Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Colosenses 4:10 - Nuevo Testamento Toba Maskoy

10 Ka apkapasak na aklheianma apvalhok Aristarco, apkaqlhengkasemmakpo nhan hengke'e alhelhma. Kakpota nhan apkapaskek na aklheianma apvalhok hengke'e Marcos apto Bernabe apiaha' apketka, hata etnek na amaika'a ham, eltaqmelkaso ta apkenmaikamok takha apvaktamo ta ham, astakha lhta nhan askellano aspaioma askeleltemo etnangkok sekhek anke lhta.

အခန်းကိုကြည့်ပါ။ ကော်ပီ




Colosenses 4:10
17 ပူးပေါင်းရင်းမြစ်များ  

Netamen nak ma'a aklhenaikokho lhnak apvalho'ok qaselha aktemakha apvetai'a m'a neksa aplhengama amai, apmeiekho lhnak aknemakha María Juan angken, mo'ok apvesai'a Marcos, man na ntek enenlhet apkelelmalhneiangko m'a.


Koka apkelpeneskangkek nak apkelpaieskama ania'a Bernabe kakpota nhan Saulo akieto Jerusalen, apkeltaqhemo lhnak ma'a apkeliantemekho nhan Juan mo'ok nema altema Marcos.


Apnaiakmek nak Pablo kakpota nhan apketlhelhma'ak na temma Pafos, apkelkanantemo lhnak loma nemmen ma'a apkenmeiekho Perge akieto konne iokhalhma Panfilia, koka Juan aptaqhemavek nak neptamen akieto Jerusalen.


Ka apkelvaiakmo m'a nekha iemmen aknaktetemmalhkelha loma nemmen akieto Salamina, apketlheianveiakmo m'a ania'a aplhenammap Eniapom Neten akieto lhamakho apkaqnekhelha judios ma'a. Juan nak na apketlhelhma'ak ma'a apkelpasmoma mota.


Apiennengkeskangkek na lhma enenlhet'avok annatheskama m'a, ka apteniaiangko lhnak apiempeiok apkelketameiangko apkelpathetmo Gayo kakpota nhan Aristarco apkelleniem'o m'a Macedonia, Pablo lhnak apketlhelhma'ak ma'a, apkelienioseikokho av'alhok aknaivommalhkelha.


Apketlhelhma'ak nak Sopatro apketka Pirro apkeniem'o natemma Berea, Aristarco kakpota nhan Segundo apkelleniem'o Tesalonica. Gayo apkeniem'o Derbe, Timoteo, Tiquico ka nhan apialheng apvesai'a Trofimo apkelleniem'o koka m'a Asia.


Ka nelkananto lhta nhan loma nemmen ampo lhta m'a akieto Adramitio, akmeiekha akieto aknangkongvekhelha loma nemmen akieto Asia. Netlhelhma'ak alhta nhan ma'a apvesai'a Aristarco apkeniem'o lhta Tesalonica akieto konne iokhalhma Macedonia.


Apnengkek nak na lhema enenlhet apvesai'a José apkeniem'o Chipre, aptaven neptamen noka m'a Levi. Koka nema allapaskama m'a apkeliaqmongkaskesekho lhnak mo'ok apvesai'a, Bernabe lhnak apteskaseikokhak apvesai'a m'a, nema ltema apaiesekha engvalhok aniapom.


Eltaqmelkaso ta apkellanei'o aptaiangkolha na mota apieseksek apkelpokkenammap anak, ellamok hata aimelhkelha la'a qaselha m'a ngkanek aplhanie mota alpasmoma enenlhet'avok ma'a akvakho lhta nhan ko lha'.


Nlhenkek na evalhok aspaivoma lhema Andronico kakpota nhan Junias, allelto lhta amaniaie nkavek nkoliaskeiam Jesús, alhaiek koka ko'o, asnaktemommalhko lhta nhan lhemek ko m'a, avanhek anke lhta nhan apkelleliehekho mota nema allapaskamo m'a.


vanlha koka Lucas apnekho hengke'e alhelhma. Askeltavek na eliama lheiap Marcos ham eiantementak na hengke'e kakpota hepasengvatak asmakmekama nak.


Hai, ntasek ma'a, nlhenkek na apvalhok lheiap hengke'e askelaqlhengkasemmalhko nak lhemek Epafras aniem'o nellasennaikama Cristo Jesús,


nketlhenkek na apvalho'ok lheiap hengke'e Marcos, Aristarco, Demas kakpota nhan Lucas apkellelto askenmakmekama lhemek.


Nketlhenkek apvalho'ok apkellelto nak iglesia hengke'e Babilonia ketlhengkap ham, apkellelto nhan apkeliekieskama Eniapom Neten, nlhenkek na apvalhok eietka Marcos.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