Filipenses 3:19 - Nuevo Testamento Toba Maskoy

¹⁹ Koka enenlhet'avok anak enaqtevasakpok hata ngkanek vanlha mota anmahai'o nkek apvalho'ok ellanangkok qaselha ngkolatsekama apanko'ok apankavek, apkelakpek apkellanengko la qaselha henmankaskama nak, vanlha mota atlheianma apvalho'ok qaselha aknaiangko nak hengke'e nalhepop anak.

Filipenses 3:19 ပူးပေါင်းရင်းမြစ်များ

Lucas 12:19

Netamen nkopaihekhak hata ko'o evalhok ngkanek nkaksek hata asketsekama kakpota nhan astoma. Ngkotnek hata akvenaktema akietnema qaselha ehenko'ok, kakpota nhan aholhek hata ngkotnek asiamposammalhka", lhna ntemak aklhenaikama apvalhok enenlhet anak ma'a.

Lucas 16:19

—Apnengkek nak lhema enenlhet ngkeskama apketsekama, apmennave lhnak apkelentalhnema, apkeltakmanma nhan. Vanlha lhna mota apkelanai'a akiavai'a aktaqmelaikama lhma.

Lucas 18:4

mang noka eniammelhmok hengiekpelkemo m'a. Koka nkelienlhaneiakmavek na mota, ka alketameiangka lhnak apvalhok ma'a, lhna ntemak: "Niekhe moliehekho ko'o Eniapom Neten kanhan enenlhet'avok,

Romanos 16:18

Nkanek have apkellasennaikama Apveske engankok Cristo m'a enenlhet'avok anak, vanlha aptengiaikamo mota anmahai'elha la apvalho'ok apanko'ok apankavek. Apkeltakmelkasave mota apkelpaqmetkesaikama apkellelto nak meliangveiakmo kakpota eliennengkesek ma'a.

Romanos 6:21

¿Nkeltaqmelkeskeskangke nlho lhta apkellangiemhaikama ketlhengkap aniem'o apkellanekamok qaselha henmankaskama nak, he? Ma, vanlha lhtoka akmahai'o nkonnapok, nkolienievkesek na Eniapom Neten.

1 Corintios 3:3

ngkanek nheklhek apketlhengkeskama mokhom aliaspongkomakha nak apvalho'ok. Apkeliasepkeskama po'ok, apkeliamenammap nahan, malha enenlhet la aplhengkeskama akiaspongkomakha nak apvalhok.

1 Corintios 5:2

Apkelammakpe mota ketlhengkap apkelanei'o m'a enenlhet anak, koka nietavek nkolaioseskesek apvalho'ok, elentepkesek na m'a enenlhet anak aptevasekha iama ngken.

1 Corintios 5:6

Mangkolatsema ellakpok ketlhengkap aktakha qaselha apieseksek anak ham, maniamolhma nak malha niekhe alena apiepheskama nak, ketsek niekhe nengankai'a, koka apiephakhavek ma'a.

2 Corintios 11:12

Alhenkesek hata metka askelelmalhnekama qaselha la alaimommalhkelha ko'o kakpota elvetak apkeltemakha m'a apkellelto nak nema alapaskamo apkenmopvanka ania'a have stemo nak ko'o, ntasek astemakha, have aptangko nak ma'a.

2 Corintios 11:15

Koka apkellelto nak apketsekama ania'a apkenmopvanka ania'a vanlha mota apkellasennaikama Satanas, apkelietkesakpek na enenlhet la apiamolhma apketlhekmoskama akpeivomo, koka etlhevangkok hato ka m'a nema akiaqmongkasekha apkeltemakha ngkollatsekama.

Galatas 6:13

Apkelpeneskangkek enenlhet anak apkeliaqtemenaikamok nekhatkok apkellammelhakha m'a, mang koka elieplavkeskama aklhamakha ley Moises. Apkelleltemavek eliaqtemenangkok nekha atkok apkellammelhakha ketlhengkap ma'a kakpota ellakpok aniem'o apkellasekhai'o ketlhengkap ma'a.

Filipenses 2:21

koka napokha enenlhet'avok anak apteniangke mota apanko'ok apankavek qaselhaha, moka ellanengkok apkellanemakha nak etnangkok Jesucristo.

Colosenses 3:2

Hai, ntasek nkolketamangko mota apvalho'ok qaselha alleniem'o nak neten, have aknaiangko nak hengke'e nalhepop anak.

2 Tesalonicenses 1:9

Hai, mangkotnengvaiam annelha ta akiaqmoiekha apkeltemakha m'a, elentepkasakpok hata nhan napaqtek Apveske apto apientalhnemo kanhan aknema apmopvana.

2 Tesalonicenses 2:12

Netamen hata m'a ngkolhek hata aleltangko m'a apketselhnanemmap apankavek ngkanek apkeliaskakmek akto haveniapak anke, nkelleklemavek na apvalho'ok qaselha ngkollatsekama nak.

2 Tesalonicenses 2:8

netamen eiephongvak hata m'a. Koka evatak hata nhan ma'a Apveske akieplomo apkapommatema, apvatepnapma ta nhan nkotvaksek ma'a, metka apiennaktema ta nhan etnek ma'a.

