Galatas 5:13 - Nuevo Testamento Toba Maskoy

¹³ Apkellavekama lhta Eniapom Neten ketlhengkap elialheng'a kakpota etnokhak metka apkenmammap, koka menmamankek metka apkenmammap anak kakpota ellanangkok qaselha ngkollatsekama mokhom, ntasek koka elpasmo mota po'ok la'a aniem'o apkellasekhai'o.

Galatas 5:13 ပူးပေါင်းရင်းမြစ်များ

Lucas 4:18

«Espíritu apankok Apveske apnak tekhelhet ko'o, apiangkenkek aceite ankok epatek ko'o heliekieskama kakpota atsavkesek ma'a ania'a aktaqmanma metka nak apkeletsekama. Heiapaskek na kakpota altaqmelkeskamok apkellelto nak aknaqtevasekha nkek apvalho'ok. Kanhan aleltennaksek ania'a aktemakha nema alpaqnemekha apkellelto nak apkenmammap, altaqmelkasekhak na metka nak apaqto'ok, al·hatsoskakhak na apkellengaiangko nak akientalhnema.

Hechos 20:35

Vanlha mota asketlhekmoskama askeleltemo eleliephekho enmakmama kakpota elpasmok enenlhet metka nak apkelletsekama, aptemakha lhta mota aplheianma Apveske Jesús, lhna aptemak: "Aktaqmelakho nkek apkaikamo nak po'ok qaselhaha, melhnok ma'a apto aplhevai'a qaselhaha".

1 Corintios 8:9

Koka ellaho ta m'a aptavengko ta napaqtavek nkoliennaktema nak meliaskeiam ngkanek epalesemmak ma'a.

1 Corintios 9:19

Have ko'o nema heiasennaikama nema apianmoma, astek koka malha nema heiasennaikama nema apianmoma kakpota alpasmok aplhamakho ketlhengkap nkolhnangkok na meliaskeiam Cristo alienlhanmok na alhamasekha la'a.

2 Corintios 12:15

Nnavek na ko'o ntasek ankek aietepok lhamakho qaselha ehenkok anak kakpota nkoltaqmelkeskesek apkellangiemhaikama ketlhengkap, ntasek na nkovaiventak asmakmose aniem'o hellasennaikama ketlhengkap. Niekhe akvanekamok askellasekhai'o ketlhengkap, aselhtek koka nhan hellasekhai'o ketlhengkap.

2 Corintios 2:8

Hai, askapiosema askeleltemo eltaqmelkeskesek apkaniemhaikama m'a kakpota etak apkellasekhai'o ketlhengkap ma'a.

2 Corintios 3:17

Nkanek Apveske kanhan Espíritu malha lhema m'a, enenlhet apietno la Espíritu, mamma nema akmaikama m'a.

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

Galatas 2:4

Hengelpalhakva'a lhta nhan apkelleltammakpo engelialheng'a, koka have lhta niekhe m'a vanlha lhta apkenmahai'a ellanama nentangkolha metka hengenmaikama nak henganemakha aniem'o Cristo Jesús, koka apkenmahai'a lhta henteskesangkok mokhom malha hengellasennaikama nema nelianmoma henganemakha ankok.

Galatas 4:22

Apkanet nak nanek apketkak Abraham, lhema lhnak apkengiem'ak ngkelvana nema asennaikama nema akianmoma, po'ok nak apkengiem'ak ngkelvana nkotno nema akianmoma.

Galatas 5:1

Nne lhta hengelpaqnenkasakho nema hengenmaikama aniem'o lhta m'a Cristo. ¡Elienna toka ketlhengkap kakpota mankolatkeskatanie aiaspo'ok ankok akmahai'a nkolpathetek mokhom!

Galatas 5:14

Nkanek lhamakho ley anak aiseksek ma'a nietnek malha alpasmekama m'a ntemak hengke'e: «Eniasekho po'ok ka kto nak apkasekhammakpo apanke nak lheiap», ntemak.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Galatas 6:2

Elpasmakpo ta pankavek elpatmekhak malha apkelpatama apieseksek anak ham, ka aptangko la ketlhengkap ma'a, apkelieplavkaskek ley apankok Cristo.

Efesios 5:21

Elhneso ta mo'ok apvalho'ok apkeleliehekho po'ok apieseksek la'a aniem'o apkellai'o Cristo.

1 Tesalonicenses 1:3

Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.

1 Pedro 2:16

Ketlhengkap mmaskek nema allasennaikama nema apkelianmoma, kolhva koka apvanka'ak apkenmak'akha la ellanangkok qaselhaha, ¡koka ellaho ta m'a, mellanamo nkek ngkollatsekama ngkanek ketlhengkap apkellelto Eniapom Neten apkellasennaikama!

2 Pedro 2:19

Apkeleltennaskek niekhe nhan lhema apaivoma have niapak ankek etnangkokhak hata metka anmaikama mokhom meliamolhma, koka anmaikama niekhe nhan mangiamolhma m'a, nenlhamakho nengelelto nema allasennaikama nema apkelianmoma anko nak qaselhaha akto nhan hengenmaikama m'a.

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.