Galatas 2:15 - Nuevo Testamento Toba Maskoy

¹⁵ Ennengko'o nengelelto judios apankavek have nellanekamok mota ngkollatsekama, have aptangko nak ma'a metnangko nak judios.

Galatas 2:15 ပူးပေါင်းရင်းမြစ်များ

Lucas 24:7

Aplheno lhta ngkolhek hata angkongvakmo Enenlhet Apketka nak enenlhet'avok anak apkellanekamo ngkollatsekama kakpota ngkolhek na aliaqlho apmeiok apmankok neten iamet aktenneskama. Koka hanetolhem'a aknem na lhta ngkotnek apketsepma m'a, kakpota elhatekhangvomok mokhom —lhna aptaiangkok enenlhet.

Hechos 22:21

Koka lhta aptak heiano mokhom Apveske: "Eniakha panke', askeltave ko'o emhangkok lheiap mokhek ankek mo'ok apkellavakha apkakhaiangkolha nak metnangko nak judios", lhta aptak heiano.

Romanos 3:9

Smak'ak alelmalhnama lhema qaselha ketlhengkap, ¿neten engankave nlho nentangko nak judios mannok po'ok enenlhet la'a, he? Mma', askeleltennaske lhta ketlhengkap sekhe lhta judios kakpota nhan metnangko judios nennaqtevasemmalhko engankavek aniem'o mangeleliehekho hengaskamakha Eniapom Neten.

Romanos 4:16

Aptemakha lhnak nanek apeneskamo aplheianma Eniapom Neten ellangkok hata, apketlhevangkek ma'a aplhamakho aptavana'ak neptamen Abraham aniem'o la meliaskeiam, metka akianmoma. Apkellelto nak judios akietnema ley Moises kakpota nhan aplhamakho enenlhet'avok lhma nkek ham aknangko la nhan meliaskeiam malha aptemo lhnak nanek na Abraham, apto nhan malha eniapma'ak nenlhamakho nengelelto nak mongeliaskeiam.

Galatas 2:17

Apnek kelha enenlhet hengetlheianma la nengelto ngkollatsekama nellanekamok ngkanek nengeleltavek hengeltemeskesek nengelpeivomo vanlha apankek aniem'o Cristo, koka mankoietok aptakha aplheianma m'a, have aniem'o Cristo hengeltemeskeskama nellanekamok ngkollatsekama ¡Mamma nkek na m'a!

Efesios 2:3

Nenlhamakho ennengko'o nengeleliehekhavek anmahai'akha nke nak engelvalho'ok angellanangkok qaselha ngkolatsekama. Ngkolatsekama alketansema engelvalho'ok nahan, nengeleliehekhave lhta mota aliaspongkomakha nak engelvalho'ok vanlha mota akteniaikama nkolanak ngkolatsekama, hengelietemave lhta angetlhevangkok nema akiaqmongkasekha nnavek na m'a aplhamakho enenlhet anak meleliehekho.

Filipenses 3:4

Evanke panke niekhe moi'askamek Eniapom Neten kakpota hetaqmelkeskesek askaniemhaikama aniem'o nhan asieplavkeskama aptaiangkolha nak judios,

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.