Filipenses 2:12 - Nuevo Testamento Toba Maskoy

¹² Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

Filipenses 2:12 ပူးပေါင်းရင်းမြစ်များ

Hechos 16:29

Ka apkeltemo lhna lhta ngkolhek aksantengkaso talha nav'a atsaskeskama la lhma m'a, apkakhetaiangka lhna lhta nhan aptalhnema konne pa'at. Apvet'o Pablo kakpota nhan Silas, apkeltanentamo lhna lhta aptapno'ok napaqtave ma'a, apkelpelhiennongkek na lhta m'a aniem'o apkai'a m'a.

Hechos 9:6

etnemekha neten, etalhnengvom hata ha'e apnakha natemma, hata ngkolhek altennaso ania'a lheiap ma'a —lhna aptemak ma'a.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

1 Corintios 2:3

Asketlhekmoske lhta napaqtavek ketlhengkap nalhepek evalhok kanhan ai'o enneniek anvapsongkesek asmakmekama.

1 Corintios 4:14

Moltok ko'o enmangkak ketlhengkap asnaktalheskaso nak, vanlha askeltavek aleltennasangkok malha akto nak eietkak ehenko ie askellamelaiam anak.

2 Corintios 7:15

Nketlheianvakhek na apvalhok Tito akieplomo apkellamelaiam ketlhengkap neksa aptaikama lhta amaika'a ham, avanhek na lhta nhan apkellai'o m'a, apkelleliehekho lhna lhta nhan.

Efesios 6:5

Ketlhengkap nema allasennaikama nema apkelianmoma, eleliehekho ta mota apveske apanko'ok nalhepop anak, ellaho ta nhan. Enmakmesama ta nhan anmahai'o nkek apvalho'ok, malha aktonak ma'a apkellasennangka la Cristo.

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Filipenses 1:29

Eniapom Neten apkellaikamok ketlhengkap qaselha aktaqmanma nkek akvesai'a meliaskeiam Cristo, apkellaikamok na apkellengaiangko akientalhnema aniem'o apkelleliehekho Cristo.

Filipenses 1:5

ka ngkanek ampai'akhasekha lhta apkellengai'o sekhek ania'a aktaqmanma akvakmo nenvanlha nak, helpasmongke lhta mota asmakmekama nak.

Filipenses 1:6

Ampai'osekha lhta apkelanai'a Eniapom Neten qaselha altaqmanma apieseksek anak ketlhengkap, have niapak ankek ngkovomok hata aknem apeneskama m'a akvakmo apvaktamo ta Jesucristo hengke'e.

Filipenses 2:19

Apkelto la apveske Jesús angvapaksek hata Timoteo ham aptengiaikama la ania'a apieseksek anak ketlhengkap kakpota nkopaiesekhak evalhok ko'o.

Filipenses 4:1

Ka m'a astakha lhkek askellano, ntasek etlhengkesek akiennaktema nkek apkelleliehekho Apveske ketlhengkap elialheng'a askellasekhai'o, heliepvaiakmek nahan, apkelpaiesekha mota evalhok, malha akianmoma la alhevai'a asnaksepma askelhanma epatek ketlhengkap.

Filipenses 4:15

Askempai'akha lhta sekhek ankek alhengama akieto m'a Macedonia kakpota apaiaksek ania'a aktaqmanma, vanlha lhta mota ketlhengkap ko Filipos hellapaskeskama hepasmoma la'a, mamma lhta mo'ok la iglesia hellapaskeskama m'a.

1 Tesalonicenses 1:3

Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.

2 Timoteo 2:10

Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.

Hebreos 12:1

Ka aplhamakma lhnak nanek enenlhet'avok alheno lhkek malha hengellanekama aptaiangkok ennengko'o m'a neksa nellaniemhaikama hengke'e. Ka ngkanek ntasek annengkenekha malha nelpatmekama akientalhnema la'a, ngkollatsekama nak nahan hengeliaseiangko mota lhma, kakpota anganiemhama metka akpekhai'a. Malha aktonak ma'a apkelpaivasemmap anak enenlhet apkeniema metka akpekhai'a ngkanek aholhek amai.

Hebreos 4:1

Nheklhek mokhom aklhengama Eniapom Neten apeneskamo lhnak nanek apaivoma angelentelhek hata akieto iokhalhma m'a neniamposammalhkelha. ¡Koka ellaho ta m'a eltemengvakho lhma ngkanek melentelhek hatelha ketlhengkap m'a!

Hebreos 4:11

Hai, ntasek koka mota anteniangkok eniempeiok kakpota angelentalhnengvomok ma'a neniamposammalhkelha, montangkek ma'a aptaiangkolha lhnak nanek enenlhet'avok apkeliaskeiakmek nak nanek ma'a.

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

1 Pedro 2:11

Ketlhengkap elialheng'a askellamelaiam, have apkellavakha hengke'e lhmankek ham, malha akiakvatakho la apsavhekho apkellangiemhaikama ka ngkanek angvapiosalhkok allanhok askeltemo enmankok aliaspongkomakha nak apvalho'ok, nnaqtevaskaskek songkek apvalho'ok ma'a.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.