Efesios 4:21 - Nuevo Testamento Toba Maskoy

²¹ have niapak ankek na apkellengai'o ania'a akto have niapak ankek aplhenammap Jesús, apkeliangveiakmek na apkelleliehekho m'a alietemo nkek na aptaiangkolha.

Efesios 4:21 ပူးပေါင်းရင်းမြစ်များ

Lucas 10:16

Netamen ma'a, lhna aptemak Jesús apkellanemo apkeltamesaikamok: —Koka apkellailho la enenlhet apketlhekmosekamok ketlhengkap, hellailhavek na ko lha m'a. Koka enenlhet apkeltaknevo la ketlhengkap, heltaknevakkek na ko lha, kakpota nhan apto lhta heiapaskama —lhna aptemak Jesús apkellanemo m'a.

Juan 10:27

Nepkesek ehenko'ok la'a apkeliekpelkavek aspaioma, helieplakhek nahan, askeliekpelkavek na ko lha m'a.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Romanos 10:14

Koka melvenama ta m'a apkellelto la apkeliaskeiam, mankovhek na aptaikamok la meliaskeiam melleng'o la m'a ania'a aktaqmanma aklhenammalhka apieseksek ma'a. Melleniek hata nhan ania'a aktaqmanma metko la enenlhet apkeleltennasekama apieseksek ma'a.

2 Corintios 1:20

Apieplavkaskek na Eniapom Neten aptemakha lhta apeneskamo apkeltennaskama apaivoma apkapaskamo m'a Cristo, ka ngkanek ennengko'o nentaiangko mota "amen" neksa neltaqneskasekamok la Eniapom Neten aniem'o nhan Jesucristo.

2 Corintios 11:10

Hai, nkalhkek ko evalhok ehenkok ehenkek ma'a, apkeliavek ketlhengkap have niapak ankek ma'a astakha nak, meltemo Cristo atnama asmopvana ania'a.

Efesios 1:13

Ketlhengkap na apkellailhemave lhta ania'a aktaqmanma akto have niapak ankek aktemakha hengvongkeskama tep, meliaskeiakmo lhta nhan ma'a aniem'o Cristo. Aptemo nhan Eniapom Neten malha apnaqtalheskama lhta nhan qaselha mongenatkeskama apvalho'ok apvesai'a Espíritu Santo kakpota etnangkok malha apanko'ok ma'a, aplheianmo lhnak nanek na Eniapom Neten have niapak ankek ellangkok hata m'a.

Efesios 2:17

Apvai'o lhta Cristo apaieskai'o ania'a aktaqmanma altaqmelkeskeskai'o nhan apvalho'ok aplhamakho enenlhet'avok, apkellelto lhta taiepe Eniapom Neten, kakpota nhan apkellelto nengaqtek Eniapom Neten.

Colosenses 1:5

Nnaiangkek nak na apkelvaskapma m'a aniem'o alel·halhnekama apvalho'ok etlhevangkok hata lhema qaselha nema alpokkenkeskama m'a neten, apkellengai'a lhta ketlhengkap aklhenammalhka ania'a nak

Colosenses 1:6

akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.

Colosenses 2:7

Etnamok hata apkeliennaktema aniem'o Cristo, malha aktonak pa'at aliennakteskama avhok anak, eliennaktes hata nhan meliaskeiam anak ka aktemakha lhta mota nema atlhekmoskama, etnamo ta nha mota gracias Eniapom Neten.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.