Hebreos 11:5 - Nuevo Testamento Toba Maskoy

⁵ Mei'askeiam nak nanek na Enoc, akleklemo nhan apvalhok Eniapom Neten, apkeliamavek nak nanek na apkennemolhema aptemakha m'a, ka ngkanek apiasekho neten Eniapom Neten ma'a kakpota menietsepek ma'a, mang nak nanek na elvetekhak apkennemolhema m'a.

Hebreos 11:5 ပူးပေါင်းရင်းမြစ်များ

Lucas 2:26

Lhna nkeniemai'ak apiangveskeskaiakmo m'a amanie apketsepma' etak hata Cristo apto apkeliekieskama Apveske.

Lucas 3:37

Lamec apiapom nak Matusalen. Matusalen apiapom nak Henoc. Henoc apiapom nak Jered. Jered apiapom nak Mahalaleel. Mahalaleel apiapom nak Cainan.

1 Tesalonicenses 2:4

Eniapom Neten koka hengelleltemeskeskama kakpota ampaiaksek ania'a aktaqmanma, monteniaiangko' ennengko'o nkolekkasama apvalho'ok enenlhet'avok nentaiangkelha, vanlha koka nenteniaiangkok ma'a nkolekkasama apvalhok Eniapom Neten apto apvetai'o alhnakho nkek engvalho'ok.

Hebreos 11:6

Apiaskeiam la enenlhet mankolkek apvalhok Eniapom Neten ma'a. Enenlhet apmahai'a la eteteskakhak Eniapom Neten nkaimelhkek amanie sekhe mei'askamek apnema m'a, mei'askamek na m'a ellangkok hata akianmoma apkellelto la apkelketansema mota m'a.

Hebreos 2:9

Nne lhta nhan aktepkeso Jesús hengke'e ketse lhtoka nhan koneng apientalhnemo melhnemok ángeles, iakvatakho lhtoka m'a. Kolhva koka neliavek ma'a nlanei'avek apientalhnemo kanhan nemo ai'o aniem'o lhta apketsepma. Hai, apkeliekieskek Eniapom Neten kakpota enietsepok ennengko'o hengeliaqmoiekha aniem'o aktaqmanma nkek hengellanei'o.

1 Juan 3:22

Hengellangkok hata nhan ma'a qaselha nenmalhnengkolha la m'a ngkanek neleliehekhave mota m'a apkanemakha antangkok, nellaneiangkek na akleklemelha la apvalhok ma'a.

Judas 1:14

Enok koka apto lhnak 7 apkeniem'o Adan aptavana'ak neptamen, apaiesaiangka lhnak ania'a sekhek ankek elvakha ta m'a enenlhet'avok meliamolhma nak, lhna aptemak: «Ngvet'ak lhek ehaqtek Apveske apkelhiakmo m'a, apketlhelhma'ak koka apentalhnema apanke apkelpokkanma