Galatas 1:24 - Nuevo Testamento Toba Maskoy

²⁴ Apkeliavenkaskesama nhan apvesai'a Eniapom Neten ma'a aniem'o apiaqmongkasekha astemakha lhennenga.

Galatas 1:24 ပူးပေါင်းရင်းမြစ်များ

Marcos 2:12

Kolhvavek ankek nak apkenmekhak neten, apmamo lhnak na nema aktankeskama, ka aplhengamo lhnak ma'a. Nkelpelapkeskangkek nak apkelvetai'a enenlhet'avok ma'a, nieplomavek nak na apkeliavenkaskesaikama apvesai'a Eniapom Neten ma'a, lhna aptaiangkok: —¡Mangelvetai'ak ennengko'o ngkotnek akto nak ham! —lhnak aptaiangkok apkelpaqmeteiangka m'a.

Lucas 15:10

Nnavek na m'a ángeles apkellapaskama Eniapom Neten nkolpaihekhak hata apvalho'ok apiaqmongkasakho la mo'ok apvalhok lhema enenlhet apkelanai'a ngkollatsekama —lhna aptemak Jesús.

Lucas 15:32

Koka ntasek na angellanak aktaqmelaikama lhma, nkolpaihekhak na engvalho'ok apvaktaniek apialheng. Malha lhta apketsepma aptemak ma'a, aphalhnankok koka nelvetakhak mokhom, malha alhta aplheneiam na aptemak, koka nelvetakhek mokhom" lhna aptemak apiapom ma'a.

Lucas 2:14

—¡Eleltamok apientalhnemo Eniapom Neten akieto m'a neten! ¡Elvetak hata altaqmelaikama apvalho'ok apkellelto apkellamelaiam la m'a nalhepop anak! —lhna aptaiangkok ma'a.

Lucas 7:16

Avanhek ankek nak apkellai'a enenlhet'avok apkelvetai'o m'a, apkeliavenkaskesaiangka nhan apvesai'a Eniapom Neten ma'a, lhna aptaiangkok: —¡Apva'ak hengke'e apkeltennasemmap ania'a neten apanke apiaspommap, Eniapom Neten apkeltave epasmok apkennemolhema! —lhnak aptaiangkok ma'a.

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

2 Corintios 9:13

Hata apkelvet'o ta m'a apkelpasmoma ketlhengkap ma'a, nkotlhenek hata nhan apvalho'ok ma'a ketlhengkap apkellelto apkelleliehekho ania'a aktaqmanma aniem'o Cristo apkellanemakha etnangkok. Netamen hata m'a eltakneskasangkok, ellahok nahan Eniapom Neten apvesai'a aniem'o metka apkenmeiavkesammakpo mota qaselha apanko'ok ketlhengkap apkellaikamok aplhamakho engelialheng'a m'a.

2 Tesalonicenses 1:10

Nkotalhkak hata m'a apvaktamo ta Apveske kakpota ellahok ma'a, nkoliemaksek hata nhan apvalho'ok apkelpokkanma apkeliekieskama lhta, apkellelto nhan meliaskeiam ma'a. Hai, ketlhengkap nahan apkellelto napokha apkennemolhema Apveske ngkanek meliaskeiam alhta nenlheianma mota apvesai'a m'a.

2 Tesalonicenses 1:12

Netamen elvetak hata aplhamakho enenlhet'avok ma'a, eliavenkaskesama ta nhan Apvesai'a apveske engankok Jesús kanhan apkelvesai'a ketlhengkap. Ka lhamakho qaselha nak ma'a ngkotnek hata akvetammalhka aniem'o aktaqmanma nkek apkellanei'o Eniapom Neten kanhan Apveske Jesucristo.