1 Timoteo 6:5

apkeliamenammap anak apieseksek enenlhet'avok anak malha alieihama lhma, meliohok akto have niapak ankek, apketlhenakpave apankek nahan apkellelto meliaskeiam koka apteniangke mota apkennaksepma patakkom apanko'ok apankavek

2 Timoteo 3:4

Eliennengkasekhak hata nhan apketlhelhma'ak apankave', ellanangkok hata nhan qaselha ngkollatsekama aniem'o aliatekamok apvalho'ok koka metka atlhenaikama apvalho'ok akiaqmoiekha nkovak hata. Nkoliephesama ta nhan apkellammakpo, ellanangkok hata nhan qaselha atlheianmakha la apvalho'ok, meteniankek hata nhan ellanangkok apmahai'akha nak Eniapom Neten.

Santiago 4:16

Koka apkelammakpo songkek ketlhengkap aptaiangko na mota apkelpakmeiasma m'a apkenmak'akha la etlhenek etnangkok apmaniaie, koka mangkolatsema niekhe etnangkok apkelpakmeiasma m'a.

2 Pedro 2:1

Apkakhaiangkek nak nanek apkeleltennasemmap ania'a apkenmopvanka'a ania'a apieseksek israelitas, elvak hata nhan kolhvave nak apieseksek anak ketlhengkap ma'a, etlhekmosangkok hata apkelielhaskeskamo qaselha mankoietemo, akmovana hentevaksek nahan, nkolammelhek hata apkelpakmeiasma Apveske apto lhta apkel·hatsoskekha neksa anmaikama meliamolhma, nkotlapkesek hato ka nema apnaqtevaskama m'a.

2 Pedro 2:13

Nnavek na m'a enenlhet'avok anak meliamolhma ellengangkok hata akientalhnema malha kaselha nevhak anak aniem'o melpeivomo, alleklemo mota apvalho'ok ellanangkok apkenmak'akha la ellana', qaselha ngkollatsekama nke napaqtavek enenlhet'avok. Alleklemo mota apvalho'ok ellanangkok qaselha henmankaskama akvakho m'a apkaqnekhelha apieseksek ketlhengkap neksa aktakmelaikama lhma apanko'ok.

2 Pedro 2:3

Ka apketsekama ania'a nak avanhek ankek hata nha ngkotnek apteniaikamok patakkom, elvetak hata m'a aniem'o aptaikamok apkenmopvanka'a ania'a, koka nkovak hato ka nhan iokhalhmek ankek nema aliaqmongkaskesekha' apkeltemakha ngkollatsekama, lhennenga nhan nema akpeneskeskamo ngkolhek hata aliaqmongkaskesakho apkeltemakha m'a.

Judas 1:10

Koka apkeltaknevakkek enenlhet'avok anak ma'a qaselha nak melioho mokhom, mankollapvanka'ak na nkolketamama apvalho'ok malha aktonak kaselha nevhak la'a aktevasemmalhko nkek aniem'o aktekhanekamok qaselha.

Judas 1:16

Ka enenlhet'avok anak apkellelto m'a apkeliematkesaikama po'ok, apkeltaqnevaikama, kanhan aptengiaikamo mota qaselha aleklemelha la apvalho'ok. Apkellammakpo pankavek, altakmanma niekhe apkelpaqmeiasma ellanhok po'ok napaqtek la'a, koka akhemo malha apkenmopvanka ania'a, vanlha koka mota nhan apteniaikamok qaselha apanko'ok apankavek.

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.

Apocalipsis 18:7

Avanhek anke lhta anmalhkoho, ntevaskangkek patakkom ankok aniem'o atseskeskama av'alhok aktemengveiakmo lhma. Kolhva koka ketlhengkap ntasek ellengaskesamok hata akiavai'a nkek ma'a kakpota nkovene nkeskama nkek ma'a aniem'o aklengaiangko akmaska. Vanlha lhta nha mota aklheianma av'alhok aktema aveske takhalhet aktanema, aklheianmo lhta nhan av'alhok mankovenek hata, mangkotnek hata nhan lhentampe, lhta ntema mota alketansema av'alhok ma'a.

Apocalipsis 19:20

Koka mpathetalhke lhta qaselha nevhak nengai'o akieplomo nhan altennaskama ania'a ankok alhta apmopvana ania'a, apkelanai'a lhta mota qaselha mongenatkeskama naqtek ma'a. Apkeliennengkeskangke lhta nhan apnaikamok alhta aqnaktalheskama alqama ankok ma'a, apkellelto lhta nhan apkelteklheikamok aptapno'ok naqtek nema akietkeskamo akiokha m'a kaselha nevhak nengai'o lhta. Koka nkelpathetalhke lhta lhemek ma'a qaselha nevhak nengai'o kakpota nhan ania'a niapom ankok, nne lhta alienievo akieplomo aktaikamok alhnankok akieto sanga akietnemakha alaivomo talha kanhan azufre.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.

Apocalipsis 22:15

Koka melentelhek hata m'a malha aptangko nak semheng, apkellelto nak na apkeliatmekama la apkeliolhma mellatsekama, apkenmensangveiam alhma, ntekioma niapma'ak, kanhan apkellelto nak apkelteklheikamok aptapno'ok naqtek qaselha akiokha alanemmalhka, alleklemo mota nhan apvalho'ok eliennengkesek po'ok.