Filipenses 1:27 - Nuevo Testamento Toba Maskoy

²⁷ Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Filipenses 1:27 ပူးပေါင်းရင်းမြစ်များ

Hechos 2:46

Lhamakho knem nak apkaqnekha mota akieto Eniapom Neten apnemakha m'a, kakpota nhan apkelpasmekho m'a apkakhaiangkelha nentoma aktaqmanma. Aptaveikokho nhan nentoma nkek akieplomo alpaihekha apvalho'ok ma'a kakpota nhan allakhaiangka apvalho'ok.

Hechos 24:24

Netamen na lhta m'a aliekai'o moklhem'a aknem, anmahai'o lhna lhta nkotnangko amaika'a Pablo Felix kakpota nhan aptava akvesai'a Drusila, judia lhna lhta m'a, alvekho lhna lhta m'a, allaveiangka Pablo kakpota eleltennasama ania'a aktemakha mei'askeiam Jesucristo.

Hechos 4:32

Apkelpasmekhek nak lhamakho qaselha apanko'ok apkellelto meliaskeiam, mamma lhnak na atlheianma la apvalho'ok qaselha apanko'ok apankavek la'a, aknemo mo'ok nak na apvalho'ok ma'a.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

Romanos 1:9

Eniapom Neten apto apveske ehenkok, askasennaikama mota asteniai'o nak eiempehek aspaieskamo nak ania'a aplhenammap Apketka, apiavek na m'a atlheianmo mota evalhok ketlhengkap ham.

Romanos 10:8

Ka ntemak na aktalhesammalhka vakkahak Eniapom Neten apaivoma hengke'e: «Nengaqtek lheiap nnak Eniapom Neten apaivoma, akieto apatong kanhan apvalhok» Hai', ka ania'a nak hentemeskeskama mongiaskeiam neleltennaseiangka nak ennengko'o.

Romanos 15:16

kakpota atnek heiasennaikama Cristo Jesús. Apaiaksek na ania'a aktaqmanma apieseksek ma'a metnangko nak judios kakpota nhan eltangkok apkelpokkanma Eniapom Neten, malha qaselha nengaikamok anak apiaspongkomakha la Eniapom Neten, aniem'o Espíritu Santo.

Romanos 15:29

Angelpasmekhak hata lhemek lhamakho qaselha aktaqmanma hengellaikamok alhta Cristo, have niapak ankek ma'a.

1 Corintios 1:10

Ketlhengkap elialheng'a, askelelmalhneskaskek akieplomo apvesai'a apveske engankok Jesucristo ntasek etnangko mota aknemo mo'ok apvalho'ok apieseksek anak ketlhengkap ham. Metka nhan apkelhpaknaikama, vanlha etnangkok apkelpasmekha ham. Etnamok hata aknemo mo'ok apvalho'ok atlhenaikama kanhan aknemo mo'ok apvalho'ok apkenmak'akha la etnangkok.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

2 Corintios 9:13

Hata apkelvet'o ta m'a apkelpasmoma ketlhengkap ma'a, nkotlhenek hata nhan apvalho'ok ma'a ketlhengkap apkellelto apkelleliehekho ania'a aktaqmanma aniem'o Cristo apkellanemakha etnangkok. Netamen hata m'a eltakneskasangkok, ellahok nahan Eniapom Neten apvesai'a aniem'o metka apkenmeiavkesammakpo mota qaselha apanko'ok ketlhengkap apkellaikamok aplhamakho engelialheng'a m'a.

Galatas 1:7

Vanlha koka niekhe lhema ania'a aktaqmanma akto haveniapak anke, koka moklhem'a enenlhet apkeleltavek eliasangkolhma ketlhengkap, eliaqmongkaskesekhak na mo'ok aktemakha ania'a, have ania'a aniem'o m'a Cristo.

Efesios 1:13

Ketlhengkap na apkellailhemave lhta ania'a aktaqmanma akto have niapak ankek aktemakha hengvongkeskama tep, meliaskeiakmo lhta nhan ma'a aniem'o Cristo. Aptemo nhan Eniapom Neten malha apnaqtalheskama lhta nhan qaselha mongenatkeskama apvalho'ok apvesai'a Espíritu Santo kakpota etnangkok malha apanko'ok ma'a, aplheianmo lhnak nanek na Eniapom Neten have niapak ankek ellangkok hata m'a.

