Filipenses 1:5 - Nuevo Testamento Toba Maskoy

⁵ ka ngkanek ampai'akhasekha lhta apkellengai'o sekhek ania'a aktaqmanma akvakmo nenvanlha nak, helpasmongke lhta mota asmakmekama nak.

Filipenses 1:5 ပူးပေါင်းရင်းမြစ်များ

Hechos 2:42

Vanlha lhna mota apkellasekhai'o aktemakha apketlhekmosekamok nema allapaskamo, apkeltaiangkolha lhna lhta mota nhan apketlhelhma'ak, kakpota nhan aptaveikokho lhemek, kanhan apkelpasmekho apkelelmalhnongkoma m'a.

Romanos 11:17

Apkellelto nak judios malha aktengok anak iamet akvesai'a olivo, moklhem'a koka nnemak aliaqtemanmo m'a, ka akno lhta aliepetkeskaiakmo ketlhengkap ma'a metnangko nak judios, malha aktengok apkelleniem'o m'a mo'ok iamet olivo amhama nalhma. Kolhva koka nietnek aliennaktema m'a aniem'o alpetsesma iemmen aikapmen'ok kakpota nhan aieivo'ok ma'a iamet anak.

Romanos 12:13

Etnamo ta mota apkenmahai'o elpasmok apkelpokkenammap metka nak apkelletsekama, enmamok hata mota takha amaika'a apankok la'a.

Romanos 15:26

Apkellankesek alhta anmahai'a nkek apvalho'ok elialheng'a metnangko nak judios apkakhangko m'a iokhalhma Macedonia kakpota nhan Acaya, kakpota ellapaskesek ma'a elialheng'a judios metka apkelletsekama akieto m'a Jerusalen apieseksek apkelpokkenammap ma'a.

1 Corintios 1:9

Eniapom Neten apto apkeliekieskama ketlhengkap kakpota etnangkok apkelpasmekha apketka Jesucristo apveske engankok, apieplavkaske mota nhan aktakha la apaivoma aplheianma m'a.

2 Corintios 8:1

Engelialheng'a, nenmak'ak angelleltennasama ania'a qaselha aktaqmelo lhta apkelanai'a Eniapom Neten apieseksek iglesias akieto iokhalhma Macedonia.

Efesios 3:6

Lhennenga akpeneskama aklhenaikama apvalhok elanak ma'a, eniankesekhak metnangko nak judios kanhan judios nkotnekhak malha lhema apkeliokha m'a aniem'o aptaikamok apkelpasmekha Cristo Jesús aniem'o nhan apkellengai'a ania'a aktaqmanma. Etlhevangkok hata nhan ma'a metnangko nak judios lhamakho aktemakha qaselha altaqmanma apeneskamo lhta apaivoma Eniapom Neten ellangkok hata m'a qaselha apkennemolhema apanke ko Israel.

Filipenses 1:12

Ketlhengkap elialheng'a, smak'ak aleltennaksek kolhvave nak ma lhta ngkolatsekama nkek ko'o askaniemhaikama, nkaqhok koka ngkolatsekama nak malha heihengekamok ntemak ma'a aspaieskamo ania'a aktaqmanma.

Filipenses 1:16

aniem'o akietnema apkellasekhai'o. Apkeliavek na apto Eniapom Neten heiaikamok asmakmekama nak kakpota angvasennalhko anio'ok ania'a aktaqmanma.

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Filipenses 1:7

Nietavek atnek aklheianma evalhok ketlhengkap akieplomo akpaihekha evalhok ngkanek helpasmoma mota neska asmakmekama aniem'o Eniapom Neten aktaqmanma nkek helanei'o. Hai, niekhe asnema konne nengaqlhengkasemmalhkelha kanhan napaqtavek apkelveskai'e kakpota angvasennalhko ehenke aniem'o askanemmalhka moiekaksek aspaieskama ania'a aktaqmanma, helpasmongke mota nhan ketlhengkap ma'a.

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

Filipenses 2:22

Apkellengai'a ketlhengkap aktaqmanma aptemakha Timoteo, avanhek asmakmekama lheme' aplheianma ania'a aktaqmanma, hepasmek nahan malha apto nak eietka la'a.

Filipenses 4:3

Lheiap apto alhelhma heiasekhai'o aptema nengaqte mota asmakmekama, askapiosema askelan'o lheiap askeltemo elpasmok ham ngkelvana'ak anak ngkanek helpasmongke lhta mota aspaieskamo ania'a aktaqmanma. Clemente lhta nhan netlhelhma'ak ma'a kanhan aplhamakha alhta, nnaiangkek koka apkelvesai'a m'a lhema vakkahak akiennaktema enneniek nkotnengvaianlha nnelha.

Filemon 1:17

Ka heiamelakmo la lheiap aniem'o stema eialheng mongiaskeiam anak, ntasek na emok takha hengke'e malha asto nak ko'o.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

1 Juan 1:3

Hai, netlheianme mota aktemakha lhta nenvetai'a, nellengai'a nhan, kakpota ketlhengkap hengelpasmekhak ennengko'o m'a, ka ktemo nak ennengko'o hengelpasmekho Eniapom kanhan Apketka Jesucristo.

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.