Filipenses 1:23 - Nuevo Testamento Toba Maskoy

²³ Nientelhek ankek angeliekiaksek ma'a, askeltave niekhe angvetsepok kakpota amhangkok ma'a alhnemok napokha Cristo, koka m'a neten ankek aktaqmanma.

Filipenses 1:23 ပူးပေါင်းရင်းမြစ်များ

Lucas 12:50

Malha ta ngkotnek na knema helavkeskekha aiseksek akientalhnakha neksa askaniemhaikama, avanhek aslengaiangko kolhvave nak akvakmo ta m'a aktakha nnelha.

Lucas 23:43

Ka apkatemmoiangka lhnak Jesús ma'a, lhna aptemak —Hai', haveniapak anke aloka ta lhemek lheiap akieto iokhalhma aktaqmanma aknem anak —lhna aptemak. Jesús.

Lucas 8:38

Koka enenlhet apto lhnak apkelentepkeskeskama kasekapok av'alho'ok Jesús, apkapiosekama lhnak apkeltemo eieplakhak ma'a, koka lhnak aptemak Jesús apkanemo:

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 17:24

Eniapom, lheiap alhta hellaikamok kakpota altakmelkesek helieplekama nak, askeltavek na eniakhengvomok asnakhelha ta ko'o kakpota elvetak asmopvana heiaiangko lhta tep nak nanek lheiap, metkelha qaselha lhma nkek ham, heiaiangkek nak nanek lheiap ma'a aniem'o heiamelaiam.

Hechos 7:59

Neksa apkeliaqnemmap nak, lhna aptemak apkenmalhnongkomo Esteban ma'a: —Apveske Jesús, ema ta takha ehengok —lhnak aptemak.

2 Corintios 5:8

mongeliaskeiakmok ennengko'o m'a. Ka nkanek nenmak'a niekhe angelieniekhak neliokha nak kakpota angenmangkok ma'a angaqhengvomhok lheme Apveske m'a.

2 Corintios 6:12

Montangkok malha nellapekha la engvalho'ok napaqtavek ketlhengkap. Ketlhengkap koka apkellapakhak apvalho'ok nengaqtavek ennengko'o.

Filipenses 1:24

Koka ntasek na atnek ehalhnankok mokhom hengke'e kakpota alhenkesek askelpasmoma ketlhengkap.

1 Tesalonicenses 2:1

Elialheng'a, apkellengai'ak na lhta ketlhengkap ania'a neltaqnommalhko kakpota nhan nemo hennaqtevaskamo m'a natemma Filipos, koka hengellaiangke lhta Eniapom Neten nenmakmosak'a kakpota angelpaiaksek ania'a aktaqmanma apieseksek anak ketlhengkap ham, niekhe lhta nhan apentalhnema hengellammelhma ham, nkaqhok koka nellaneiangkek aktaqmanma nenmakmekama, apkelvetai'a lhta ketlhengkap ham. Have akhemo ennengko'o nenmeioiakmo lhta ham.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

1 Tesalonicenses 4:17

netamen ennengko'o nentangko nak enhalhnankok mokhom ngkolhek hata henlaqlakho lhemek apkellelto lhta apkeletsepma aiseksek iephopai'a kakpota angelvetangvakhak Apveske m'a neten, hata angelloka mota lhemek metka nnelha m'a.

2 Timoteo 4:6

Ko'o koka ketsek nkaimelhkak asketsepmakha, atnek hata kto nak malha nentoskama nak apmatnama nengaikamok la Eniapom Neten,

Apocalipsis 14:13

Netamen ma'a asleng'o lhta mokhom nema aliatekama neten, lhta ntak heiano: —Etalhes hata ham, aktakmelakho nke ta nkotnek apkellelto apkeletsepma nenvanlha nak ma'a kanhan emanie ta apkelpasmekha nak ma'a Apveske engankok. —Hai, ka aptemak na Espíritu m'a eliamposakpok hata m'a aniem'o apkenmakmekama ngkanek metka apkelvatesaikamo apkellanekamok qaselha altaqmelo neksa apkellangiemhaikama m'a nalhepop —lhta ntak ma'a.