Hebreos 1:14 - Nuevo Testamento Toba Maskoy

¹⁴ Nkanek ángeles apkellelto malha eniempehek apkellasennaikama Eniapom Neten kakpota ellapaksek elpasmok apkellelto nak apkelvonkasemmap tep.

Hebreos 1:14 ပူးပေါင်းရင်းမြစ်များ

Marcos 10:17

Neksa apmahai'ak eniempekhak nak aplhengama Jesús ma'a, apketkaiakmo lhnak na apketkok apkenmangkolha ma'a, apkelteklhekvai'o lhnak aptapno'ok napaqtek ma'a, lhna aptemak apkanemo: —Hengetlhekmoskama apiamolhma, ¿ko la atneskesek avomok akiennaktemakha enneniek mangkotnengvaiam annelha, he?

Lucas 1:19

Ka apkatemmoiangka lhnak mokhom ángel ma'a, lhna aptemak: —¡Se lha kto hei'askakmo nak lheiap ke! Gabriel ko'o Eniapom Neten hennenkasekama, apto nhan heiapaskama kakpota altennaskatak ania'a aktaqmanma nak.

Lucas 1:23

Ka akvaiakmo lhna nnelha apmakmekama Zacarias ma'a, aptaqhekho lhnak apnemakha.

Lucas 16:22

Apketsepmek nak enenlhet metka apketsekama m'a, ángeles nak apkelletsekhak neten ma'a akieto apnakha Abraham annenga kakpota etavekho lhemek ma'a. Netamen apketsepmo lhnak na ngkeskama apketsekama enenlhet, apkatonnammakpek nak ma'a.

Lucas 2:13

Mpelapkeskankek nak apkelenteiapvei'o nhan aplhamakha ángeles ma'a, apkeltemeskeskamo nhan apiavai'a Eniapom Neten ma'a, lhna aptaiangkok ma'a:

Lucas 2:9

Mpelapkeskankek nak apteiapvei'o lhema ángel apkapaskama Apveske, nketsaskeskamavek na lhma m'a aniem'o Eniapom Neten, apkelienmoma nekhav'ak akieto apkakhangkelha. Apkellai'ak nak ma'a apkellanekama nepkesek,

Hechos 11:22

Apkellengai'ak nak ania'a apkellelto iglesia akieto Jerusalen, ka apkellapaskamo lhnak Bernabe m'a Antioquia.

Hechos 12:23

Kolhvavek ankek nak lhema ángel apkapaskama Apveske apiensaskamak Herodes ma'a, lhna nkeniemai'ak meniai'o Eniapom Neten. Netamen nak ma'a apketsepmo lhnak Herodes aniem'o aptekamok aphapetek iapa apketko'ok.

Hechos 12:7

Mpelapkeskankek nak apiephongvei'o lhema ángel apkapaskama Apveske m'a, nkapommatmek nak konne nengaqlhengkasemmalhkelha, apmangveiakmek nak napokha Pedro, lhna aptemak apkanemo: —¡Elhatakha, etnemekha neten, eniakhetamok! —lhna aptemak. Apkenmekhek nak neten Pedro m'a, kolhvavek ankek nak mpalleiakmo knonemaie cadena apmeiok ma'a.

Hechos 13:2

Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 16:26

Mpelapkeskankek na lhta akvai'a akiavai'a akievhekama lhepop ma'a akvakmo alaktelhko lhna lhta ntemak avhok pa'at anmaikamok ma'a. Kolhvavek ankek na lhta nhan nkenmaihekhak lhamakho atno'ok ma'a, al·hatsosammalhko lhna lhta nha nke knonemaie cadena apmanko'ok aplhamakho apnaktemommap ma'a.

Hechos 27:23

Pelhasep lhek apiephongvo'o lhema ángel apkapaskama Eniapom Neten apto nhan apveske ehenkok ma'a, askasennaikama mota ko'o,

Hechos 5:19

Ka aptemo lhnak pelhasep ma'a apvai'o lhema ángel apkapaskama Apveske, apmaiesekho lhnak atong nengaqlhengkasemmalhkelha m'a, apkelentepkeskamo nhan ma'a, lhnak aptemak apkellanemo:

Romanos 11:14

Askeltavek ko'o aspaivomo lhema nak ennathama ketlhengkap, netamen hata nhan helketmok niekhe kakpota atlhekmoksek ankok apkelvonkasemmap tep ma'a.

