Hebreos 10:1 - Nuevo Testamento Toba Maskoy

¹ Ley anak Moises iama aktaqmanma m'a, mangkolhnok qaselha altaqmelo aplheianmo lhnak nanek Eniapom Neten hengellangkok hata. Koka ley anak ma'a akvesai'a alietkesammalhka, ka ngkanek mankavankek nkotneskesangkok apkeliamolhma apankavek apkellelto nak apkenmeiekha mota lhamakho iantelhkapa apkellangkongvekha mota kaselha apnaqtoskama apkennapekamok Eniapom Neten ma'a.

Hebreos 10:1 ပူးပေါင်းရင်းမြစ်များ

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

Colosenses 2:17

Koka lhamakho qaselha nak nenvetai'a have iokhalhmek ankek ma'a, malha koka ntak peskeska nkok ma'a qaselha altaqmanma nkek akmo'o ta nkovak emmanie nak, koka Cristo apto have niapak ankek ma'a.

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 7:11

Apkellelto israelitas apketlhevaiangkek nak nanek ley, apkellelto sacerdotes apkelleniem'o m'a Levi apkeleltemo lhnoka elieplavkesek ley anak, mang noka nkomovanak nkotneskesangkok apkeliamolhma apankavek enenlhet'avok ma'a. Ka nkeniemai'ak aimommalhko apvai'a po'ok aptemakha sacerdote, have aptemo lhnak nanek Aarón annenga, koka m'a aptemo lhnak nanek malha Melquisedec.

Hebreos 8:5

Koka sacerdotes nalhepop anak apkenmakmema mota apkenmaiangka qaselha iama apkelietkesaikamok alnemo m'a qaselha aknaiangko nak ma'a neten. Nnavek na m'a Moises annenga neksa apmahai'a epaklhenek kaselha aiempek, lhnak nanek aptemak apkanemo Eniapom Neten: «Etaqmelkaso ta apkelanai'a, eietkesamok hata aktakha lhta asvetaskeskama m'a neten nalhma akhaiam», lhna aptema.

Hebreos 9:11

Ngvai'ak koka aktema nnelha m'a nenvanlha nak aniem'o apvai'o m'a Cristo aptemo nhan apiav'akha sacerdote kakpota lhema aktema etsantak na lhamakho qaselha altaqmanma aksavhommalhko nkek ma'a, mankaimelhkak mokhom ma'a. Ka ngkanek aptalhnengvekhek konne malha niekhe akpaklhenammalhka nak kaselha aiempek akto nhan neten ankek aktaqmanma m'a, have enenlhet apankavek apkellanai'a m'a.

Hebreos 9:23

Ka nkeniemai'ak ma'a aimommalhko lhta mota apkennapekamok apnaqtoskama kakpota ngkotnek malha alalhnaskama ema ankok qaselha aknaiangko m'a konne, malha nhan alietkesammalhka la m'a qaselha nak ma'a neten. Koka qaselha nak aknaiangko nak neten mankavankek nkolalhnaksek ema ankok nentoskama aptekioma la'a, vanlha lhtoka aimommalhko apketsepma apto neten apankek apiaspommap anak.

Hebreos 9:25

Apkaiangkave lhta nhan apanke kakpota ematong ma'a lhema aktema koka m'a, mok aktema m'a apiav'akha sacerdote nalhepop anak aimommalhko mota etalhnengvakhak lhamakho anio pa'at akpokkenammalhka esakhak ema ankok apnaqtoskama, have koka ema apankok apanke.