Hebreos 12:2 - Nuevo Testamento Toba Maskoy

² Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 12:2 ပူးပေါင်းရင်းမြစ်များ

Marcos 14:36

lhna aptemak: —¡Ta! Apvankek lheiap elanak apmak'akha la elana', askeltave niekhe heiekaksek akientalhnema ta malha asnaqsepma ta akmaska akmak'o na nkovak. Momak'ak atnehek asmak'akha atnehek, vanlha apkelto la apmak'akha la etnek lheiap —lhna aptemak Jesús ma'a.

Marcos 16:19

Apsavhomo lhnak aktemakha apkeleltennasekama Apveske m'a, ka aknemo lhnak akiantemekho neten ma'a, apnekho nhan akiennakha apoktong Eniapom Neten.

Marcos 9:12

Ka apkellatemmoiangka lhnak Jesús ma'a, lhna aptemak: —Hai, have niapak evak hata apmanie m'a Elias kakpota elanekhak lhamakho qaselha m'a. Nietnengkek na aktalhesammalhka m'a vakkahak Eniapom Neten apaivoma avanhek hata nhan ngkotnek aplengaiangko akientalhnema m'a Enenlhet Apketka m'a, ngkolhek hata aktaknevangka nhan ma'a.

Marcos 9:24

Ka apiennakteskamo lhnak apaivoma apiapom apketkok ma'a, lhna aptemak: —Moi'askakmok ko'o, hepasem hata kakpota nkoiangvomok moi'askeiam —lhna aptemak ma'a.

Lucas 17:5

Lhnak aptaiangkok apkellanemo apkelapaskamo Apveske: —Apveske, hengeliavenkeskasamok hata mongeliaskeiam anak —lhna aptaiangkok.

Lucas 23:11

Ka apkelempai'akha lhnak apkelvannaikama kempokhakme kakpota nhan apveske Herodes. Apkelentalhneskasekho nhan aptalhnema apmennave, malha apveske aptalhnema, apkeltaikama lhnak apankek ma'a apkelvannaikama lhnoka m'a. Netamen Herodes apkapasekho lhnak mokhom Jesús napaqtek Pilato m'a.

Lucas 24:26

nkaimommalhkek na lhta Cristo ennangkoho akientalhnema amanie nema aktemeskeskama ta apientalhnemo pankek ma'a —lhnak aptemak ma'a.

Juan 1:29

Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.

Juan 12:24

Have niapak ankek lhema aktek anak analhko la konne lhepop, nkaimelhkek sekhe malha atsepma la'a kakpota nkotektepok nkolhamekhak na akielhna, koka mangkotno la malha atsepma m'a, mankotalhkek na akielhna.

Juan 12:32

Hato ka kno ta heklheno neten, nkolienioskamok hata aplhamakho enenlhet'avok asiokha nak nkolaqlantak asnakha —lhta aptak Jesús.

Juan 6:40

Apkeltavek apto lhta heiapaskama ellanhok aptemakha Apketka nak, meliaskamek nahan kakpota m'a etlhevangkok aliennaktema apnenio'ok nkotnengvaianlha nnelha', anaklhatekhaskamok hata nhan ma'a akvakmo ta nnelha aknem alhma nkek ham —lhta aptak Jesús.

Juan 8:56

Abraham apkelieihengka lhta ketlhengkap apmahai'ave lhta etak aknem ehenkok, apvetai'a lhtoka m'a, mpaihakhe lhta nhan apvalhok ma'a —lhta aptak.

Hechos 2:36

Ellailhono enenlhet ko Israel, have niapak anke ketlhengkap apkeliaqlhaiangke lhta apmeiok apmankok neten iamet aktenneskama Jesús alhta, Eniapom Neten alhto ka aptemeskasak Apveske kanhan Cristo —lhna aptemak Pedro apkellanemo enenlhet'avok ma'a.

