Filipenses 2:14 - Nuevo Testamento Toba Maskoy

¹⁴ Ellanamok hata lhamakho qaselha metka apkelmalenioikama, metka nhan apkellatemommap po'ok

Filipenses 2:14 ပူးပေါင်းရင်းမြစ်များ

Marcos 14:5

Ntase niekhe nkoteniak ngkeskama akianmoma patakkom tep 300 denarios kakpota nkollangkok metka nak apkelletsekama —lhna aptaiangkok ma'a. Apkeliennai'avek nak na apkellanei'o ngkelvana enenlhet'avok ma'a,

Marcos 9:14

Neksa apkelhiaiam nak Jesús ma'a akieto apkakhangkelha apkeltamesaikamok, apvetangvekho lhnak apkellatemommakpo escribas, apkelvakhei'avek nak na enenlhet'avok ma'a.

Lucas 5:30

Apkakhaiangkek nak ma'a moklhem'a fariseos kakpota nhan escribas, apkeliaskamo lhnak apatno'ok apkakhangkelha Jesús apkeltamesaikamok ma'a, lhnak aptaiangkok apkellanemo: —¡Selha ntak aptavokho nak lhemek ketlhengkap apkenmaikamok anak patakkom impuesto ankok kakpota nhan enenlhet apkellanekamok anak ngkollatsekama, he! —lhnak aptaiangkok ma'a.

Hechos 15:2

Koka nkoihek nak apkellatemommap Pablo kakpota nhan Bernabe m'a, man nak nkolleklemok apvalho'ok aktemakha nak apketlhekmosekamok ma'a. Ka apkelvetai'o lhnak apkelemhama apmaniaie iglesia m'a, apkellapaskamo lhnak Pablo, Bernabe kakpota nhan aplhamakha apketlhelhma'ak akieto Jerusalen kakpota elpaqmetkasakpok nema allapaskamo kakpota nhan metno apketko'ok ma'a aktemakha apketlheianma apkeliaqtemenaikamok nekha tkok apkellammelhakha m'a. Ka apkeliekai'o lhnak iokhalhma Fenicia kakpota nhan Samaria, apkeleltennaseiangko lhnak ma'a nak hanet iokhalhma nak neksa apkeliekai'a ania'a aktemakha apkelvatesaikamok qaselha ngkolatsekama apkellanekamok metnangko judios kakpota meliaskamek na Eniapom Neten. Nkelpaihekhek nak apvalho'ok apkelialheng'a apkellengai'o ania'a m'a.

Hechos 15:39

Avanhek na ntemak apkellatemommap Pablo kanhan Bernabe, ka apkelhpanmo lhnak ma'a. Bernabe lhnoka apiantemekhak Juan Marcos ma'a, apkelkanantemo loma nemmen apkenmeiekho iokhalhma Chipre.

Hechos 15:7

Avanhek na ntemak apkellatemommap ma'a, ka apkenmekho lhnak neten Pedro, lhnak aptemak: —Elialheng'a, apkeliavek ketlhengkap Eniapom Neten apto heliekieskama lhennenga kakpota altennama ania'a aktaqmanma apieseksek metnangko nak judios kakpota meliaskamek ma'a.

Hechos 6:1

Aplhameiangkek nak apkellelto nema altamesaikamok ma'a, ka ampai'akha lhnak apkeliaskama apatno'ok griegos apkellelto hebreos, apketlheianmo griegos lhentampak'a apanko'ok ketsek atlhevaikamo mota alpasmoma aktekamok lhamakho knem ma'a.

Romanos 12:18

Apkellapvankelha la'a, eteniamok hata apiempeiok ellanangkok metka akmaska napaqtavek aplhamakho enenlhet'avok.

Romanos 14:1

Enmamok hata takha engelialheng'a mankoliennaktema nak meliaskeiam mokhom, mellatemmongap apanko ie' aklhamakho aktemakha aptangkolha la'a.

Romanos 16:17

Ketlhengkap elialheng'a, ellaho ta mota enenlhet'avok anak apkenmahai'a la elhpankesek, apkenmahai'o nak na eliepkonek ham, apkenmahai'a nhan ellammelhek nema atlhekmoskama lhta apketlhevai'a ketlhengkap. ¡Melpalhkama nkoie'!

