Colosenses 3:11 - Nuevo Testamento Toba Maskoy

¹¹ Apnemo po'ok enenlhet napaqtek Eniapom Neten metka apkeliekammap, ka aktonak judio, griego, mankolhnaikamo nak aliaqtemenammalhka nekhatko'ok apkellammelhakha, metka nak aliaqtemenammalhka nekhatko'ok apkellammelhakha, niekhe apiav'akha la temma aptaqmanma, nlho ka la temma apketkok akmaselhte qaselha apankok, niekhe nhan nema allasennaikama nema apkelianmoma, metnangko nema apkelianmoma, apkennemo po'ok koka m'a ngkanek Cristo apkakhangkek nengaqtek ma'a aplhamakho m'a, apto nhan neten apankek apiaspommap ma'a.

Colosenses 3:11 ပူးပေါင်းရင်းမြစ်များ

Juan 14:23

Ka apkatemmongka lhta mokhom Jesús: —Enenlhet apto la heiasekhai'o, apkeliahakhek na aspaioma, ko'o Tata apkamelakmek na enenlhet anak ma'a. Tata ka nhan ko'o angelloka ta lhemek ma'a.

Juan 15:5

Ko'o asto iamet uva, ketlhengkap koka m'a malha aktengok anak. Mang hata nkek helieniakhak helpasmekama ketlhengkap, ngkotnek hata ngkeskama akielhna. Koka helieniakho la helpasmekama, ngkotnek hata metka akielhna, ngkolhek hata nhan aliaqtemeno m'a, nkoliemak hata, ngkolhek na ankesakho kakpota nkoklhalhkak aiseksek talha.

Juan 17:23

Askelpasmakhek ko'o m'a, lheiap na apto hepasmekha ko'o, askeltavek na etnangkok apketsavhommakpo apankavek apkelpasmommakpo m'a kakpota elvetak enenlhet'avok akiavai'a apkellamelaiam lheiap ma'a. Nnavek na heiamelaiam ko'o, eliangvomhok hata nhan apto heiapaskama lheiap.

Hechos 15:17

kakpota eleliama ta Apveske napokha enenlhet'avok, kanhan metnangko nak judios apkellelto nhan askellavai'a ko'o.

Hechos 28:2

Ntase lhta hengellanei'o enenlhet apkellavakha nak ma'a, hengelvatneskasengko lhta nhan talha m'a, ka hengellavenka lhta apkeleltemo angelelhtangvomok talha m'a, semange lhta, iemmen atko'ok alhta nhan.

Hechos 28:4

Apkelvet'a lhta enenlhet apkellavakha apankavek ma'a akmakhengka apmek menasma m'a, ka apkelpaqmetkesakpo lhta mok apankavek: —Have na niapak apto ntekioma niapom hengke'e enenlhet anak, apvaiakmek tep apketsepma niekhe akvaivekamok loma nemmen, koka nkaqhok niaqmasekama akpeivomo ngken —lhta aptangkok ma'a.

Romanos 1:14

Mongvapvanak aiekaksek ko'o aspaieskama ania'a aktaqmanma halhmankek ham, apieseksek anak ma'a griegos kanhan metnangko griegos, apieseksek neten apankavek nema apkeliangveiakmo, kakpota nhan apieseksek meliangveiakmo.

Romanos 10:12

Koka aplhamakho enenlhet'avok ma'a judios kakpota nhan griegos, apnavek po'ok napaqtek Eniapom Neten, apto Apveske takhaplhet'ok enenlhet'avok lhmankek ham. Nema apketsekama Eniapom Neten, nietnek lhema qaselha kakpota eniangkok apto la apkeltaikama apvesai'a m'a.

Romanos 3:22

Hai, Eniapom Neten hengeltemeskaskek nengelpeivomo nenlhamakho lhmankek ham aniem'o mongeliaskeiam Jesucristo ngkanek nennavek emmo'ok napaqtek ma'a.

