Galatas 5:20 - Nuevo Testamento Toba Maskoy

²⁰ Neniavenkeskamo akvesai'a qaselha alanemmalhka akiokha, kakpota nhan aknema engvalhok, nentaknongkoma emmo'ok, nennapommalhka emmo'ok, nennathaikama, nenloma, nenteniaikama mota emmo'ok angammelhek, nenmopvana angelhpankesek emmo'ok.

Galatas 5:20 ပူးပေါင်းရင်းမြစ်များ

Romanos 2:8

Koka eienientak hata apiaqmongkasekha aploma takhaplhet'ok apkellelto apkenmeiavkesammakpo pankek qaselhaha, apkellammelhma nhan akto akpeivomo, koka apkellasekhavek ma'a mankopeivomo nak.

1 Corintios 11:19

Neksa apkelhpankesammap amota alhnakho nkek nengvetai'a apkeltemakha la altaqmelo kanhan ngkollatsekama la'a.

2 Corintios 11:19

Apkellanek ketlhengkap nema apkeliamo apankavek, koka apkelvaskapak apkellan'o enenlhet'avok anak malha alanema.

2 Corintios 12:20

Askak'ak ko'o m'a etnangkok asvaktamo ta ham ello'ok hellanhoho, ko'o telha nhan heliasangko lhma ketlhengkap asvaktamo ta ham. Askak'ak na ko alvetangvetak apkellatemommap, kno nak apkeliasepkeskama, apkelloma, atlhenammalhko nke apvalho'ok apanko'ok apankavek. Apkelentepkasekama apvesai'a po'ok aptaikamok apkenmopvanka ania'a, etlhenama apvesai'a po'ok aptakha la'a, elakpoho, lhamakho qaselha ngkolatsekama aptaiangkolha.

Galatas 5:15

Koka aptaklho la po'ok, aptavo la nhan, ¡eniaho! Apnaqtevasekpe pankavek ketlhengkap ma'a.

Tito 3:10

Ka apvet'o la lheiap lhema enenlhet apkelhpankeskama apieseksek anak Jesucristo apkennemolhema ham, ennaves hata lhema nlho ka la hanet aptaiekho. Koka mankomak'o la eniailhok ma'a, meipetkangvakha nkek ma'a

Santiago 3:14

Koka akloma la apvalhok aniem'o apiasepkeskama, kanhan apkenmeiavkesammakpo pankek qaselhaha, akhemo ngkotnek ma'a anmalhko apvalhok ngkanek have aknema apiamo m'a, apmopvana ania'a nhan ma'a.

2 Pedro 2:1

Apkakhaiangkek nak nanek apkeleltennasemmap ania'a apkenmopvanka'a ania'a apieseksek israelitas, elvak hata nhan kolhvave nak apieseksek anak ketlhengkap ma'a, etlhekmosangkok hata apkelielhaskeskamo qaselha mankoietemo, akmovana hentevaksek nahan, nkolammelhek hata apkelpakmeiasma Apveske apto lhta apkel·hatsoskekha neksa anmaikama meliamolhma, nkotlapkesek hato ka nema apnaqtevaskama m'a.

1 Juan 3:15

Enenlhet apto aptaqnongkoma enialheng, koka malha ntekioma niapom ma'a, mankoiennak na akiennaktema apneniek mankotnengvaianlha nnelha m'a aniem'o aptema ntekioma niapom.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.