Filipenses 3:2 - Nuevo Testamento Toba Maskoy

² ¡Ellaho ta enenlhet malha nak semheng! Hengetlhekmoskama meliamolhma nak, apkenmak'a mota eliaqtemenek apiempeiok ketlhengkap, koka mankaimelhka niekhe etnangkok ma'a,

Filipenses 3:2 ပူးပေါင်းရင်းမြစ်များ

Romanos 2:28

Have judio apanke aniem'o apteiaianlha ngkana'ak judios ankavek, aniem'o nhan nema akiaqtemenkeskama nekhatkok apkammelhakha.

2 Corintios 11:13

Apkenmopvanka ania'a m'a nema allapaskamo nak, apkeliennengkeskangkek enenlhet, apkelietkesakpek malha niekhe apkellapaskama apanko'ok anak Cristo.

Galatas 5:13

Apkellavekama lhta Eniapom Neten ketlhengkap elialheng'a kakpota etnokhak metka apkenmammap, koka menmamankek metka apkenmammap anak kakpota ellanangkok qaselha ngkollatsekama mokhom, ntasek koka elpasmo mota po'ok la'a aniem'o apkellasekhai'o.

Galatas 5:15

Koka aptaklho la po'ok, aptavo la nhan, ¡eniaho! Apnaqtevasekpe pankavek ketlhengkap ma'a.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Filipenses 3:19

Koka enenlhet'avok anak enaqtevasakpok hata ngkanek vanlha mota anmahai'o nkek apvalho'ok ellanangkok qaselha ngkolatsekama apanko'ok apankavek, apkelakpek apkellanengko la qaselha henmankaskama nak, vanlha mota atlheianma apvalho'ok qaselha aknaiangko nak hengke'e nalhepop anak.

Filipenses 3:3

ngkanek aplhamakho apkellelto nak apkellasennaikama Eniapom Neten aniem'o nhan Espíritu, malha nhan nema aliaqtemanma nekhatkok apkellammelhakha m'a ntak napaqtek ma'a. Koka akto nhan neten ankek akiaspommalhka m'a mangkolhnok ma'a aliaqtemenammalhka nekhatkok apkellammelhakha judios apankave'. Nkellaqhama ennengko'o engelvalho'ok aniem'o mongeliaskeiam Cristo Jesús, mongelleltemo ennengko'o ngkolhek hengelleltaqmelkeskaso aniem'o nelieplavkeskama aptaiangkolha nak judios.

1 Timoteo 1:19

Melvateskama nkek mei'askeiam, etaqmelkes hata nhan akietnaikama apaqtek alhnai'o nhan, melvanamo nkek aptaiangkolha nak ma'a enenlhet'avok meltaqmelkeskama nak alietnaikama apaqto'ok, netamen maskengvakmek na meliaskeiam ma'a.

Tito 1:16

apketlhengke pankek apkeliangveiakmo aptemakha Eniapom Neten koka apkellanengke mota qaselha apkammelhmakha antek Eniapom neten ma'a, neten ankek meliamolhma m'a kanhan meleliehekhok, mankonmahai'a nha mota ellanangkok qaselha altaqmelo.

2 Pedro 2:22

Nnavek na m'a apketlheianma na mota enenlhet, ntemak hengke'e: «Nieklhek semheng, netamen ntavakhek mokhom akieklhema lhkek». Ka ntak na mo'ok heng: «Ietapomap la kolhva nema akienieskama, netamen la m'a apietnakhek koka mokhom aiseksek nialpa».

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.

Apocalipsis 2:9

"Asiave ko'o aplengaiangko mota lheiap, mamma apketsekama, koka malha aptemak nema la apketsekama. Asiavek na ko'o apkeltaknongkoma lheiap ma'a apkellelto nak apkeleltammakpo pankave nak judios, koka apkellelto ankesekhelha mota Satanas ma'a.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.

Apocalipsis 22:15

Koka melentelhek hata m'a malha aptangko nak semheng, apkellelto nak na apkeliatmekama la apkeliolhma mellatsekama, apkenmensangveiam alhma, ntekioma niapma'ak, kanhan apkellelto nak apkelteklheikamok aptapno'ok naqtek qaselha akiokha alanemmalhka, alleklemo mota nhan apvalho'ok eliennengkesek po'ok.

Apocalipsis 3:9

Koka apkakhangkek ma'a moklhem'a apketlhenammakpo apankavek apkellelto judios, koka have m'a, apkellelto koka niekhe ankesekhelha Satanas ma'a. Alelteklhekkeskakhak hata ehenkek ko'o aptapno'ok napaqtek lheiap ma'a ngkanek askamelaiam na lheiap, lhamakho enenlhet hata nhan elvetak ma'a.