Hebreos 12:14 - Nuevo Testamento Toba Maskoy14 Ellasekhakpo mota aplhamakho, ellanamok hata nha mota qaselha altaqmelo ngkanek vanlha apkellelto la apkeliamolhma apankave nak apvanka'ak hata m'a elvetangvomok Apveske. အခန်းကိုကြည့်ပါ။ |
Ketlhengkap elialheng'a, askelelmalhneskaskek akieplomo apvesai'a apveske engankok Jesucristo ntasek etnangko mota aknemo mo'ok apvalho'ok apieseksek anak ketlhengkap ham. Metka nhan apkelhpaknaikama, vanlha etnangkok apkelpasmekha ham. Etnamok hata aknemo mo'ok apvalho'ok atlhenaikama kanhan aknemo mo'ok apvalho'ok apkenmak'akha la etnangkok.
Koka kolhvave nak nelvet'ak malha ieiam appok taiep, alhpanma la nhan nenvetai'a, nkovak hato ka aknem nenvetangveiakmo iokhalhmek ankek ma'a, malha metka la apma nenga'at hata nkotnek. Hai, mankosavhommalhkok ma'a nema nenianveiakmo nak, nkovakha toka aknem nenianveiakmo aksavhommalhko nkoie', ka aptemakha nak ma'a Eniapom Neten apiamo nentemakha.
Koka apkellelto nak apkenmensangveiam alhma, apkelanai'a qaselha malha akpaiseiam, apvannaikamok na qaselha apanko'ok apteniai'a, apkeltakneskasekamok na qaselha akiokha allanemmalhka', metnangkek hata m'a apkennemolhema akieto nak aptaiangkelha apkelveskai'e Cristo kakpota nhan Eniapom Neten, have niapak anek astakha nak alheianma.
Koka lheiap apto Eniapom Neten apkasennaikama, enieniamo ta kakpota mankomama m'a qaselha ngkolatsekama nak, elana toka akpeivomo, qaselha aktaqmelo, koietna mei'askeiam, nengasekhai'o emmo'ok, eliephekho ta apvaskapma neksa aplengaiangko akientalhnema, etne ta nhan nalhepek anko ie napaqtavek enenlhet'avok.
Akiakvatakho nkek ennengko'o nellaniemhaikama hengke'e nalhepop anak hengennaveske mota eniapma'ak aktangkolha la mota atlhenaikama apvalho'ok kakpota ntasek ngkotnek nellaniemhaikama m'a. Koka Eniapom Neten hengennaveskek ennengko'o kakpota angelvomok ma'a nentaikamok enenlhet apkeltakmelkasemmakpo kanhan apkeliamolhma ka aptemo nak ma'a.
Nnavek na Cristo m'a, lhema aktema apkaiangko pankek apmatnama kakpota el·hatsoskasangkok apkellanekamok ngkollatsekama aplhamakma enenlhet'avok. Netamen ma'a evatak hata mokhom have apmahai'a elaneskasekhak apvalho'ok enenlhet'avok apkellanekamok ngkollatsekama, vanlha koka apmahai'a elvongkeskatak tep ma'a apkellelto la mota apkelel·halhanma.
Lheiap eialheng askasekhai'o, meieplavkesankek lheiap aptaiangkolha nak meliamolhma, ntasek koka eieplavkesek ma'a aptaiangkolha nak enenlhet apkeliamolhma nak. Enenlhet apkelan'o la qaselha aktaqmelo, koka apto apasmekha Eniapom Neten ma'a. Koka enenlhet apkelan'o la qaselha ngkolatsekama, metak Eniapom Neten.