Filipenses 2:8 - Nuevo Testamento Toba Maskoy

⁸ Neksa aptema lhta enenlhet apankek ma'a, koneng apanke lhta nhan aptaikama m'a, apkeliehekho nhan akvakmo apketsepo. ¡Kanhan ma'a apketsepo neten iamet aktenneskama!

Filipenses 2:8 ပူးပေါင်းရင်းမြစ်များ

Lucas 9:29

Neksa apkelmalhnongkoma lhnak ma'a, mo'ok aktemakha lhnak ntaiekhak napa'at, ka nhan aptalhnema niangveiakmek nak aptema apmopai'a pankek, apkelienmoma pankek nak aptemak aptalhnema m'a.

Juan 10:18

Astema ehenkek askaikamok asiennaktema, mamma enenlhet helekkesek ma'a, nietnek asientalhnemo kakpota allangkok, amekhok mokhom takha m'a, ngkanek Tata aptema m'a —lhta aptak Jesús ma'a.

Juan 14:31

Evankek ko'o alanak apkeltakha la alanak Eniapom kakpota elvetak enenlhet'avok halhma nkek ham asto askasekhai'o Eniapom. ¡Elaqnekha neten, nok! —lhta aptak Jesús.

Juan 15:10

Eleliehekhok na askanemakha etnangkok kakpota elvetak enenlhet ma'a hellasekhai'o. Ka stonak ko'o askeliehekhek apkanemakha atnek Tata, apkelvetai'ak na enenlhet askasekhai'o ko'o Tata.

Juan 4:34

Koka lhta aptak Jesús: —Askasekhai'o ko'o apto heiapaskama, apenaksek hata asmakmekama apkeltemo lhta alanak ma'a, koka malha astoma ko'o m'a.

Hechos 8:33

Nne lhta aktemeskesantamo koneng kakpota nhan nema akvannaikama, mankoietemo nke lhta nnak na akto nema alanei'o, mamma lhta nhan aptavana'ak neptamen ngkanek apmaskengvakme lhta m'a aniem'o apmatnama» lhna ntemak aktalhesammalhka.

Romanos 5:19

Lhema enenlhet alhta apmanie panke meliehekho apkaskamakha Eniapom Neten, hengeltemeskeskamo nhan ennengko'o mangeleliehekhok. Netamen na lhema aphapak apanke lhta nhan enenlhet apkeliehekho apkaskamakha Eniapom Neten, hengeltemeskeskamo nhan ennengko'o nengelpeivomo m'a.

2 Corintios 8:9

Apkeliavek na ketlhengkap aptemakha lhta Cristo, malha aknema apketsekama lhta m'a, koka aptemongvai'ak hengke'e metka apketsekama aniem'o apkellamelaiam ketlhengkap, kakpota eltemeskeskak na ketlhengkap malha nema apkelletsekama la'a.

Galatas 3:13

Hengel·hatsoskakhe lhta Cristo apianmongkeskekho akianmoma neksa hennaqtevaskama ley, malha nha ntemak apatmekha la nema hennaqtevaskama m'a. Ka ntemak na aklheianma vakkahak Eniapom Neten apaivoma hengke'e: «Nema akiematkeskama apto la apketsepma apiepetkasemmap neten iamet poste».

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 12:4

melammelhmak mokhom ketlhengkap ngkollatsekama nak akvakmo apkeletsepo.

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.