Filipenses 4:8 - Nuevo Testamento Toba Maskoy

⁸ Ketlhengkap elialheng'a, asmak'ak aleltennaksek mokhom aktakha nnelha, kotlhen hata apkelvalho'ok lhamakho qaselha akto nak have niapak anke, nentemakha nhan akto akietemo nkek nengai'o emmo'ok anak, qaselha akpeivomo, qaselha alhnai'o nkek, qaselha akleklema engvalhok, kanhan aklhenammalhka nak qaselha altaqmelo. Hai, lhamakho qaselha lhkek altaqmanma alheianma, qaselha aklhenammalhkak altaqmelo, ntasek nkotnangkok hata mota atlhenaikama apvalho'ok ma'a.

Filipenses 4:8 ပူးပေါင်းရင်းမြစ်များ

Marcos 6:20

ngkanek apkai'avek na mota Herodes Juan. Aptaqmelkeskangkek nak ma'a, apiamavek nak na apto enenlhet apeivomo, melanai'a nhan ngkolatsekama, akpelapkeskamo mota nhan aplengai'a apketlhekmoskama m'a.

Lucas 16:15

Koka lhna aptemak Jesús apkellanemo: —Nkeltase niekhe napaqta'a ketlhengkap napaqtavek enenlhet, koka meliennengkasak Eniapom Neten apto apiekpelkemo apkelvalho'ok. Koka heng qaselha akto neten ankek akiaspommalhka' napaqtavek enenlhet'avok, aptaqnevakkek koka Eniapom Neten ma'a.

Lucas 2:25

Apnengkek nak ma'a lhema enenlhet apvesai'a Simeon, apeivomo lhnak ma'a, apkeliehekho lhna mota Eniapom Neten. Avanhek ankek nak apkel·halhanma ngkolhek hata alpaieskeskakmo apvalho'ok ko Israel, Espíritu Santo lhna songke mota aplhelhma m'a Simeon.

Lucas 23:50

Apnengkek nak na m'a lhema enenlhet apvesai'a José, ko na temma Arimatea lhnak ma'a, iokhalhma Judea. Apiamolhma lhnak ma'a, apeivomo nhan, avanhek nak apkeltemo nkovak aptaiekha apveske Eniapom Neten. Apto lhnak na apketlhelhma'ak apkelemhama apmaniaie' Judios neten apankavek, koka mang noka nkoleklemok apvalhok aptaiangkolha' apkellanei'o Jesús ma'a.

Juan 7:18

Enenlhet apto la aplhenammakpo panke', apkeltemo ngkolhek altangko nema apiamo neten apankek. Koka enenlhet apteniai'a la mota aptemeskeskama neten apanke apvesai'a apto apkapaskama, koka enenlhet anak akto iokhalhmek aplheianma m'a, have apmopvana ania'a.

Hechos 10:22

Ka apkellatemmoiangka lhnak enenlhet, lhna aptaiangkok: —Capitan Cornelio lhta hengellapaskama ennengko'o apkeltemo angeliama lheiap kakpota etlhekmoskakhak ma'a. Apto nak enenlhet apeivomo m'a, apkeliehekho nhan Eniapom Neten, enenlhet'avok judios avanhek ankek apketlheianma mota apiamolhma apankek ma'a Cornelio. Ka nkeniemai'ak ma'a apakmetkeskamo lhna lhta lhema ángel apokkenammap kakpota hengellapaksek ennengko'o hengke'e —lhna aptaiangkok ma'a.

Hechos 22:12

Apne lhta m'a lhema enenlhet apvesai'a Ananias, apiave panke lhta lhma, apkeliehekho lhta mota ley Moises, apketlheianme lhta mota enenlhet ko Damasco apiamolhma m'a.

Hechos 6:3

Ntasek eliekiesangkok apieseksek anak ketlhengkap 7 enenlhet altaqmanma la apkeltemakha, nema la nhan apkeliamo, allaneiangko la nhan apvalho'ok Espíritu Santo kakpota etnangkok apkelhpankesaikamok ma'a.

Romanos 13:13

Koka elloka m'a malha atsak'elha lhma nak, ellanamok qaselha altaqmelo. Melpasengvom ankek melleskama etavangkok aptekamok, melleskama nak einangkok anmen, menmensangvomanke lhma, mellanamo nkek na qaselha ngkollatsekama, metka apkennapommap nahan, metka nhan apiasepkeskaiam qaselha apanko'ok la po'ok.

Romanos 13:3

Ka apkelientalhnemo nak mankoieto eniagak enenlhet apkellanai'a la aktaqmelo qaselha, koka eniagak ma'a apkellanai'a nak qaselha ngkolatsekama. Ka apkelan'o la lheiap qaselha altaqmelo, mangkoitek hata nhan apkai'a apkelientalhnemo nak, etlhenama ta mota apto apiamolhma lheiap ma'a.

