Filipenses 3:13 - Nuevo Testamento Toba Maskoy

¹³ Ketlhengkap elialheng'a, malha niekhe ntak nelpaivasemmalhka nenganiemhaikama nak, mov'ak ko'o mokhom aktakha nnelha akiensasemmalhka la'a, asiaqhapkek koka mokhom mongveskama metka aklheianvekho evalhok netamen alhta,

Filipenses 3:13 ပူးပေါင်းရင်းမြစ်များ

Lucas 10:42

kolhva koka María nkelan'ak qaselha neten ankek akiaspommalhka, momak'ak aliaqselhma ko'o —lhna aptemak Jesús ma'a.

Lucas 9:62

Ka apkatemmoiangka lhnak Jesús ma'a, lhna aptemak: —Enenlhet apto la apkanmelhekho neptamen neksa apmaikamok vakka alhpehek, manke pankek emakmongvomok ma'a aptemakha nak apveske Eniapom Neten —lhna aptemak Jesús.

2 Corintios 5:16

Lhennenga lhta nhan ennengko'o nketlheianmek engelvalho'ok malha aktonak enenlhet apkeliaskeiam anak Cristo, kolhva koka nenvanlha nak mmaskek ma'a, kolhva koka nketlhenkek engelvalho'ok apkeltemakha la antangkok Eniapom Neten.

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

Filipenses 3:12

Koka movakmok mokhom aktakha nnelha asavhongvaiakmo qaselha astakha lhkek askellano, mopenesak mokhom askelanekha astakha, koka nheklhek alhengkeskama kakpota alanekhak astakha ngkanek Cristo heliekieske lhta kakpota atnek aspenesammalhka.

Filipenses 3:8

Koka lhamakho qaselha lhta m'a kolhva koka nlhenkek evalhok mankoliennaktema m'a, have kto nak qaselha altaqmelo nak asiekpelkangveiakmo nak Cristo Jesús apveske ehenkok, askelhakhangkek lhamakho qaselha lhta malha basura ntemak ma'a aniem'o lhta asmama takha Cristo,

Hebreos 6:1

Angetlhengkesek nenvanengkeskama mongeliaskeiam akvakmo akto neltokho malha neliav'o. Envanka'a nlho lhta niekhe angelieplavkesek amanie lhta nema hengetlhekmosekamok aptemakha Cristo, nkaimelhkek mota niekhe mongeltaqhengveskakhek ampai'akhasekha lhta nema hengetlhekmoskama aktemakha nelieniekha mongeliamolhma henlaqlekho lhta m'a akieto nengetsepmakha, aktemakha nhan mongiaskeiam Eniapom Neten.

2 Pedro 3:8

Elialheng'a, askeltavek eliohok lhema qaselha, mok aktema aknem apankok apkelietsatema Eniapom Neten, have kto nak ennengko'o, mil anio nak malha lhema aknem apkelanei'o napaqtek ma'a, nlho ka la nhan lhema aknem anak nelanei'o ennengko'o nenvanlha nak, koka mil anio niekhe apkelanei'o napaqtek ma'a.