Filipenses 1:10 - Nuevo Testamento Toba Maskoy

¹⁰ akietemo nke nak nentemakha. Netamen ma'a elloka ta metka apkellanekamok qaselha ngkolatsekama, mangkolhek hata nhan apketselhnanemmap napaqtek Cristo apvaktamo ta mokhom.

Filipenses 1:10 ပူးပေါင်းရင်းမြစ်များ

Juan 1:47

Ka apketlhengamo lhnak ma'a, apvetai'o lhnak Jesús aplheiakmo Natanael, lhnak aptemak Jesús: —Ka enenlhet aplhekmo nak ha'e apto Israelita apanke, mamma aptaikama nhan apmopvana ania'a —lhna aptemak Jesús.

Juan 3:20

Lhamakho apkellelto nak apkellanekamok ngkollatsekama, apkeltaknevakkek apommatma nak. Melteteska'ak na atsai'o lhma kakpota melvetakpek neksa apkellanekamok qaselha ngkollatsekama m'a.

Hechos 24:16

Vanlha ko mota askelienlhaneiakmo alanak qaselha altaqmelo napaqtek Eniapom Neten, napaqtavek na enenlhet'avok kakpota mangkoitek malha henavesaikama evalhok alketamekama helhenkeskekha askelanai'a la ngkolatsekama.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

Romanos 12:9

Ellasekhakpo metka apkeliennengkeskama po'ok, eltakneva' qaselha ngkolatsekama, elelieplavkes koka mota ellanangkok qaselha altaqmelo.

Romanos 16:17

Ketlhengkap elialheng'a, ellaho ta mota enenlhet'avok anak apkenmahai'a la elhpankesek, apkenmahai'o nak na eliepkonek ham, apkenmahai'a nhan ellammelhek nema atlhekmoskama lhta apketlhevai'a ketlhengkap. ¡Melpalhkama nkoie'!

Romanos 2:18

Apkeliave niekhe ketlhengkap etnangkok kakpota nkolekkasama apvalhok Eniapom Neten aniem'o ley apanko'ok alletlhekmoskama.

Romanos 7:16

Nketlheianvakhek ennengko'o engelvalho'ok ley akto aktaqmanma, nkeltavek angellanangkok akpeivomo, koka ennengko'o mongapvankek angelleliehekhok ma'a.

Romanos 7:22

Avanhe niekhe nellamelaiam ley apankok anak Eniapom Neten,

Romanos 8:7

Apkellelto nak apkelieplavkeskama aliaspongkomakha nak apvalho'ok, koka apkelvesai'a apkellammelhma Eniapom Neten, mankonmak'ak na eleliehekhok ley apankok ma'a, mankollapvanka'ak nahan, mankonmak'ak na ellekkaskesama apvalhok Eniapom Neten.

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

1 Corintios 10:32

Mellanamo nkek qaselha alietnokhaskeskama la apvalho'ok judios, metnangko nak judios, ka nhan apkellelto nak iglesia apankok Eniapom Neten.

1 Corintios 8:13

Ka astengkeso la enialheng aniem'o astoma apetek monganemmalhkelha nak anto'ok napaqtek ma'a, ntasek na motvek ma'a kakpota motengkesek enialheng.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

2 Corintios 6:3

Mongeltemongvaiakmo lhma ennengko'o neksa nelpaieskama ania'a aktaqmanma kakpota melieniekhek aptaikamok meliaskeiam enenlhet'avok netlhekmosekamok alhta.

2 Corintios 8:8

Have akiennaktema ehetong askelanei'o ketlhengkap, vanlha askeltavek aliatekhoho kakpota ellangkok patakkom po'ok, aptaiangkolha lhna lhta ma'a engelialheng'a ko Macedonia, metka apkenmeiavkesammakpo lhna lhta patakkom apanko'ok ellangkok ma'a, etnamok hata nhan ketlhengkap ma'a kakpota elvetakpok have niapak ankek apkellasekhai'o po'ok.

Galatas 5:11

Elialheng'a, nlho lhta askeleltennasengka la eliaqtemenek nekha tkok apkellammelhakha ketlhengkap, manghemenlhenama nlho lhta judios, melleve nlho lhta nhan hellanhoho alheno la ania'a aktemakha iamet aktenneskama.

Efesios 4:15

Ntasek koka antangko mota iokhalhmek netlheianma akieplomo nengellasekhammalhko kakpota nkovanamok akiokho nkoie akvakmo nennakho Cristo, apto malha apqatek.

Efesios 5:10

Ellanama ta sekhek aptangkolha la enenlhet, qaselha akleklemelha apvalhok Eniapom Neten kelhaha, nlho ka la mma'.

Efesios 5:27

Netamen hata nhan ma'a nkolhek hata akiantengkasakho napaqtek ma'a, alhnai'o nkek ma'a, apommatma nhan, metka ngkolatsekama, aktaqmanma nkoie, metka akpaiseiam.

Efesios 6:24

Askeltavek na Eniapom Neten eltaqmelkeskesek akiavai'a nkek apkellaniemhaikama apkellelto nak apkellasekhai'o metka nnelha Apveske engankok Jesucristo. Amen.

Filipenses 1:16

aniem'o akietnema apkellasekhai'o. Apkeliavek na apto Eniapom Neten heiaikamok asmakmekama nak kakpota angvasennalhko anio'ok ania'a aktaqmanma.

Filipenses 1:6

Ampai'osekha lhta apkelanai'a Eniapom Neten qaselha altaqmanma apieseksek anak ketlhengkap, have niapak ankek ngkovomok hata aknem apeneskama m'a akvakmo apvaktamo ta Jesucristo hengke'e.

Filipenses 2:16

melieniav ankek na ania'a aktaqmanma akto nak hengaikamok neniennaktema, netamen nkaqhama ta evalhok ko'o m'a apvaktamo ta Cristo ngkanek have aqhemo akientalhnema asmakmekama apieseksek ketlhengkap ham.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

1 Tesalonicenses 5:21

ntasek sekhek na ellanama netamen enmankok hata takha aktaqmelo la'a,

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

1 Juan 4:1

Ketlhengkap apkellelto nak askellamelaiam, menmamonkek takha aptakha la aplhenammakpo pankek la enenlhet apietnema Eniapom Neten Apvalhok ma'a. Koka eltaqmelkaso ta sekhek apkellailheiangko apketlhekmoskama apankok aptakha la m'a, kakpota nkotlhenek apvalho'ok apkeniemo m'a Eniapom Neten nlho ka la mma'. Ngkanek aplhaniek lhmankek ham apkeleltennasemmap ania'a apkenmopvanka ania'a.

Apocalipsis 2:2

"Asiave ko lhamakho aptemakha apkelanai'a lheiap, asiavek na akientalhnema apmakmekama metka apiamasangveiam, asiavek na menmamo takha enenlhet meliamolhma, apkeliepkonke lhta nhan lheiap apkeltemakha enenlhet apkeleltammakpo apankave lhta nema allapaskamo, koka have ma'a, apkenmopvanka ania'a lhta m'a.