Hebreos 10:39 - Nuevo Testamento Toba Maskoy

³⁹ Ennengko'o koka manlhok ma'a enenlhet'avok anak apkeleltaqhemo neptamna'ak, apketlhenengvaiam anak ma'a. Ennengko'o koka nengelelto malha apkellelto nak apkelvonkasemmap tep aniem'o mongeliaskeiam.

Hebreos 10:39 ပူးပေါင်းရင်းမြစ်များ

Marcos 16:16

Mang hata nkek eliaskakmok, ngkolhek hata nhan allavkeso konne iemmen, elvongkasakpok hata nhan tep ma'a. Koka apkeliaskakmo la'a, etlhenakpok hata apnaqtevasemmap.

Lucas 11:26

Kolhvavek anke nkoniakhak ma'a nkolaqlosengvakha 7 kasekapok atlhelhma'ak alto neten ankavek ngkolatsekama. Ka alentalhnengvaktamo la apvalhok enenlhet anak ma'a, mangkolhek hata sekhek anke lhta aktevaskama, koka tep ankek hata ngkotnek aktevaskama m'a —lhna aptemak Jesús apkellanemo m'a.

Juan 17:12

Neksa asnema hengke'e apieseksek anak, askenmeiavkek mota akieplomo asiennaktema lheiap alhta heiaikamok. Mamma lhema aplheneiam la'a, vanlha koka apto atka henlhenengkeskama, ka aktemo nak nema alientemongkeskamo aklhenammalhka Eniapom Neten apaivoma.

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Juan 5:24

Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.

Juan 6:40

Apkeltavek apto lhta heiapaskama ellanhok aptemakha Apketka nak, meliaskamek nahan kakpota m'a etlhevangkok aliennaktema apnenio'ok nkotnengvaianlha nnelha', anaklhatekhaskamok hata nhan ma'a akvakmo ta nnelha aknem alhma nkek ham —lhta aptak Jesús.

1 Tesalonicenses 5:9

Hengeliekieskangkek ennengko'o Eniapom Neten have apmahai'a hengellangkok apiaqmongkasekha nentaiangkolha, vanlha koka apmahai'o hengelvongkesek tep aniem'o apveske Jesucristo,

2 Tesalonicenses 2:3

Koka mellanko nkek eliennengkeskak ma'a, amanie apvekta ta Apveske elvak hata apkellammelhma Eniapom Neten kakpota ellammelhek ma'a, eiephongvak hata enenlhet meihamolhma nkolhek hata aktevaso m'a.

1 Timoteo 6:9

Koka apkellelto la aptengiaikamo mota nkeskama patakkom apanko'ok, nkovak na aklheianma apvalho'ok eltok eniankesangkok qaselha apanko'ok la'a, koka nkovak na aktevasekha nkek ma'a, malha ta nhan ngkotnek anmama al·hanemmalhka m'a nkonnaqtevaksek hata nhan aplhamakho akvakmo apsavhekpo m'a.

Hebreos 10:26

Mangkolatsema anlhengkesek mangeleliehekho hengaskamakha Eniapom Neten ngkanek nengeliangvakme lhta akto have niapak ankek ma'a. Ka nellanengko la m'a ngkollatsekama, aqhemo ngkotnek nengaqhema nak nentoskama nengaikamok akiaqmoiekha la m'a.

Hebreos 10:38

Enenlhet apto la apeivomo eloka ta mota aniem'o mei'askeiam, mankolkek hato ka m'a evalhok aptaqho la neptamen», ntemak ma'a.

Hebreos 11:1

Ka mongiaskeiam anak aktemeskeskama iokhalhmek ankek nkovak hata m'a qaselha alel·halhanmo mota engelvalho'ok, aktemeskeskama nhan have niapak ankek akietnema m'a qaselha mongelvet'o mokhom.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

2 Pedro 3:7

Apkaiangko nhan apaivoma Eniapom Neten apkeltemo nkoietnama sekhek neten anak kanhan nalhepop anak nelvetai'o nak ennengko'o kakpota nhan nkonmetek ma'a akvo'o ta aknem aliekpelkammalhkelha ta nentaiangkolha, nema aknaqtevasekha nhan apkelelto apkellanekamok ngkollatsekama.

1 Juan 5:16

Hata apkelvet'o ta lhema enialheng apkelanai'a ngkolatsekama nkotno nak hengaqhemo, elelmalhneskes hata Eniapom Neten kakpota eniangkok akiennaktema apneniek ma'a. Koka nietnek na ngkolatsekama akmovana hengaqhek, koka skanek ko'o ntasek melelmalhneskes ankek ma'a apkelvet'o ta apkelan'o la lhema enialheng.

1 Juan 5:5

Apto la nhan mei'askeiam Jesús apto Eniapom Neten apketka, aptemeskasantek na koneng ngkollatsekama nak.

Apocalipsis 17:11

Nnek koka mokhom ma'a akto octavo aveske, koka niekhe m'a kaselha nevhak nengai'o akienaqtemo lhnak nanek tep nak nanek ma'a, akmaskengvaiakmo lhta nhan nenvetai'a m'a. Koka nnek mokhom ma'a, nietnek na akmovana nnavek apkenmopvanka m'a 7 lhta apkelveskaie', koka ngkolhek hata nhan aktevaskesakho m'a.

Apocalipsis 17:8

Ka kaselha nevhak lhek nengai'o, lhennenga lhnak nanek akienaqtemakha m'a, mmaskengvakmek koka nenvetai'a m'a. Koka nkotiepok hata mokhom ma'a konne malhek konne kankek, nkoiaihama ta takhalhet lhepop anak lhmankek ham, koka nkotvasalhkak hata mokhom ma'a. Nkopalesemmak hata apvalho'ok apkelvet'o ta apkellelto nak nkolhnaikamok apkelvesai'a vakkahak akiennaktema enneniek, lhennenga lhnak na nek na akietnemakha m'a vakkahak anak, amanie alanemmalhka lhnak na ne lhma nkek ham.