Hechos 3:15

Alleniemai'o lhtoka ketlhengkap apmatnamo m'a apto niekhe apkelanai'a neniennaktema nak, Eniapom Neten koka nhan aplhatekhaskeiakmok ma'a, ennengko'o nhan nelvetaiangko m'a.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

Hechos 5:41

Ka apkellenteiapmo lhnak nema alapaskamo napaqtave apkelientalhnakha apkelveskaie, nkelpaihekhek nak apvalho'ok ngkanek apkellengaiangkek nak akmaska aniem'o apketlheianma Apvesai'a m'a.

1 Corintios 1:18

Ka ania'a nak aplhenammap apketsepma Cristo neten iamet aktenneskama, nietnek akmovana aniem'o Eniapom Neten apieseksek apkellelto ta apkelvonkasemmap tep, koka apkellanengkek aktaikama nkek ma'a apkellelto ta apkenmaikamok akieto nenmaskengvaianlha.

1 Corintios 1:23

Ennengko'o koka neleltennaskek ania'a Cristo apketsepma lhta neten iamet aktenneskama, apkeltaknevakkek koka judios ania'a nak, aktaikama nkek koka apkellanemak ania'a nak metnangko nak judios.

Efesios 2:16

Apmaskeskakme lhta nhan apkellamelhammap apieseksek anak ma'a hanet apkellavakha nak, apiepetkasekho lhta nhan po'ok aktaiekho lhta malha lhema apkeliokha. Apkeliepetkeskekho lhta nhan Eniapom Neten aniem'o apketsepma neten iamet aktenneskama.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

Filipenses 1:6

Ampai'osekha lhta apkelanai'a Eniapom Neten qaselha altaqmanma apieseksek anak ketlhengkap, have niapak ankek ngkovomok hata aknem apeneskama m'a akvakmo apvaktamo ta Jesucristo hengke'e.

Filipenses 3:20

Ennengko'o koka nellavakha neten, avanhek ankek hata ngkotnek nelel·halhanma neltemo elhiemok apto hengelvongkeskama ta tep, apto nhan apveske engankok Jesucristo.

2 Timoteo 4:8

Asiavek ko Apveske apto apeivomo hengiekpelkemo, heiangkok hata m'a akianmoma asnaksepma askelhnekha epatek aniem'o astema aspeivomo ngkotnek hata m'a akmo'o ta nkovak aknem aliekpelkammalhkelha nentaiangkolha, ellangkok hata nhan ma'a aplhamakho apkellelto nak melleskama elel·halhnama apvektanlha ta m'a.

Hebreos 1:13

Mang nak nanek na etnemak enianak lhema aphapak la ángel Eniapom Neten hengke'e: «Elhnata neheqha akiennakha akvakmo ta asavho askakheskeskekta koneng apmankok apkelammelhmakha lheiap».

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Hebreos 10:14

Vanlha lhta lhema qaselha nengaikamok anak Eniapom Neten altemeskeskamo apkeliamolhma apankavek metka nnelha apkellelto la apkelpokkenammap kakpota nkoltemeskesangkok na Eniapom Neten apkennemolhema.

Hebreos 10:33

apkeltaknommakpe lhta nhan, apnaqtevasemmakpe lhta napaqtavek enenlhet'avok, koka nheklhe lhta mota apkelpasmoma ketlhengkap apkellengaiangko la akientalhnema malha aktaiangko lhta nhan ketlhengkap ma'a.

Hebreos 11:36

Moklhem'a lhnak nanek na nema altekpoiangka, nema alvannaikama lhnak nahan, nema aknaktetema cadena, nemo nhan apnaktamo nengaqlhengkasemmalhkelha m'a aniem'o meliaskeiam.

Hebreos 12:3

Hai, kolketamama ta apvalho'ok ketlhengkap aptemakha Jesús aplengaiangko akientalhnema aniem'o apkammelhma enenlhet'avok apkellanekamok ngkollatsekama. Nkolvakho ta mota apaqto'ok ketlhengkap ma'a kakpota mankovhek ma'a mankoliakvaiam akvakmo aptangkokho meliennaktema,

Hebreos 13:13

Ennengko'o nhan nkaimelhkek antangkok malha nelenteiapma m'a apiav'akha temma, angenmangkok na takha akientalhnema aniem'o neltaqnommalhka malha aktemo lhta apkaniemhaikama Jesús ma'a.