Romanos 13:6

Hai', apkelientalhnemo nak apkellasennaikama mota Eniapom Neten ma'a, ka ngkanek na ntasek elianmongkesek ketlhengkap impuesto.

Romanos 15:16

kakpota atnek heiasennaikama Cristo Jesús. Apaiaksek na ania'a aktaqmanma apieseksek ma'a metnangko nak judios kakpota nhan eltangkok apkelpokkanma Eniapom Neten, malha qaselha nengaikamok anak apiaspongkomakha la Eniapom Neten, aniem'o Espíritu Santo.

Romanos 15:27

Anmahai'o nke lhta apvalho'ok ellankesekha patakkom anak, ntasek aptaiangko m'a ngkanek malha apkeliaqmongkasekha apkellangkongvaiam alhta ania'a aktaqmanma elialheng'a judios apankavek nak.

1 Corintios 1:21

Mankollapvankek enenlhet'avok eliekpelkok Eniapom Neten aniem'o apanko'ok apankave nak apkeliangveiakmo, koka apiangveiakmo nak Eniapom Neten nkeltavek nkolvongkesek tep aniem'o nhan ania'a apanko nak, apkeleltaiangko nak enenlhet'avok taikama nkek ma'a.

2 Corintios 9:12

Angenmaskeskakhak hata alaimommalhkelha la ma'a aniem'o netsekha alpasmoma, kakpota nhan eltangkok akiavai'a gracias Eniapom Neten ma'a.

Galatas 3:29

Hai, apkelpasmakhek ketlhengkap Cristo ka ngkanek etnangkok na aptavana'ak neptamen Abraham, etlhevangkok hata nhan qaselha apeneskamo apaivoma Eniapom Neten ellangkok hata.

Galatas 3:7

Ka ngkanek ko askeltavek eliohok ketlhengkap ma'a, ka aptangkok apketkak Abraham aknangko nlho meliaskeiam ma'a.

Galatas 3:9

Ka kto nak ma'a, enenlhet apkellelto nak meliaskeiam ngkolhek hata altakmelkaskeso apkellangiemhaikama ka aktemo lhnak nanek na Abraham aniem'o akietnema mei'askeiam,

Efesios 3:6

Lhennenga akpeneskama aklhenaikama apvalhok elanak ma'a, eniankesekhak metnangko nak judios kanhan judios nkotnekhak malha lhema apkeliokha m'a aniem'o aptaikamok apkelpasmekha Cristo Jesús aniem'o nhan apkellengai'a ania'a aktaqmanma. Etlhevangkok hata nhan ma'a metnangko nak judios lhamakho aktemakha qaselha altaqmanma apeneskamo lhta apaivoma Eniapom Neten ellangkok hata m'a qaselha apkennemolhema apanke ko Israel.

Filipenses 2:17

Meliaskeiam anak ketlhengkap malha niekhe ntak akmatnama nak nentoskama nengaikamok Eniapom Neten, ka asketsepo la ko'o neksa helasennaikama ketlhengkap, ema ehenkok malha ntakhak nema aliangkenaikama nak takhalhet qaselha nema akmeskama Eniapom Neten, hata akto ta askaniemhaikama m'a nkaqhok hato ka ngkotnek ma'a nkopaihekhok ankek hata evalhok lhemek ketlhengkap ma'a.

Filipenses 2:25

Askanek ko'o ataqhesok hata neptamen enialheng Epafrodito mokhom ham, apto hepasmoma mota asmakmekama, alhelhma nhan malha askennapommalhka. Apkellapaskama lhta ketlhengkap kakpota hepasengvatak aimelhkelha la'a ko'o hengke'e,

2 Tesalonicenses 1:7

ellangkok hata nhan apkeliamposammap ketlhengkap apkellelto apkellengaiangko nak akientalhnema, ennengko'o ta nhan ma'a. Hata nkovak ma'a apkelhiakmo ta neten apveske engankok Jesús, apketlhelhma'ak ángeles aknema apkenmopvanka'a aiseksek talha aleivoma.

Tito 3:7

hengeltemeskeskamo lhta nhan nengelpeivomo aniem'o aktaqmanma nke nak hengellanei'o. Kolhva nnankek alel·halhnekama engelvalho'ok angetlhevangkok hata aliennaktema ennenio'ok nkotnengvaianlha nnelha m'a.