Romanos 3:29

Eniapom Neten apto nhan apveske apanko'ok metnangko nak judios, have vanlha m'a apkellelto nak judios.

1 Corintios 12:13

Nenlhaniek ennengko'o nhan nengelelto nak Jesucristo apkennemolhema, judios, griegos, nema allasennaikama nema apkelianmoma, metnangko nema apkelianmoma, nenlhaniek ma'a. Nnengkek na hengellavkeskamo konne iemmen, malha lhema koka ntaiekhak neniokha m'a aniem'o vanlha nhan lhema Espíritu, nemo nhan hengellaiangko Espíritu nak ma'a.

1 Corintios 14:11

Koka apvakmo la m'a lhema po'ok enenlhet mo'ok apkavakha, meihek hata aktemakha apkelpakmeiasma m'a apvanlha la'a, apkellavakha apankave nak ma'a meliehek hata nhan aptakha apaivoma po'ok enenlhet lhek.

1 Corintios 7:19

Nkanek ma'a have akto neten ankek akiaspommalhka m'a aptangko la nema aliaqtemenkeskama nekhatko'ok apkellammelhakha, nlho ka la mma', koka m'a akto neten ankek akiaspommalhka eleliehekhok henganemakha apankok Eniapom Neten.

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Efesios 1:23

akto nhan malha apiokha m'a Cristo iglesia nak, apkellaiangko nhan lhamakho qaselha la alaimommalhkelha m'a, malha allaneiangko la nhan.

Efesios 2:14

Koka apiokha nak ma'a malha akleklema akhalhtemommalhka apkelhpankesammap apieseksek ma'a judios kakpota nhan metnangko nak judios aniem'o apkelammelhammap, apiepetkasekho lhta nhan po'ok ma'a aktaiekho malha lhema apkellavakha apasmekha, apkellaiangko nhan altaqmelaikama apvalho'ok ma'a.

Efesios 2:15

Apmaskeskakme lhta nhan henganemakha ankok anak ley, hanet apkellavakha lhta niekhe, aptemeskasakhe lhtoka malha lhema apkellavakha alhnankok apkelpasmekha nhan ma'a Cristo. Apsoiakmo lhta nhan altaqmelaikama apvalho'ok apieseksek anak ma'a.

Efesios 3:17

Askenmalhneskaskek na eltehek meliaskeiam ketlhengkap Cristo kakpota elhek apvalho'ok ketlhengkap ma'a, kakpota eltemeskesek apkeliennaktema aniem'o apkellasekhammakpo.

Efesios 3:6

Lhennenga akpeneskama aklhenaikama apvalhok elanak ma'a, eniankesekhak metnangko nak judios kanhan judios nkotnekhak malha lhema apkeliokha m'a aniem'o aptaikamok apkelpasmekha Cristo Jesús aniem'o nhan apkellengai'a ania'a aktaqmanma. Etlhevangkok hata nhan ma'a metnangko nak judios lhamakho aktemakha qaselha altaqmanma apeneskamo lhta apaivoma Eniapom Neten ellangkok hata m'a qaselha apkennemolhema apanke ko Israel.

Efesios 6:8

Askeltavek ko'o eliangvomhok ketlhengkap nema allasennaikama nema apkelianmoma, nlho ka la nhan metka nema apkelianmoma, moklhem'a ta ellangkok akianmoma Apveske akietemo nkek aniem'o la aktaqmanma apkenmakmekama.

Colosenses 2:10

ketlhengkap na apsavhommakpo apankavek aptangko apkelpasmekha m'a. Apto nhan ma'a apveske takhalhet'ok kasekapo av'alho'ok aknema nak anmovanka'a ka nhan alientalhnemo nak.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

2 Juan 1:9

Enenlhet apto la apmahai'a eiaqmongkasekhak mo'ok hengetlhekmoskama lhta Cristo, have nhan nengaqtek Eniapom Neten ma'a. Koka apto la aptaqmelkeskama hengetlhekmoskama Cristo, koka apto apnemo lhemek Eniapom kanhan Apketka.