Hebreos 1:6 - Nuevo Testamento Toba Maskoy

⁶ Neksa apkapaskama lhta apketka apvetai'a apmanie nalhepop anak, lhna aptemak: «Ellasennama ta aplhamakho ángeles apanko'ok anak Eniapom Neten».

Hebreos 1:6 ပူးပေါင်းရင်းမြစ်များ

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Juan 3:16

Avanhek ankek apkellamelaiam Eniapom Neten enenlhet'avok alhma nkek ham, ka ngkanek eniapaksek lhema phapak apanke' apketka kakpota melhnanme' apkellelto la meliaskeiam ma'a, ngkoitek hata nhan aliennaktema apnenio'ok mankotnengvaianlha nnelha'.

Romanos 8:29

Lhennenga koka apiamo Eniapom Neten apto ta apkavekama, apkeliekieskama nhan kakpota ngkovomok hata malha aptema m'a apketka apanke. Koka apketka apanke nak ma'a apto metno pketkok apieseksek apentalhnakha apkelialheng'a.

Colosenses 1:15

Eniapom Neten apto mongvetai'a, koka apva'a lhta Cristo apnemo lhtoka nhan ma'a, apnengkek nak nanek apnakha m'a amanie apkelentepkeskama lhamakho qaselha lhmankek ham.

Colosenses 1:18

Cristo nhan apto malha apqatek iglesia, koka ntaiekhek malha apiokha m'a. Cristo apto apmanie', apto nhan apmanie aplhatekhangveiam apieseksek apkenmaskengvaiakmo, aptemo nha mota apmanie pankek ma'a.

Hebreos 1:5

Mang nak nanek na etnemak enianak Eniapom Neten lhema aphapak la ángel hengke'e: «Lheiap apto eietka, astepkeskama lheiap aknem anak», mang nak nanek etnemak ma'a. Mang nak nanek na etnemak mokhom hengke'e: «Atnek hata apiapom ha'e, atnek hata eietka ha'e», man nak etnemak ma'a.

Hebreos 10:5

Ka ngkanek Cristo aptemo lhta mota aplheianma neksa apvai'a lhta hengke'e nalhepop anak, lhta aptemak: «Meltemok lheiap ellangkok apnaqtoskama apkennapekamok enenlhet kanhan qaselha nengaikamok anak, vanlha koka apkeltemo allangkok asiokha nak.

1 Pedro 3:22

apmeiekho lhta neten, apnekho akiennakha apoktong Eniapom Neten, aptemengvekho nhan apveske apieseksek ángeles kanhan enghangok aknema anmovanka'a, alientalhnemo nhan ma'a.

1 Juan 4:9

Hengelvetaskaske ennengko'o hengamelaiam Eniapom Neten, apkapaskamo lhta apketka vanlha apankek lhema nalhepop anak kakpota angelloka mota aniem'o m'a.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.