Hebreos 10:19 - Nuevo Testamento Toba Maskoy

¹⁹ Ketlhengkap elialheng'a, kolhva koka envanka'ak angelentalhnengvomok metka nellai'a akieto av'alhok pa'at akpokkenammalhka nkoie' aniem'o m'a ema apankok Jesús.

Hebreos 10:19 ပူးပေါင်းရင်းမြစ်များ

Romanos 5:2

Kolhva envanka'ak angelteteskakhak na apnakha m'a, angelletsevasama nhan aniem'o m'a. Nkelpaihakhek engelvalho'ok kolhvave nak ngkanek alel·halhnekama engvalho'ok angelvakhak hata apnakha m'a kakpota nhan ma'a ampasmekhak hata qaselha altaqmanma Eniapom Neten apanko'ok.

Romanos 8:15

Metlhevangkok ketlhengkap apvalhok anmahai'a nak nkoltemeskesek malha allasennaikama nema apkelianmoma, ka nhan altemeskeskama nak apkellai'a mokhom, apketlhevangkek koka Apvalhok apkeltemeskeskama Eniapom Neten apketkak. Kolhva koka apvanka'ak elteteskakhak Eniapom Neten, apvanka'ak na elpaqmetkesek nalhepe' apkelpaqmeiasma ellanhoho', etnangkok ellana hengke'e: —Ta.

Efesios 2:18

Kolhva koka judios kakpota nhan metnangko judios nnangkek aknemo mo'ok Espíritu, envanka'ak kolhva antangkok nengaqtek ankek Eniapom nenlhamakho.

Efesios 3:12

Kolhva koka nhan envanka'ak angelteteskamok Eniapom Neten metka altaikama engvalho'ok aniem'o mongeliaskeiam Cristo.

2 Timoteo 1:7

Hengellangkek ennengko'o Eniapom Neten engelvalhok aknema akmovana, nengasekhai'o, nenmeiommalhko enganke', metka nengai'a nhan.

Hebreos 10:18

Aptemeskesaikama lhta apankek mangeleliehekho ennengko'o hengaskamakha Eniapom Neten, mankaimelhkak mokhom angellanangkok qaselha nengaikamok akiaqmoiekha la m'a.

Hebreos 10:35

Ntasek etlhengkesek meliaskeiam Eniapom Neten, netamen hata m'a etlhevangkok akiavai'a akianmoma m'a.

Hebreos 12:28

Ennengko'o nhan netlhevaiangkok nema aktema nak Aveske mangkomovana nak ngkomaskengvomok ka ngkanek ntasek antangkok gracias Eniapom Neten, angellasennama nhan akieplomo nellai'o kakpota nkopaihekhak apvalhok ma'a,

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

Hebreos 3:6

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Hebreos 4:16

Ka ngkanek ntasek angelteteskakho mota ennengko'o m'a metka nengai'a napokha aptanema Eniapom Neten apto niapom hengamelaiam. Apiosek hata nhan hengellanhok ennengko'o m'a, hengelpasmok hata nhan akvo'o la aknem akientalhnema ngkanek apto apiamolhma apanko ie'.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

Hebreos 9:12

Apsekho nhan ema apankok ma'a apkangkongvekho Eniapom Neten, have ema apankok anak ieta'ai kanhan vakka iama ngkelvana, ema apankok apankek koka apsekhak ma'a. ¡Hai, aptalhnengvekhek ma'a akieto konne akpokkenammalhka nke nak, hengel·hatsoskekho nhan metka aktaiekho mokhom neksa hengenmaikamo lhta mangeliamolhma, mankaimelhkak etalhnengvakhak mokhom ma'a!

Hebreos 9:3

Netamen nak ma'a aptakha nnelha apkanet ietamopai'a aphalhtemommap konne m'a akvesai'a lhnak akpokkenammalhka nkoie.

1 Juan 4:17

Ka ngkanek nkovomo nnelha akvanekamok nengasekhai'o nak. Netamen ma'a metka nhan nellai'a akvo'o ta aknem aliekpelkammalhkelha nentemakha ngkanek malha ennengko'o nengelelto Jesucristo takhalhet lhepop anak.