Efesios 1:15

Askeliavek ko'o ketlhengkap meliaskeiam apveske engankok Jesús, apkellasekhai'o nhan aplhamakho apkellelto apkelpokkenammap,

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Filipenses 1:5

ka ngkanek ampai'akhasekha lhta apkellengai'o sekhek ania'a aktaqmanma akvakmo nenvanlha nak, helpasmongke lhta mota asmakmekama nak.

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

Filipenses 2:24

Asiave ko'o have niapak Apveske hepasmok hata kakpota aniantak kolhvavek ankek ham astaikama la amaika'a.

Filipenses 3:18

Asmak'ak altakhengveskakha mota astakha lhta askeleltennaskama, askeleklhangvekama neten kolhvave nak aniem'o mantek enenlhet apkellamelhaikama ania'a aktaqmanma aktemakha apketsepma lhta Cristo neten iamet aktenneskama.

Filipenses 3:20

Ennengko'o koka nellavakha neten, avanhek ankek hata ngkotnek nelel·halhanma neltemo elhiemok apto hengelvongkeskama ta tep, apto nhan apveske engankok Jesucristo.

Filipenses 4:1

Ka m'a astakha lhkek askellano, ntasek etlhengkesek akiennaktema nkek apkelleliehekho Apveske ketlhengkap elialheng'a askellasekhai'o, heliepvaiakmek nahan, apkelpaiesekha mota evalhok, malha akianmoma la alhevai'a asnaksepma askelhanma epatek ketlhengkap.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Colosenses 1:4

ngkanek nelleng'a mota ania'a aknaikamok akiavai'a lhnak meliaskeiam ketlhengkap Cristo Jesús, avanhek nak na apkellasekhai'o apkellelto apkelpokkenammap ma'a.

1 Tesalonicenses 3:6

Apvaktame lhta Timoteo hengke'e apkeniaktamo ham Tesalonica, apsantanie lhta ania'a aktaqmanma, avanhek na lhta akietnema meliaskeiam ketlhengkap, nengasekhai'o, avanhek nak na apkenmahai'a hengelvetekhak ketlhengkap ennengko'o, ennengko'o nhan ntak ma'a avanhek nemmahai'a angelvetekhak ketlhengkap.

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

1 Timoteo 1:11

aktaqmanma nke nak ania'a apkeltemo nak na Eniapom Neten apaiaksek ko'o, apto nhan akietemo aniavenkaskesama mota apvesai'a m'a.

1 Timoteo 1:19

Melvateskama nkek mei'askeiam, etaqmelkes hata nhan akietnaikama apaqtek alhnai'o nhan, melvanamo nkek aptaiangkolha nak ma'a enenlhet'avok meltaqmelkeskama nak alietnaikama apaqto'ok, netamen maskengvakmek na meliaskeiam ma'a.

2 Timoteo 4:7

ngkanek heiasennaikama aktaqmanma nkek ma'a, astemengke mota nhan malha kto nak soldado apmopvana la ennapakpok, malha nhan astemak ma'a apkelpaivasemmap la'a apvaiam anak akiensasemmalhka nak, molvateskakmok na moi'askeiam.

Tito 2:10

Eleltennasamok hata nhan menmenielhe, etnangkok na nengaqtave mota apkelveskai'e apanko'ok kakpota elvetak aktaqmanma nema atlhekmoskama apketlhevai'a aniem'o Eniapom Neten apto nhan hengelvonkeskama tep ma'a.

Filemon 1:5

ngkanek asleng'a lhta apvesai'a lheiap avanhek na lhta apkasekhai'o, mei'askeiam nahan apveske engankok Jesús, kanhan apkellasekhai'o lhna lhta nhan apkellelto nak apkelpokkenammap

Santiago 3:18

Ka apkellelto la aptengiaikamo mota aktaqmelaikama envalhok, malha nhan ma'a enenlhet apkanma la mota aktek akvesai'a koka aktaqmelaikama envalhok, netamen ma'a enaklhek hata malha akielhna akvesai'a koka nhan akpeivomo.

2 Pedro 3:11

Hai', lhamakho qaselha ta nkonaqtevasalhkak ma'a, ka ngkanek na ketlhengkap ntasek eltaqmelkasakpo mota, eleliehekhok na Eniapom Neten.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

Judas 1:3

Ketlhengkap elialheng'a askellamelaiam, avanhe skeltema anaktalheskesek aktemakha m'a nengelvongkasemmalhka nak tep. Kolhva koka asmak'ak allasnama askeleltemo eliavenkasok apkeltakmelkeskama meliaskeiam anak nema allaikamok alhta aplhamakho apkellelto nak apkelpokkenammap.