Colosenses 3:10 - Nuevo Testamento Toba Maskoy

¹⁰ Kolhva koka alhnankok apvalho'ok nlhenkek na akvanekamok lhamakho aknem akvaiakmo aknakho aptaiangkolha Eniapom Neten apto lhta apkelanai'a enenlhet, nlhenkek na akvakmo apkeliekpelkangvakmo ta apiokho nkek ma'a.

Colosenses 3:10 ပူးပေါင်းရင်းမြစ်များ

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

Romanos 13:12

Nkanketva'ak nkotsak hata, mmak'a nkotiepok aknem, elvatesamok apkellanekamok qaselha alleniem'o ienaqtesakha lhma. Ntasek koka ellanangkok qaselha alleniem'o nak atsak'elha lhma.

Romanos 13:14

Alpeivekha koka etnamok, eleliehekhok koka mota Apveske engankok Jesucristo, mellanko nkek nkonmama altakha la apvalho'ok aliaspongkomakha nak.

Romanos 6:4

Neksa lhta nema hengellavkesaikamok konne iemmen, malha lhta nha ntemak nelkatonnammalhka lheme Cristo m'a, malha lhta nhan neletsepma lheme. Koka akmaskemakha lhta nhan hengenmaikama mongeliamolhma m'a, kolhva koka envanka'a mota angellanangkok qaselha altaqmelo, nnavek ma'a Cristo aplhatekhangveiakmo lhta apieseksek apkenmaskengvaiakmo aniem'o akiavai'a apmopvana Eniapom Neten.

Romanos 8:29

Lhennenga koka apiamo Eniapom Neten apto ta apkavekama, apkeliekieskama nhan kakpota ngkovomok hata malha aptema m'a apketka apanke. Koka apketka apanke nak ma'a apto metno pketkok apieseksek apentalhnakha apkelialheng'a.

2 Corintios 3:18

Ennengko'o nhan nnengkek hengel·hatsoskeskamo malha ietamopai'a nengelapma nengaqta'ak, malha nhan ennengko'o akto nak ieiam appok nelanei'o nak nenga'at, apkelvet'o la ieiam appok lhaiek apkelvet'ak na apiavai'a apankek Eniapom Neten ma'a, niavengkek na aklhamakho aknem nennekho m'a aniem'o Espíritu.

2 Corintios 4:16

Niekhe akmaskema neliennaktema neliokha nak, koka mankolhnankok anmaiosak'a engvalho'ok anak, ngkanek neliavek engelvalho'ok anak nkanantangkek na lhamakho aknem aliennaktema.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

2 Corintios 5:17

Nelvatesaiangkek ma'a aktemakha lhta alketamekama engelvalho'ok lhennenga, nelvatesaiangkek na nentaiangkolha lhta ngkollatsekama aniem'o nelpasmekha m'a Cristo, kolhva alhnankok nentaiangkolha

Galatas 3:27

Neksa malha nema allavkeskama lhta apieplomo Cristo ketlhengkap, malha lhta nha ntemak apkelapma la Cristo,

Galatas 6:15

Kolhva alhnankok nentaiangkolha nak koka akto neten ankek akiaspommalhka m'a, mangkolhnok aliaqtemenammalhka nak nekhatkok apkellammelhakha, nlho ka la nhan metka nak aliaqtemenammalhka m'a.

Efesios 2:10

Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

Efesios 2:15

Apmaskeskakme lhta nhan henganemakha ankok anak ley, hanet apkellavakha lhta niekhe, aptemeskasakhe lhtoka malha lhema apkellavakha alhnankok apkelpasmekha nhan ma'a Cristo. Apsoiakmo lhta nhan altaqmelaikama apvalho'ok apieseksek anak ma'a.

Colosenses 3:12

Apkellamelaiam Eniapom Neten ketlhengkap kakpota nhan apkeliekieskangkek kakpota etneskesangkok na apkelpokkanma, ka ngkanek na ntasek elietnaho mota napaqta'a po'ok, etnangkok na apkeliamolhma, anmomhapak'a apvalho'ok, metka apkelloma, metka apkelpekheskama nhan.

Colosenses 3:14

Koka akto neten ankek akiaspommalhka m'a ellasekho mota po'ok ngkanek nkotsantengkesek hata apkelpasmommakpo pankavek ma'a.

Filemon 1:6

Askenmalhneskaskek na Eniapom Neten lheiap mei'askeiam anak nkotlhekmosekhak hata nkek lheiap ma'a lhamakho qaselha nak altaqmelo nenmopvanka nak angellanangkok aniem'o nengamelaiam Cristo.

Hebreos 6:6

Hai, apkeliepkonme lhta ketlhengkap ma'a lhamakho qaselha altaqmanma nak, koka apkelieniakho la'a mankollapvankek mokhom eliaqmongkasekhak mo'ok apvalho'ok, ngkotnekhak kelha malha mokhom apkeliaqlhaklhema neten iamet aktenneskama Eniapom Neten apketka kakpota eliemetkasama kelha enenlhet'avok ma'a.

1 Juan 2:3

Have niapak ankek neliekpelkavek ma'a ngkanek nengeleliehekhave mota hengellanemakha antangkok ma'a.

1 Juan 2:5

Koka envanka'ak ennengko'o angelleliehekhok apaivoma nak ma'a aniem'o nelletsavhongvaiakmo akiokho nkek nengasekhai'o nak hengaikamok ma'a Eniapom Neten, ka ngkanek neliavek nengelelto nelpasmekama m'a.

Apocalipsis 21:5

Koka apto lhta apnema aptanema apveske m'a, lhta aptak: —Askelan'ak ko'o alhnankok lhamakho qaselhaha —lhta aptak. Koka lhta aptak na mokhom heiano ko'o m'a: —Etalhes astakha nak aspaioma, akto have niapak ankek, nietavek mei'askamek lheiap —lhta aptak heiano m'a.