Filipenses 1:17 - Nuevo Testamento Toba Maskoy

¹⁷ Koka napokha apkelpaieskek ania'a aktaqmanma aniem'o apkenmahai'a etnangkok neten apankavek napaqtavek enenlhet, have iokhalhmoie', vanlha koka apkenmahai'a henaqtevaksek ko'o neksa asnema hengke'e nengaqlhengkasemmalhkelha nak.

Filipenses 1:17 ပူးပေါင်းရင်းမြစ်များ

Lucas 21:14

Moltama nkek apvalho'ok elteniangkok amanie nkek apkellasennekha la'a.

Hechos 22:1

—Ellailhonoho elialheng'a kakpota nhan eniapma'ak asmak'ak angvasennalhko ehenkek alhenek napaqtavek ketlhengkap —lhta aptak Pablo.

Hechos 26:1

Lhna aptemak apiav'akha apveske Agripa apkanemo Pablo: —Eniasennap apanke lheiap, eliata noho —lhna aptemak. Ka apiasekho lhnak neten apmek Pablo m'a apkeltema elvanmak sekhek enenlhet'avok ma'a, lhna aptemak:

Hechos 26:24

Koka lhna aptemak Festo apiennakteskamo apaivoma m'a, lhna aptemak: —Pablo, malha anema lheiap aniem'o lhamakho apiangveiakmo —lhna aptemak.

Romanos 2:8

Koka eienientak hata apiaqmongkasekha aploma takhaplhet'ok apkellelto apkenmeiavkesammakpo pankek qaselhaha, apkellammelhma nhan akto akpeivomo, koka apkellasekhavek ma'a mankopeivomo nak.

Filipenses 1:18

Koka nkaqhoho, niekhe have iokhalhme, nlho ka la iokhalhme, mpaihakhek evalhok ko'o ngkanek nnek akpaieso ania'a aplhenammap Cristo. Koka nkopaihekhak hata mokhom evalhok ma'a

Filipenses 1:7

Nietavek atnek aklheianma evalhok ketlhengkap akieplomo akpaihekha evalhok ngkanek helpasmoma mota neska asmakmekama aniem'o Eniapom Neten aktaqmanma nkek helanei'o. Hai, niekhe asnema konne nengaqlhengkasemmalhkelha kanhan napaqtavek apkelveskai'e kakpota angvasennalhko ehenke aniem'o askanemmalhka moiekaksek aspaieskama ania'a aktaqmanma, helpasmongke mota nhan ketlhengkap ma'a.

Filipenses 2:3

Metnamo nkek apkelammakpo, mellanamo nkek na qaselha apkelaskesammap ame', eltamok koka nalhep'avek apvalho'ok, eltemeskes hata nhan neten apankavek po'ok la'a have aptangko nak ketlhengkap.

1 Timoteo 2:7

Ko'o lhta nhan nemo hetneskeskamo askeltennaikama ania'a kanhan nema heiapaskamo kakpota atlhekmoksek aktemakha mongiaskeiam akto have niapak ankek apieseksek anak metnangko nak judios. Have niapak ankek astakha nak alheianma, have asmopvana ania'a.

2 Timoteo 2:9

asvet'ak nahan akientalhnema akvakmo nhan akno henakteto cadenas akieto nengaqlhengkasemmalhkelha malha aktonak enenlhet la meihamolhma, koka Eniapom Neten apaivoma nak mankaqlhengkasemmalhkak ma'a.

2 Timoteo 4:16

Amanie lhta nema heiantemekha napaqtavek apkelientalhnema mamma lhta enenlhet hepasmoma la m'a kakpota hengio'ok, vanlha lhtoka ko'o askasennalhko ehenkek ma'a, helieniakhe lhta aplhamakho asketlhelhma'ak ma'a, koka askeltavek ko'o meiaqmonkasekhek Eniapom Neten apkeltemakha m'a.