Filipenses 4:5 - Nuevo Testamento Toba Maskoy

⁵ Kakpota elvetak enenlhet apkellelto apkeliamolhma ketlhengkap ¡Apkanketvaktek apveske!

Filipenses 4:5 ပူးပေါင်းရင်းမြစ်များ

Lucas 21:34

Ellaho ta ketlhengkap nkoliennak apvalho'ok aniem'o apkellanekamok ngkollatsekama, apienaikamok anmen kakpota nhan aleltaikama apvalho'ok, ngkanek nkoplapkesek hata akvai'a nnelha aknem alhma nkek ham takhaplhet'ok ketlhengkap. Ka kto nak nel·hanma nak, nkoplapkesek akmama qaselha nevhak.

1 Corintios 16:22

Apno la enenlhet meniasekhai'o Apveske, nema akiematkeskama ta ma'. ¡Apkelhiakmek Apveske!

1 Corintios 6:7

Mangkolatsema nkek apkellammelhammakpo mok apankavek apieseksek anak ketlhengkap ham. ¿Ntase nlho elvaskapekho ketlhengkap mankoietemo la nema allanei'o, he? ¿Ntase nlho nhan elvaskapekho kno la almenielhkaso qaselha apanko'ok, he?

1 Corintios 8:13

Ka astengkeso la enialheng aniem'o astoma apetek monganemmalhkelha nak anto'ok napaqtek ma'a, ntasek na motvek ma'a kakpota motengkesek enialheng.

1 Corintios 9:25

Hai, apkellelto la apkenmahai'a elpasengvomok apkelpaivasemmap, elpekkenekha aknaqtevaskama la apiempeiok kakpota ennaksepok ma'a, eteniamo ta apiempeiok kakpota ennaksepok akianmoma qaselha nelhanma nak empatek, koka nkomaskok hata nhan alatsengka m'a. Ka nellaniemhaikama nak ennengko'o nengelelto Eniapom Neten apkennemolhema, malha nelpaivasemmalhka ntemak ma'a, koka akianmoma ta nentetema empatek anak mankavankek nkomaskengvomok ma'a.

2 Corintios 10:1

Moklhem'a ketlhengkap apnaqtevaskangkek asvesai'a, apketlheianmo lhnak ngkolatsekama astemakha, lhnak asno la ham apieseksek anak ketlhengkap askeliatekama lhnak nkoiennaktema aspaioma, koka lhnak askapaso la astalheskeskama vakkahak ketlhengkap ham, nkoihek nak aspaioma astalheskama. Hata apketlhengkaso la apkellentepkasekama asvesai'a ham, metka asiekaskama ta aknem alammelhek ma'a apkellelto nak mok apatno'ok. Askelasnema askeltema elvatesangkok apkelentepkasekama asvesai'a, askeltavek na akieplomo apvesai'a Jesús, apto apiamolhma, hengellamelaiam nahan.

2 Tesalonicenses 2:2

mellanko nkek ngkolhek aliennengkaso, mennelhtengankek na neten apkelleng'o ta ania'a akvai'a aknem apvekta apveske Jesús, apketlheno la m'a enenlhet'avok anak ania'a aniem'o apkelvetaskeskama apaqto'ok Espíritu Santo, kanhan eleltennaksek hata aktemakha nengetlhekmosekamok ennengko'o neliokho engankave kanhan vakkahak nennaktalheskeskama lhta.

Tito 3:2

Ellana ta nhan lheiap melentepkasama apkelvesai'a po'ok ma'a, eteniangkok na metka akmaska, etnangkok na apkeliamolhma kanhan nalhep'avek apvalho'ok napaqtavek aplhamakho enenlhet'avok.

Hebreos 10:25

Mongelvatesankek na nengaqnekha neltaqneskasekamok anak Eniapom Neten, angeliatekhok na emmo'ok ngkanek ketse nkaimelhkak akvai'a ta aknem.

Hebreos 10:37

Ka ntemak na aklheianma Vakkahak Eniapom Neten apaivoma hengke'e: «Ketse nkaimelhkak apvektanlha aplhenammap evatak hata m'a, mankovanka nkek hata aknem ma'a.

1 Pedro 1:11

Cristo Espíritu apanko nak alientemongkeskamo lhnak nanek aleltemeskeskama elioho apkeleltennasemmap ania'a aktemakha aplengaiangko ta akientalhnema Cristo, aktemakha nhan qaselha hempelapkeskama nkovak hata netamen hata aplengaiangko m'a. Apkelienlhanmeiangkave lhnak nanek ania'a niapma'ak annenga apkenmahai'a eliohok aknem nkovak hata, kanhan aktemakha qaselha akvetammalhka ta m'a. Koka Espíritu

1 Pedro 4:7

Ketsek nkaimelhkak aktemongvanlha nnelha aknem lhmankek ham, ka ngkanek ketlhengkap ntasek etnangko mota apkeltakmelkasemmakpo apankavek, elelmalhnangkok nahan metka nnelha.

Apocalipsis 22:20

Apto lhkek hepaqmetkeskama, lhke aptak: —¡Kolhvavek hata avatak ham, have niapak ankek! —¡Amen, ntase', elheng apveske Jesús!

Apocalipsis 22:7

—¡Kolhvavek hata avatamok ham! Aktaqmelakho nkek apkellelto apkenmama takha ania'a nak aktemakha akmak'akha ta ngkotnek akietno nak aktalhesammalhka vakkahak anak —lhta nna akto m'a.