Romanos 14:18

Enenlhet apto la apkelanai'a lhamakho qaselha nak koka apto apiamolhma apkasennaikama Eniapom Neten, nlekavek apvalhok ma'a, enmankok na takha enenlhet'avok ma'a.

Romanos 2:29

Koka judio apankek ma'a apto akietnema apvalhok malha akiaqtemenammalhka nekha tkok napaqtek Eniapom Neten aniem'o m'a Espíritu, have aniem'o henganemakha nak Moises. Ka enenlhet anak emok hata takha m'a Eniapom Neten, niekhe apkeltaknommap anak aniem'o enenlhet.

1 Corintios 4:5

Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.

2 Corintios 13:7

Kolhva koka ennengko'o nengelelmalhneskaskek Eniapom Neten elpasmok ketlhengkap mellanankek hata mokhom qaselha ngkolatsekama, have nkollaqhama engelvalho'ok engankavek aniem'o netlhekmosekamok ennengko'o, nkaqhok nkotlhenek apvalho'ok enenlhet akhemo nenmakmekamaha apieseksek anak ketlhengkap, vanlha koka nengeleltavek ellanangkok qaselha altaqmelo ketlhengkap.

2 Corintios 6:8

Moklhem'a aknem hengeleliahakhave lhta mota, hengeltaqmelkaske lhta nhan, mo'ok aknem alhto ka hengeltaqnevak ma'a, hennaqtevaske lhta nhan ma'a, hengelleltaiangko lhta nhan nenmopvanka'a ania'a, koka iokhalhme mota netlheianma ennengko'o.

2 Corintios 8:18

Asmak'ak angvapaksek kolhvave nak Tito ham, aplhelhma nhan lhema enialheng apto aplhenammap amota aplhamakho iglesias apiamolhma m'a, aktaqmanma apmakmekama lhnak na m'a apaieskama ania'a aktaqmanma.

2 Corintios 8:21

Hai, skelienlhanakmavek ko'o mota alanak akpeivomo napaqtek Apveske, napaqtavek na enenlhet'avok.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Efesios 4:25

Ka nelpasmekha nak malha lhema neliokha ntakhak ma'a, ka nkeniemai'ak na metnangkek apkenmopvanka'a ania'a apieseksek anak ketlhengkap, etnamok hato ka nhan iokhalhmek ankek apketlheianma.

Efesios 5:9

Nkanek apommatema nak ntepkaskek ma'a neniamolhma, akpeivomo kanhan have niapak.

Efesios 6:14

¡Eliennakteso ta nhan apkeliapnekha apkeliapnama akvesai'a koka have niapak ankek! ¡Elentalhnekha ta nhan apkelentalhnema anmasma apnenio'ok akvesai'a nak ma'a nempeivomo!

Filipenses 3:1

Ketlhengkap elialheng'a, kolpaihekha apvalho'ok aniem'o apkelpasmekha Apveske. Smak'ak altakhengveskakhak mokhom asnaktalheskeskama sekhe lhta, mangheiastengak askeltakhengveskekha astalheskama nak ngkanek nkelpasmek ketlhengkap kakpota metlhenmek.

Colosenses 4:5

Etnamok hata nema apkeliamo napaqtavek ma'a enenlhet'avok anak metnangko Jesucristo apkennemolhema, elelientemap neksa aklhengama aknem.

1 Tesalonicenses 4:12

kakpota melelmongkalhnamaha! Netamen ellahok hata mota apkellelto nak apkeliaskeiam Eniapom Neten.

1 Timoteo 2:2

Elelmalhneskes hata nhan eltaqmelkeskesek apkellangiemhaikama gobernadores kanhan apkelveskai'e kakpota hengeltaqmelkeskesek na nengellaniemhaikama m'a, angelloka metka akmaska kanhan metka aktaikama engvalhok, angelleliehekho mota nhan Eniapom Neten, angeltakmelkasalhkok na akietemo nkoie nentaiangkolha.

1 Timoteo 3:11

Nnavek na ngkelvana'ak la nkaimelhkek ngkolhek allak'o apieseksek enenlhet'avok, have nkotnangkok almalengioikama nkotlhenek mo'ok aktemakha, nkoliohok na nkonnavaksek aktemakha ngkollatsekama av'alho'ok, nkoliohok na nkollanangkok lhamakho qaselha altaqmelo.