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

Hebreos 7:19

ley Moises mankavankek nkoltemeskesek apkeliamolhma apankavek enenlhet'avok. Koka neliavek kolhvavek nak nietnek qaselha nengel·halhnekama aktaqmanma nkek ka ngkanek na m'a envanka'ak angelteteskakhak Eniapom Neten metka altaikama engvalho'ok.

Hebreos 8:1

Nlhaniek ankek qaselha asketlhekmoskama, koka akto neten akiaspommalhka m'a aptemakha apiav'akha nak sacerdote engankok apto nhan neten apankek apiaspommap ma'a. Ka nkeniemai'ak apnekho m'a neten akieto Eniapom Neten akiennakha apoktong apnakha aptanema apveske.

Hebreos 9:28

Nnavek na Cristo m'a, lhema aktema apkaiangko pankek apmatnama kakpota el·hatsoskasangkok apkellanekamok ngkollatsekama aplhamakma enenlhet'avok. Netamen ma'a evatak hata mokhom have apmahai'a elaneskasekhak apvalho'ok enenlhet'avok apkellanekamok ngkollatsekama, vanlha koka apmahai'a elvongkeskatak tep ma'a apkellelto la mota apkelel·halhanma.

Santiago 2:1

Ketlhengkap elialheng'a, meliaskeiam Jesucristo apveske engankok aknema apmopvana, ka ngkanek mangkolatsema aptangko la melhneskamo mo'ok apkellanei'o po'ok.

1 Pedro 1:11

Cristo Espíritu apanko nak alientemongkeskamo lhnak nanek aleltemeskeskama elioho apkeleltennasemmap ania'a aktemakha aplengaiangko ta akientalhnema Cristo, aktemakha nhan qaselha hempelapkeskama nkovak hata netamen hata aplengaiangko m'a. Apkelienlhanmeiangkave lhnak nanek ania'a niapma'ak annenga apkenmahai'a eliohok aknem nkovak hata, kanhan aktemakha qaselha akvetammalhka ta m'a. Koka Espíritu

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

1 Pedro 3:22

apmeiekho lhta neten, apnekho akiennakha apoktong Eniapom Neten, aptemengvekho nhan apveske apieseksek ángeles kanhan enghangok aknema anmovanka'a, alientalhnemo nhan ma'a.

Judas 1:21

Etlhengkes hata mota apkellamelaiam Eniapom Neten, elel·halhen hata aknem nkovak hengellaikamok aliennaktema ennenio'ok nkotnengvaianlha nnelha aniem'o m'a apveske engankok Jesucristo apmapiose nhan hengellanhok ma'a.

Apocalipsis 1:11

lhta ntak heiano: —Etalhes no lhema vakkahak aktakha la apvetai'a, etsaskes hata 7 iglesias akieto m'a iokhalhma akiav'akha Asia, ka alvesai'a hengke'e: Efeso, Esmirna, Pergamo, Tiatira, Sardes, Filadelfia kakpota nhan Laodicea —lhta ntak nema aliatekama netamen ko'o.

Apocalipsis 1:17

Asiaqnenke lhta ko'o akieto apmanko'ok akpelapkeso asvetai'a m'a, malha asketsepma lhta stak. Ka apekkeno lhta apmek akiennakha tekhelhet ko'o, lhta aptak heiano: —Meniaga, ko'o asto enemelha kanhan aktakha nnelha.

Apocalipsis 1:8

Lhna aptemak Apveske apto vanlha lhema aphapak aknema apmopvana apanke: —Ko'o nak asto alfa kakpota nhan omega, ko'o asto enemelha kanhan aktakha nnelha, asto asnema nenvanlha nak, asnemo nhan tep nak nanek, asvekta ta nhan —lhna aptemak.

Apocalipsis 2:8

—Etalhes no mokhom lheiap ania'a kakpota eniapaskesek ángel apno m'a iglesia akieto Esmirna, ka ntak ania'a hengke'e: Apto nak ma'a apmanie nkek kanhan alhaie nkoie, apto lhta apketsepma, netamen koka m'a aplhatekhangvakmek ma'a, ka aptak na m'a: