Filipenses 2:15 - Nuevo Testamento Toba Maskoy

¹⁵ kakpota metlhenakpek ketlhengkap, etnangkok na nalhep'avek apvalho'ok, metka alpaiseiam nahan malha Eniapom Neten apketkak apieseksek enenlhet meliamolhma kanhan apkeltemengvekho na lhma. Ntasek etnangkok malha apkelapommatma ketlhengkap apieseksek anak ma'a,

Filipenses 2:15 ပူးပေါင်းရင်းမြစ်များ

Lucas 1:6

Alpeivomo lhnak napaqtek Eniapom Neten, alleliehekho lhnak na lhamakho apkellanemakha nkotnangkok kanhan henganemakha Apveske.

Lucas 6:35

Nkaimelhkek na ketlhengkap ellasekhok apkellammelhmakha la'a, eleltaqmelkes kakpota nhan ellangkok apkeliaqmoma metka apkellailhema apkeltakheskamo qaselha apkeliaqmoikamok la'a. Netamen ngkolhek hata allangko akiavai'a nkek akianmoma m'a, etnangkok hata nhan apketkak ma'a Apto Apnema m'a netne kankoie. Apkeltaqmelkeskamo nhan apkellangiemhaikama apkellelto nak metnaikamok gracias ma'a kanhan apkellanekamo qaselha ngkollatsekama.

Juan 5:35

Juan alhtoka malha talha alhankok alaivoma atsaskama lhma, nkelpaiesakhe lhta apvalho'ok ketlhengkap atsaskama lhma lhta m'a, iakvatakho nke lhtoka.

Hechos 2:40

Aplhengkeskangkek nak Pedro apkeleltennasekamok ma'a apkanemakha eltehek, lhnak aptemak: —¡Elvongkasap tep apieseksek anak enenlhet'avok apkellanekamo mota ngkolatsekama nenvanlha nak! —lhna aptemak.

Hechos 20:30

Moklhem'a ta nhan etiepok apieseksek ketlhengkap etlhekmoksek hata aktemakha akmovana ania'a kakpota eleliehekhok na nema altamesaikamok anak ma'a.

Romanos 16:19

Koka aplhamakho enenlhet apkelvet'ak ketlhengkap apkellelto apkelleliehekho apveske engankok, avanhek ankek apkelpaiesekha evalhok. ¡Etnamok hata mota nema apkeliamo elieplavkesek qaselha altaqmelo nak, meltamok koka m'a nema apkeliamo elieplavkesek qaselha ngkolatsekama nak!

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

2 Corintios 6:17

Lhnak nane aptemak mokhom Apveske: «Elentep hata apieseksek anak ham, elieniekha ta, menmangvomankek nan ma'a qaselha apanko'ok ma'a akmovana nak nkolpaisengkeskesek apvalho'ok. Netamen hata m'a anmok hata takha ko'o,

Efesios 5:27

Netamen hata nhan ma'a nkolhek hata akiantengkasakho napaqtek ma'a, alhnai'o nkek ma'a, apommatma nhan, metka ngkolatsekama, aktaqmanma nkoie, metka akpaiseiam.

Filipenses 1:10

akietemo nke nak nentemakha. Netamen ma'a elloka ta metka apkellanekamok qaselha ngkolatsekama, mangkolhek hata nhan apketselhnanemmap napaqtek Cristo apvaktamo ta mokhom.

Filipenses 3:6

ko'o lhta nhan asto neten ehenkek asieplavkeskama ley anak, asmenlhenaikama lhta nhan iglesia m'a, mankapvanke lhta lhema enenlhet la heltennaskak moieplavkeskama ley Moises anak.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

1 Timoteo 3:10

Amanie la akmahai'a ngkolhek aktemeskeso diaconos, ntasek sekhek ngkolhek aliepkono kakpota elvetakpok apkenmopvanka'a enmakmama. Ka metko la apketlhenammap nkolatsekama m'a, ntasek enmakmama m'a.