1 Corintios 10:10

Meleltamo nkek na metka nkek Eniapom Neten, ka aptaiangko lhnak nanek nelieihengka'a, lhnak nanek nkeniemai'ak nkonnapok netsepma ngken.

2 Corintios 12:20

Askak'ak ko'o m'a etnangkok asvaktamo ta ham ello'ok hellanhoho, ko'o telha nhan heliasangko lhma ketlhengkap asvaktamo ta ham. Askak'ak na ko alvetangvetak apkellatemommap, kno nak apkeliasepkeskama, apkelloma, atlhenammalhko nke apvalho'ok apanko'ok apankavek. Apkelentepkasekama apvesai'a po'ok aptaikamok apkenmopvanka ania'a, etlhenama apvesai'a po'ok aptakha la'a, elakpoho, lhamakho qaselha ngkolatsekama aptaiangkolha.

Galatas 5:15

Koka aptaklho la po'ok, aptavo la nhan, ¡eniaho! Apnaqtevasekpe pankavek ketlhengkap ma'a.

Galatas 5:26

Metnamo nkek apkellammakpoho, mongelvankesalhkek nahan emmo'ok kakpota angellammelhalhka, metka nhan neniasepkeskama qaselha apanko'ok emmo'ok la'a.

Filipenses 2:3

Metnamo nkek apkelammakpo, mellanamo nkek na qaselha apkelaskesammap ame', eltamok koka nalhep'avek apvalho'ok, eltemeskes hata nhan neten apankavek po'ok la'a have aptangko nak ketlhengkap.

1 Tesalonicenses 5:13

Ellaho mota malha apkelpetma la'a, ellasekho ta nhan ngkanek apkelpasme mota ketlhengkap ma'a, elloka ta nhan metka akmaska apieseksek anak ketlhengkap ham.

1 Tesalonicenses 5:15

Mellanko nkek eliaqmongkaskesekhak po'ok apkellaneskeskama la ngkolatsekama, ntasek koka mota eteniangkok ellanangkok qaselha altaqmelo apieseksek anak ketlhengkap kakpota nhan apieseksek po'ok anak enenlhet.

Hebreos 12:14

Ellasekhakpo mota aplhamakho, ellanamok hata nha mota qaselha altaqmelo ngkanek vanlha apkellelto la apkeliamolhma apankave nak apvanka'ak hata m'a elvetangvomok Apveske.

Santiago 1:20

ngkanek enenlhet aplavo la mota koka akto have qaselha akpeivomo napaqtek Eniapom Neten ma'a.

Santiago 3:14

Koka akloma la apvalhok aniem'o apiasepkeskama, kanhan apkenmeiavkesammakpo pankek qaselhaha, akhemo ngkotnek ma'a anmalhko apvalhok ngkanek have aknema apiamo m'a, apmopvana ania'a nhan ma'a.

Santiago 5:9

Ketlhengkap elialheng'a, melentepkasama nkek apkelvesai'a po'ok la'a ngkanek ketse nkaimelhkak apvektanlha ta hengiekpelkemo niapom, hata eliekpelkok apkeltemakha ketlhengkap ma'a.

1 Pedro 3:11

Eieniekhak na qaselha ngkolatsekama, elanak na qaselha altaqmelo, etenia mota nhan metka akmaska.

1 Pedro 4:9

Eniaqhes hata nhan akiakvatakho apkakhaiangkolha apieseksek anak ketlhengkap amaika apankok la'a metka nhan aptepkesaikama apvesai'a m'a.

Judas 1:16

Ka enenlhet'avok anak apkellelto m'a apkeliematkesaikama po'ok, apkeltaqnevaikama, kanhan aptengiaikamo mota qaselha aleklemelha la apvalho'ok. Apkellammakpo pankavek, altakmanma niekhe apkelpaqmeiasma ellanhok po'ok napaqtek la'a, koka akhemo malha apkenmopvanka ania'a, vanlha koka mota nhan apteniaikamok qaselha apanko'ok apankavek.