Galatas 3:27 - Nuevo Testamento Toba Maskoy

²⁷ Neksa malha nema allavkeskama lhta apieplomo Cristo ketlhengkap, malha lhta nha ntemak apkelapma la Cristo,

Galatas 3:27 ပူးပေါင်းရင်းမြစ်များ

Lucas 15:22

Koka lhna aptemak apiapom apkellanemo apkenmakmesaikama: "Ellakhetkasama elvakhesek apkelentalhnema apkeltakmanma la hengke'e kakpota nhan apkatkeskama apophek kakpota nhan apnakteto apmankok,

Hechos 16:15

Netamen alhta akno aklavkeso konne iemmen kakpota nhan lhamakho aknemolhema, lhta ntak hengellano aioselhko m'a: —Atlheno la apvalho'ok ketlhengkap asto ko'o have niapak moi'askeiam Apveske, ntasek eniakhengvakhak asnemakha —lhta ntak hengellano. Hengelienlhanakmave lhta ngkelvana lhta m'a akvakmo lhta nellasekhangvakmo nhan ennengko'o.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 8:16

Man noka elvaiventak takhaplhet'ok mokhom Espíritu Santo m'a, vanlha lhnak nemo allavkeskamo konne iemmen aniem'o apvesai'a apveske Jesús.

Hechos 9:18

Kolhvavek ankek nak mpalleiakmok alielhaqlhema apaqto'ok, malha lhnak kelasma aiempeiok ma'a, ka apvetekho lhna lhma mokhom, nemo nhan aklavkeskamo konne iemmen ma'a.

Romanos 13:14

Alpeivekha koka etnamok, eleliehekhok koka mota Apveske engankok Jesucristo, mellanko nkek nkonmama altakha la apvalho'ok aliaspongkomakha nak.

Romanos 3:22

Hai, Eniapom Neten hengeltemeskaskek nengelpeivomo nenlhamakho lhmankek ham aniem'o mongeliaskeiam Jesucristo ngkanek nennavek emmo'ok napaqtek ma'a.

1 Corintios 10:2

Malha lhna niekhe ntemak aplhamakho apkellavkesammap la iephopai'a kanhan alvata, apkelpasmekho lhnak nanek na Moises ma'a.

1 Corintios 12:13

Nenlhaniek ennengko'o nhan nengelelto nak Jesucristo apkennemolhema, judios, griegos, nema allasennaikama nema apkelianmoma, metnangko nema apkelianmoma, nenlhaniek ma'a. Nnengkek na hengellavkeskamo konne iemmen, malha lhema koka ntaiekhak neniokha m'a aniem'o vanlha nhan lhema Espíritu, nemo nhan hengellaiangko Espíritu nak ma'a.

Efesios 4:24

Elpekkenekha koka malha alhnankok apvalho'ok aniem'o m'a Eniapom Neten, niavek ma'a qaselha nak akpeivomo, qaselha altaqmelo kakpota nhan iokhalhme nak.

Colosenses 3:10

Kolhva koka alhnankok apvalho'ok nlhenkek na akvanekamok lhamakho aknem akvaiakmo aknakho aptaiangkolha Eniapom Neten apto lhta apkelanai'a enenlhet, nlhenkek na akvakmo apkeliekpelkangvakmo ta apiokho nkek ma'a.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,