Hebreos 10:11

Have aptaiangkolha nak sacerdotes lhamakho aknem apkellangkongvekha mota apnaqtoskama apkennapekamok Eniapom Neten, koka mankavanke nkol·hatsoskasangkok ngkollatsekama malha apkelpatmekama enenlhet'avok.

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

Hebreos 6:12

Moltok nkovak aknem aptaikamok mankonmahai'a enmakmama ketlhengkap, ntasek koka elvanangkok ma'a malha aptaiangkolha nak ma'a apkellelto ta apketlhevaikamok qaselha aplheianmo lhta Eniapom Neten aniem'o nhan ma'a meliaskeiam, metka nhan apkelpekheskama apkellailhema qaselha nkovak hata.

Hebreos 6:17

Lhnak nane nkeniemai'ak Eniapom Neten aptemeskesammakpo lhema apaivoma have niapak ankek apmahai'a elanak, elhenakpok apvesai'a apankek ma'a kakpota ngkotnek iokhalhmek ankek apketlhevaikamok qaselha m'a apeneskamo lhnak nanek aplheianma m'a. Metka nhan apiaqmongkasekha mo'ok aplheianma qaselhaha.

Hebreos 8:6

Koka neten ankek aktaqmanma m'a aktemakha apmakmekama sacerdote Jesús aplhevai'a, melhnok ma'a sacerdote nenvanlha nak. Apsoiakmo songke alhnankok annemo mo'ok apvalho'ok apkenmahai'akha etnangkok ntasek ankek ma'a mangkolhnok lhennenga. Apsoiakmo nhan alhnankok apeneskamo aplheianma Eniapom Neten, neten ankek aktaqmanma mangkolhnok na m'a lhennenga.

Hebreos 9:28

Nnavek na Cristo m'a, lhema aktema apkaiangko pankek apmatnama kakpota el·hatsoskasangkok apkellanekamok ngkollatsekama aplhamakma enenlhet'avok. Netamen ma'a evatak hata mokhom have apmahai'a elaneskasekhak apvalho'ok enenlhet'avok apkellanekamok ngkollatsekama, vanlha koka apmahai'a elvongkeskatak tep ma'a apkellelto la mota apkelel·halhanma.

Santiago 2:5

Eltaqmelkaso no apkellailhemo elialheng'a askellamelaiam, apkeliekieskek Eniapom Neten enenlhet'avok anak metka apkelletsekama kakpota ngkoitek akiavai'a meliaskeiam, etnangkok na apkennemolhema aptemakha lhnak nanek apeneskamo aplheianma ellangkok hata m'a apkellelto la apkellasekhai'o m'a.

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!

1 Pedro 1:4

angetlhevangkok hata qaselhaha aplheianmo lhta Eniapom Neten hengellangkok, apkeltakmelkeskamo m'a qaselha nak akieto neten, mamma aknaktevasemmalhka, mamma alpaiseianlha la nhan, mankomaskengvomek na m'a.

1 Pedro 3:7

Ketlhengkap apkelennava'ak, eltaqmelkaso ta mota apkellanei'o apnaqteiangka'a neksa aliepetkaikamaha, meliennaho, ellaho ta nhan ngkanek nalhep'avek av'alho'ok ma'a, nkotlhevangkok hata lhemek ketlhengkap qaselha altaqmelo metka akianmoma akvesai'a nenganiemhaikama ta m'a. Koka meltaqmelkaso la apkellanei'o ketlhengkap ma'a, meniailhek hata Eniapom Neten apkelelmalhnongkoma.

Judas 1:14

Enok koka apto lhnak 7 apkeniem'o Adan aptavana'ak neptamen, apaiesaiangka lhnak ania'a sekhek ankek elvakha ta m'a enenlhet'avok meliamolhma nak, lhna aptemak: «Ngvet'ak lhek ehaqtek Apveske apkelhiakmo m'a, apketlhelhma'ak koka apentalhnema apanke apkelpokkanma

Apocalipsis 5:6

Netamen asvet'o lhta Nepkesek Apketkok apiangko m'a akieto aiseksek aptanema apveske, kanhan 24 metno apketko'ok alhta, kanhan ma'a aiseksek 4 kaselha allaniemhaiangka m'a. Lhta m'a nepkesek apketkok apmatnamo lhta lhennenga, 7 lhta apkapet'ok ma'a, 7 lhta nhan apaqto'ok ma'a, koka m'a alietkesammalhka 7 espíritus apankok Eniapom Neten, ka apkellapaskamo nkolloka lhmankek ham.