Hebreos 11:10 - Nuevo Testamento Toba Maskoy

¹⁰ Koka apiamavek nak na noka Abraham eloka ta m'a apiav'akha temma apto koka Eniapom Neten apeneskamo aklhenaikama apvalhok, apkelanei'ak koka m'a temma nak takhalhet avhok aliennaktema nkoie'.

Hebreos 11:10 ပူးပေါင်းရင်းမြစ်များ

Juan 14:2

Avanhe lhma apnakha Tata, aniakhak hata ko'o m'a alpeneskasok hata apkakhaiangkelha ketlhengkap ma'a, have niapak ankek ma'a. Netamen avatamok hato ka mokhom kakpota alaqlosengvatak ketlhengkap ham, hata angaqhengvakhak ma'a.

2 Corintios 5:1

Neniokha nak malha lhema la pa'at akmaskengvaiam anak. Koka aktevaselhko la m'a, neliavek koka nhan ennengko'o hengellangkok hata Eniapom Neten mo'ok neliokha m'a mankomovana nhan nkomaskengvomok akieto neten, malha nhan pa'at la m'a have kto nak apkelanai'a nak enenlhet.

Filipenses 3:20

Ennengko'o koka nellavakha neten, avanhek ankek hata ngkotnek nelel·halhanma neltemo elhiemok apto hengelvongkeskama ta tep, apto nhan apveske engankok Jesucristo.

Hebreos 11:16

Koka apkelleltemavek nak nanek elvetak mo'ok apkellavakha akieto m'a neten, ka ngkanek akhaiangka lhnak nanek na apvalhok Eniapom Neten ma'a aptemo apveske apanko'ok, apkelpeneskeskamo nhan lhema apkellavakha m'a.

Hebreos 12:22

Ketlhengkap koka mok aktema apkelvetai'a m'a, apkelteteskaiakmo nalhma akhaiam Sion, apiav'akha temma apankok Eniapom Neten apto menietsepma, apvesai'a Jerusalen apkeniem'o neten. Apkaqnekhe mota apentalhnema ángeles ma'a kakpota eltakneskasangkok Eniapom Neten.

Hebreos 12:28

Ennengko'o nhan netlhevaiangkok nema aktema nak Aveske mangkomovana nak ngkomaskengvomok ka ngkanek ntasek antangkok gracias Eniapom Neten, angellasennama nhan akieplomo nellai'o kakpota nkopaihekhak apvalhok ma'a,

Hebreos 13:14

Ngkanek nengavakha nak hengke'e nalhepop anak nkomaskengvomok hata m'a, nkelatseskaskek engelvalhok ennengko'o apiav'akha temma ta m'a.

Hebreos 3:4

Lhamakho pa'at anak apkellanai'a nak enenlhet, koka Eniapom Neten na apkellanai'a lhamakho qaselha nenvetai'o nak.

Apocalipsis 21:2

Asvet'a lhta nhan akvaivantamo natemma akpokkenammalhka aniem'o neten, akietnemo lhta m'a napokha Eniapom Neten, alhnankok Jerusalen alhto ka akvesai'a m'a. Apkeltase lhta aktalhnema kanhan annatanma malha kto nak ngkelvana alailhema akmahai'akha la'a.