Colosenses 3:15 - Nuevo Testamento Toba Maskoy

¹⁵ Eniapom Neten apkeliekieskama ketlhengkap kakpota nkotnangkokhak malha lhema apiokha, nkolhnangkok na altaqmelaikama apvalho'ok, etnamo ta mota nhan gracias ma'a.

Colosenses 3:15 ပူးပေါင်းရင်းမြစ်များ

Juan 14:27

Askellangkek altaqmelaikama apvalho'ok ketlhengkap, mankapvankek enenlhet elanak ma'a, vanlha koka ko'o evanke'. Moltama nkek apvalho'ok ketlhengkap, mellaga nkek nahan akmak'o ta nkova.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Romanos 1:21

apkeliave niekhe m'a, koka nkaqhok na mellai'ok apvesai'a m'a, metnaiangkok na gracias ma'a. Vanlha koka atlheianmo apvalho'ok nkoietemo nke, alpaisengkeskeskamo nhan apvalho'ok ma'a.

Romanos 14:17

Koka akieto nak aptemakha apveske Eniapom Neten, mamma nema hengaskama m'a aktemakha anto'ok, kanhan neniama. Koka m'a akto neten ankek akiaspommalhka anteniangkok nentaikamok nelpeivomo, altaqmelaikama engvalho'ok kakpota nhan akpaihekha engvalho'ok aniem'o Espíritu Santo.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Romanos 5:1

Hengeltemeskeskangke lhta panke nengelpeivomo Eniapom Neten aniem'o mongeliaskeiam, kolhva koka nentangkokhak nellasekhekho Eniapom Neten aniem'o m'a Apveske engankok Jesucristo.

1 Corintios 10:17

Niekhe nenlhamakma, malha enlhema koka ntakhak neliokha m'a aniem'o nentekamok apnemo po'ok pan.

1 Corintios 7:15

Ka aliemhapma la ngkelvana nkoi'askeiam, atava koka apiaskeiam. Netamen apmak'o la eieniok aptava m'a, apvankek ma'a kakpota mmaskek akno apmangka m'a ngkelvana enialheng ngkanek Eniapom Neten apkeltave nkoloka metka akmaska.

2 Corintios 4:15

Lhamakho nellengaiangko nak akientalhnema nelvetai'a aniem'o nelienlhanmekamok kakpota nkoltaqmelkeskesek apkellangiemhaikama ketlhengkap ham, etlhevangkok hata nhan aktaqmanma nke nak apkellanei'o Eniapom Neten. Ka aplhamengko la enenlhet ma'a, netamen elhamangkok hata nhan aptaikamok gracias Eniapom neten ma'a, nkotlheianvakhok hata nhan apvalho'ok Eniapom Neten apto akietnema akiavai'a apmopvana.

2 Corintios 9:11

Nkolhnangkok hata nhan lhamakho aktemakha nkeskama qaselha ketlhengkap kakpota ellangkongvomok metka apkenmeiavkesammakpo qaselha apanko'ok. Ennengko'o toka angelletsakhak hata alpasmoma apkellankesaikokha lhta ketlhengkap, avanhek hata nhan etnangkok gracias Eniapom Neten engelialheng'a m'a apkellelto apketlhevai'a.

Efesios 4:16

Alietetakha nak alpasmekha apiokha nak aniem'o Cristo, moklhem'a nak ma'a nietnek anmakmekama nkek mo'ok aktemakha, alpasmommalhko koka kakpota nkolvanamok ma'a, nkoliennak nahan aniem'o allasekhammalhko.

Efesios 4:4

Nkotnek ketlhengkap malha lhema apkeliokha, malha lhema la nhan Espíritu, lhema nhan alel·halhnekama apkelvalho'ok elvetak hata aktaqmanma aniem'o Eniapom Neten apkellavekama.

Efesios 5:1

Ntasek elvanangkok ketlhengkap aptemakha nak Eniapom Neten aniem'o apketkak apkellamelaiakmo m'a.

Efesios 5:20

Etnamok hata mota gracias Eniapom Neten apto Eniapom aniem'o nhan apvesai'a Apveske engankok Jesucristo, aniem'o nhan ma'a apkelvetaskeskama lhamakho qaselha altaqmelo.

Colosenses 1:12

etnangkok hata nhan gracias Eniapom Neten ngkanek apkellangkek apkenmopvanka'a elvaskapok, hata etlhevangkok na qaselha apeneskamo Eniapom Neten kakpota ellangkok ma'a apkelpokkanma apkellelto nak apkelloma atsak'elha lhma.

Colosenses 2:7

Etnamok hata apkeliennaktema aniem'o Cristo, malha aktonak pa'at aliennakteskama avhok anak, eliennaktes hata nhan meliaskeiam anak ka aktemakha lhta mota nema atlhekmoskama, etnamo ta nha mota gracias Eniapom Neten.

Colosenses 3:17

Neksa apkellanai'a la lhema qaselha, nlho la nhan etlhenek apkenmak'akha la etlhenek, enmama ta nhan apvesai'a Apveske Jesús. Etnamok hata nhan gracias eniapma'ak anak apvesai'a Eniapom Neten aniem'o nhan Jesús.

1 Tesalonicenses 5:18

Ketlhengkap apkellelto meliaskeiam Cristo Jesús nietavek na etnangkok gracias lhamakho qaselha apkelvetakha la'a, ka apiaspongkomakha Eniapom Neten ma'a.

1 Timoteo 2:1

Askeleltennaskek ko'o lhema aspaioma elelmalhna ta Eniapom Neten kakpota eltaqmelkeskesek apkellangiemhaikama aplhamakho enenlhet'avok, akieplomo apkellasnekama kanhan etnangko mota gracias Eniapom Neten.

1 Timoteo 6:12

Ka apvanko koka ennapakpok aniem'o apkenmasmo mei'askeiam anak, meniangko nhan ngkolhek aklekkaso akiennaktema apneniek mangkotnengvaiam annelha, ngkanek lheiap apto apkeliekieskama Eniapom Neten, apkelvetaskaskek na napaqtavek enenlhet'avok akietnema mei'askeiam lheiap.

Hebreos 13:15

Eliavenkaso ta mota apvesai'a Eniapom Neten aniem'o nhan Jesucristo, malha ntak ma'a akmatnama nak nentoskama nengaikamok la m'a kakpota nkolekkasama apvalhok ma'a. ¡Hai, eliavenkaso ta mota nhan Eniapom Neten akieplomo apkelpaqmetekama!

Apocalipsis 7:12

—Amen, angeliavenkeskasama ta mota apvesai'a Eniapom Neten engankok, angeltangkok na apiavai'a apankek, apientalhnemo kanhan nema apiamo. Antangkok hata mota gracias, nengellai'o nhan, angeltangkok na nema apmopvana, apiennaktema nhan metka akvaiam annelha aliekaikamok iantelhkapa. Amen —lhta aptangkok ma'a ángeles.