Hebreos 11:7 - Nuevo Testamento Toba Maskoy

⁷ Mang nak nanek na ei'askeiakmok Noé apaivoma Eniapom Neten apkeskamo nkovak hata lhema qaselha melvetai'o m'a. Apkelanei'ak noka apanke loma nemmen akiavai'a kakpota evongkasakpok tep kanhan apketkak. Hai, mei'askeiam nak nanek nkeniemai'ak ma'a Noé aknemo aktevasekho lhmankek ham. Mei'askeiam nak nanek Noé ka nkeniemai'ak ma'a nemo altaiangko apeivomo.

Hebreos 11:7 ပူးပေါင်းရင်းမြစ်များ

Lucas 17:26

Neksa apvekta ta mokhom Enenlhet Apketka nak, hata ngkotnek aktemo lhnak nanek apnema Noé nnenga.

Romanos 1:17

Ania'a aktaqmanma nak hengeleltennaskek vanlha Eniapom Neten apvankek henteskesangkok nelpeivomo aniem'o mongeliaskeiam Jesucristo, ka ktemo nak aktalhesammalhka nhan Vakkahak Eniapom Neten apaivoma hengke'e: «Enenlhet apto la apeivomo, eloka ta akvanqakhoho» ka ntemak ma'a.

Romanos 10:6

Lhna nnema aktemo antek nempeivomo aniem'o mongiaskeiam hengke'e: «Molheng apvalhok sek la enenlhet eniakhak neten kakpota eiantementak nalhepop Cristo.

Romanos 3:22

Hai, Eniapom Neten hengeltemeskaskek nengelpeivomo nenlhamakho lhmankek ham aniem'o mongeliaskeiam Jesucristo ngkanek nennavek emmo'ok napaqtek ma'a.

Romanos 4:13

Apeneskamavek nak nanek lhema apaivoma Eniapom Neten apkeltennaskamo Abraham annenga, eniangkok hata m'a lhepop lhmankek ham, kakpota nhan aptavana'ak neptamen, ngkanek apeivomo Abraham aniem'o mei'askeiam, have aniem'o m'a apkeliehekho ley.

Romanos 9:30

¿Ko la antemeskesek nenlheianma, he? Apkellelto nak metnangko nak judios meteniaiangkok etnangkok apkelpeivomo, nkaqhok koka Eniapom Neten apkeltemeskeskangke lhta apanke apkelpeivomo aniem'o meliaskeiam ma'a.

Galatas 5:5

Ennengko'o koka alel·halhnekama engelvalho'ok aniem'o Espíritu ngkolhek hata hengeltemeskaso nengelpeivomo aniem'o mongiaskeiam, have niapak ma'a.

Filipenses 3:9

aspasmekho nhan ma'a. Asieniekhek astema moi'askeiam askanemo lhta aspeivomo aniem'o lhta askeliehekho ley Moises, kolhva koka asiavek asto aspeivomo aniem'o moi'askeiam Cristo. Hai, hetneskaskek aspeivomo Eniapom Neten aniem'o m'a mongiaskeiam anak.

Hebreos 11:1

Ka mongiaskeiam anak aktemeskeskama iokhalhmek ankek nkovak hata m'a qaselha alel·halhanmo mota engelvalho'ok, aktemeskeskama nhan have niapak ankek akietnema m'a qaselha mongelvet'o mokhom.

Hebreos 12:25

Hai, ntasek ankek ketlhengkap apkelvetai'a neksa apkellangiemhaikama, ka ngkanek ntasek meltaqneve' kno la alpaqmetkeso, ¡ellaho ta nkovak akientalhnema! Mang nak nanek elvaiakmok tep ma'a apkellelto lhnak nanek apkeltaknongkoma apkellanemmakpelha etnangkok m'a aniem'o nhan enenlhet apankek apkellaikamok apaivoma m'a. Aselhtek hata nhan elvomok tep apkellelto la apkeltaknongkoma apto apkennaveskama m'a aniem'o nak neten.

Hebreos 5:7

Neksa apkaniemhaikama lhta Cristo hengke'e nalhepop anak apkenmalhnongkomo lhta akieplomo akiennaktema apkeleklhangvekama apkeltemo eiekakse' niekhe apketsepma. Ka aplengai'o lhta nhan Eniapom Neten ma'a aniem'o apkeliehekho mota m'a.

Hebreos 8:5

Koka sacerdotes nalhepop anak apkenmakmema mota apkenmaiangka qaselha iama apkelietkesaikamok alnemo m'a qaselha aknaiangko nak ma'a neten. Nnavek na m'a Moises annenga neksa apmahai'a epaklhenek kaselha aiempek, lhnak nanek aptemak apkanemo Eniapom Neten: «Etaqmelkaso ta apkelanai'a, eietkesamok hata aktakha lhta asvetaskeskama m'a neten nalhma akhaiam», lhna aptema.

1 Pedro 3:20

aniem'o lhnak na nek mankoleliehekhok Eniapom Neten ma'a, neksa aploma lhnak nanek Noé. Mepekheskamo lhnak nanek na Eniapom Neten epenaksek loma nemmen akiavai'a m'a Noé, apkelvaiakmo lhnak nanek na tep 8 enenlhet apkelvaivekamok neksa akmamai'a akiavai'a.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

2 Pedro 2:5

Mang nak nanek na enmekhok takha enenlhet'avok anak meliamolhma apkennemolhema lhnak nanek Noé, apiangkanmo lhnak nanek iemmen akiavai'a takhaplhet'ok ma'a, vanlha lhnak nanek Noé apvaiakmo tep ma'a ngkanek apto apeivomo, kanhan apkelvaiakmo tep 7 apketkak.

2 Pedro 3:6

Netamen nak ma'a lhamakho qaselha nenvetai'o nak lhmankek ham aktevasekho lhnak na iemmen.