1 Timoteo 3:2

Ntasek etnek aktaqmanma aptemakha aplhengkeskama kakpota mankollapvankek enenlhet etlhenek apvesai'a m'a, vanlha nhan ntasek etnek lhema aptava, ntasek na eniapvanak enavaksek apvalhok apankek la'a, nkaimelhkek na nkolhenek apvalhok amanie apmak'akha la etnehek, etaqmelkasakpok nahan, emok na takha amaika'a la'a akieplomo akpaihekha apvalhok, apmopvana nhan etlhekmoksek po'ok.

1 Timoteo 5:14

Askeltavek ko'o atko'ok la lhentampak'a nkoliemhapekhak mokhom, nkolvetekhak atkak, nkollavanak na nkoltaqmelkesek nahan, netamen nkotno emmo'ok mankoimatkesama ta m'a lhentampak'a nak,

1 Timoteo 5:20

Koka eliennaho ta ellanhok lheiap ma'a apkellelto nak melvatesaikamok apkellanekamok ngkollatsekama napaqtavek aplhamakho enenlhet'avok la'a kakpota elagak apkellelto apkellengai'a m'a.

1 Timoteo 5:7

Lheiap Timoteo, eniana ta eleliehekhok lhamakho askeltakha nak etnangkok kakpota mankolentepkasalhkek apkelvesai'a m'a,

Tito 1:6

Lhema metno apketkok la'a nkaimelhkek etnek metka la aplhenammap, kanhan lhema apak aptava, kanhan apketkak nkotnangkok mankoliaskeiam Eniapom Neten, altakmelkasemmalhkoho kakpota nhan mankotnangkek mankoleliehekho'.

Tito 2:10

Eleltennasamok hata nhan menmenielhe, etnangkok na nengaqtave mota apkelveskai'e apanko'ok kakpota elvetak aktaqmanma nema atlhekmoskama apketlhevai'a aniem'o Eniapom Neten apto nhan hengelvonkeskama tep ma'a.

Tito 2:15

Hai', ka hengke'e ntase mota etlhekmoksek lheiap. ¡Eliatekhok, ennaves nahan akieplomo apientalhnemo, meniangko nhan lheiap ngkolhek aktemeskesantamo koneng!

Hebreos 7:26

Nietavek ankek ma'a Jesús apto apiav'akha sacerdote apkaimommakpo mota ennengko'o. Apto nhan apokkenammap, metka aptemengveiakmo lhma, apkalhnai'o nhan napaqtek Eniapom Neten, mevhanekho apkellanekamok ngkollatsekama enenlhet'avok, nemo akneskekho m'a netne kankoie neten.

1 Pedro 2:12

Eltaqmelkasakpo ta neksa apkellaniemhangka nlho mokhom hengke'e apieseksek enenlhet'avok anak apkeliaskeiam Eniapom Neten, eliematkesama ta ketlhengkap ma'a eleltangkok meliamolhma, koka netamen ma'a elvetangvomok hata apkellanekamok qaselha altaqmelo ketlhengkap ma'a, eliavenkaskesama ta apvesai'a Eniapom Neten akvo'o ta aknem nemakha hengiekpelkemelha.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

Apocalipsis 2:5

Kolheianvakho no apvalhok sekhek anke lhta avanhek ankek lhta heiamelaiam, eniempangvakho ta mokhom lheiap ma'a, ¡eiaqmongkasekha ta mokhom mo'ok apvalhok lheiap! Koka metno ta heng, anianta ta ham annaktengvatak hata alhva nema apommatkeskamakha nak.

Apocalipsis 3:9

Koka apkakhangkek ma'a moklhem'a apketlhenammakpo apankavek apkellelto judios, koka have m'a, apkellelto koka niekhe ankesekhelha Satanas ma'a. Alelteklhekkeskakhak hata ehenkek ko'o aptapno'ok napaqtek lheiap ma'a ngkanek askamelaiam na lheiap, lhamakho enenlhet hata nhan elvetak ma'a.