Apocalipsis 15:4

Ellahok hata mota enenlhet'avok lheiap Apveske, eliavenkaskesok hata nhan apvesai'a ngkanek apto Apokkenammap memangveiam ngkolatsekama, lhamakho apkellavakha lhmankek ham elelhiemok hata apnakha lheiap kakpota elteklhengkok aptapno'ok napaqtek ma'a aniem'o apkellai'o, ngkanek apkelvetai'ak akpeivomo qaselha apkelanai'a mota lheiap —lhta aptangkok apkennekmasengko m'a.

Apocalipsis 5:10

Hengeltemeskesaiangko lhta nhan apkelveskaie ka nhan sacerdotes apankok Eniapom Neten, antangkok hata nhan apkelveskai'e takhaplhet'ok enenlhet'avok lhmankek ham —lhta aptangkok apkennekmasekamok ma'a.