1 Timoteo 3:4

Ntasek na etnek apmopvana ellanama apketkak kakpota nkotnangkok aleliehekho m'a,

1 Timoteo 4:12

Meniangko nkek na ngkolhek aktemeskesantamo koneng lheiap aniem'o apketkok mokhom lheiap, eliatama toka akietemo nkek aplheianma, eltaqmelkasakpo ta nhan, elto ta nhan nkalhnok apvalhok anak, koiet hata nhan mei'askeiam kanhan apkasekhai'o po'ok kakpota aplhamakho enenlhet'avok elvanangkok aptemakha lheiap.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

1 Timoteo 5:2

Eltaqmelkes hata nhan alvaneiam malha aktonak ngken apankek la'a. Eltaqmelkes hata nhan ngkelvana atko'ok malha aktonak apkelialheng'a apankek la'a, mankotsep ankek na apneniek ma'a.

Tito 1:8

Koka ntasek etne mota apmama takha amaika'a apankok la'a apnemakha, elanak na qaselha altaqmelo, apmopvana akietnaikama apaqtek, apeivomo, apiamolhma apanke' kakpota nhan aptaqmelkasemmakpo apanko ie'.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Tito 2:2

Nkaimelhkek na metno apketko'ok anak ellapvanak ennavaksek apvalho'ok apankek la'a, etnangkok na apkellai'akha la enenlhet, nkaimelhkek na nkotlhenek apvalho'ok amanie apkenmak'akha la ellanangkok qaselhaha, etnangkok na meliaskeiam akto nak hengetlhekmoskama akpeivomo, ellasekhok na aplhamakho enenlhet'avok, etnangkok na apkeliennaktema apkelvaskapma neksa akvai'a la akientalhnema.

Tito 2:7

elvetaskes na aptemakha apanke nak lheiap kakpota elvanangkok ma'a, eieplavkes hata nhan aktemakha nak apketlhekmoskama apankok, etaqmelkasakpo pankek nahan kakpota meliaskamek enenlhet lheiap,

Tito 3:14

Lhamakho Jesucristo apkennemolhema la'a ntasek eltaqmelkeskesek apkellangiemhaikama po'ok, eliangvomhok na ellanangkok qaselha altaqmelo, elpasmok na po'ok alaimommalhka nak qaselha apanko'ok.

Hebreos 11:2

Aktemakha lhnak nanek na meliaskeiakmo nelieihengka'a m'a, nleklemavek nak nanek apvalhok Eniapom Neten apkelvetai'o m'a.

Hebreos 13:18

Hengellelmalhneskes hata nhan ennengko'o ham, kakpota hengelpasmo mota Eniapom Neten ngkanek alhnai'o akietnaikama engaqto'ok, vanlha mota nelienlhanmekamok angeltakmelkasalhko mota.

Santiago 1:27

Koka akto aktaqmelo nentaqmelkasemmalhko engankek napaqtek Eniapom Neten nentaikama mota amaika'a apkelieihekama kanhan lhentampak'a neksa alvetai'a akientalhnema, kanhan mongellankehe na hengellekhoho ngkolatsekama la enenlhet meliamolhma.

Santiago 3:17

Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Pedro 2:12

Eltaqmelkasakpo ta neksa apkellaniemhangka nlho mokhom hengke'e apieseksek enenlhet'avok anak apkeliaskeiam Eniapom Neten, eliematkesama ta ketlhengkap ma'a eleltangkok meliamolhma, koka netamen ma'a elvetangvomok hata apkellanekamok qaselha altaqmelo ketlhengkap ma'a, eliavenkaskesama ta apvesai'a Eniapom Neten akvo'o ta aknem nemakha hengiekpelkemelha.

1 Pedro 4:8

Ellasekhakpo ta mota apankavek apieseksek anak ketlhengkap, enenlhet apto la m'a apkasekhekho po'ok, melan'ok na aptakha po'ok aptevaskai'a la m'a.

2 Pedro 3:1

Elialheng'a askellamelaiam, hanet astalhesekho ntak vakkahak anak asmahai'a aleltennasangkok kakpota nkolketamangkok apvalho'ok akto akpeivomo nke.

1 Juan 3:18

Eietkak apketko'ok, mangkolatsema etnangkok mok apatno'ok apkellasekhai'o po'ok, ntasek koka elpasmok ma'a.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.

1 Juan 4:1

Ketlhengkap apkellelto nak askellamelaiam, menmamonkek takha aptakha la aplhenammakpo pankek la enenlhet apietnema Eniapom Neten Apvalhok ma'a. Koka eltaqmelkaso ta sekhek apkellailheiangko apketlhekmoskama apankok aptakha la m'a, kakpota nkotlhenek apvalho'ok apkeniemo m'a Eniapom Neten nlho ka la mma'. Ngkanek aplhaniek lhmankek ham apkeleltennasemmap ania'a apkenmopvanka ania'a.