Hebreos 11:1 - Nuevo Testamento Toba Maskoy

¹ Ka mongiaskeiam anak aktemeskeskama iokhalhmek ankek nkovak hata m'a qaselha alel·halhanmo mota engelvalho'ok, aktemeskeskama nhan have niapak ankek akietnema m'a qaselha mongelvet'o mokhom.

Hebreos 11:1 ပူးပေါင်းရင်းမြစ်များ

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

1 Corintios 13:13

Nietnek koka hanetolhem'a qaselha allelto mankonmaskengvaiam, ka kto nak alvesai'a mongiaskeiam, al·halhnekama engvalhok angvetak aktaqmanma kakpota nhan nengasekhai'o, koka aktema neten ankek ma'a nengasekhai'o nak.

2 Corintios 11:17

Malha anema la asto nak askeliatekama ko'o, asiave koka nhan Apveske mankoleklemok apvalhok etakneskasangkok apankok apankek enenlhet la'a.

2 Corintios 4:18

Ka nkanek mangelammelhek neksa nellengaiangko akientalhnema nalhepop anak ngkanek nkomaskengvomok hata m'a, ntasek koka aniavenkasok atlhenaikama engelvalho'ok qaselha mongelvet'o mokhom, koka neliavek have niapak ankek nkovak hata m'a, mankomaskengvomek hata nhan ma'a.

2 Corintios 5:17

Nelvatesaiangkek ma'a aktemakha lhta alketamekama engelvalho'ok lhennenga, nelvatesaiangkek na nentaiangkolha lhta ngkollatsekama aniem'o nelpasmekha m'a Cristo, kolhva alhnankok nentaiangkolha

2 Corintios 5:7

Mongapvankek angvetak ma'a, koka mongeliaskeiam anak hengellangkek neliennaktema kakpota angelloka mota,

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Tito 1:1

Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 10:39

Ennengko'o koka manlhok ma'a enenlhet'avok anak apkeleltaqhemo neptamna'ak, apketlhenengvaiam anak ma'a. Ennengko'o koka nengelelto malha apkellelto nak apkelvonkasemmap tep aniem'o mongeliaskeiam.

Hebreos 11:13

Apsavhommakpavek nak nanek apkeletsepma nelieihengka'a metlhevaiangkok na qaselha apeneskamo lhnak nanek apaivoma Eniapom Neten ellangkok hata m'a. Koka apkeliamavek nak nanoka nkovak hata m'a, malha koka ntemak apkelvetai'a mokhek ankek ma'a. Apketlhenammakpo lhnak nanek na apankavek malha amaika'a aptaikamok nkotnakha apkellavakha takhalhet lhepop anak ma'a.

Hebreos 11:27

Mang nak nanek na ei'askeiakmok Moises ma'a, ka nkeniemai'ak apteiapmo m'a Egipto metka apkai'a elvok apiav'akha apveske. Apiennaktemo nhan ma'a neksa aplhengama aniem'o m'a malha apvetai'a apto mongvetai'o niekhe apasmomo lhnak nanek ma'a.

Hebreos 11:7

Mang nak nanek na ei'askeiakmok Noé apaivoma Eniapom Neten apkeskamo nkovak hata lhema qaselha melvetai'o m'a. Apkelanei'ak noka apanke loma nemmen akiavai'a kakpota evongkasakpok tep kanhan apketkak. Hai, mei'askeiam nak nanek nkeniemai'ak ma'a Noé aknemo aktevasekho lhmankek ham. Mei'askeiam nak nanek Noé ka nkeniemai'ak ma'a nemo altaiangko apeivomo.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

Hebreos 3:6

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Hebreos 6:12

Moltok nkovak aknem aptaikamok mankonmahai'a enmakmama ketlhengkap, ntasek koka elvanangkok ma'a malha aptaiangkolha nak ma'a apkellelto ta apketlhevaikamok qaselha aplheianmo lhta Eniapom Neten aniem'o nhan ma'a meliaskeiam, metka nhan apkelpekheskama apkellailhema qaselha nkovak hata.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.