Colosenses 3:1 - Nuevo Testamento Toba Maskoy

¹ Malha lhta nha ntemak apnaqlhatekhangveiakmo la lhemek Cristo ketlhengkap, ka nkeniemai'ak na ntasek eteniangkok qaselha alleniem'o neten, koka m'a apnek Cristo akieto akiennakha Eniapom Neten.

Colosenses 3:1 ပူးပေါင်းရင်းမြစ်များ

Marcos 12:36

Koka David, Espíritu Santo lhnak nanek apmaikama, aptemo lhnak nanek hengke'e: «Lhta aptak Apveske apkano Apveske ehenkok ma'a: Elhnata neheqha akiennakha akvakmo ta asavho askakheskekta koneng apmankok apkelammelhmakha lheiap», lhnak nanek aptemak ma'a.

Marcos 14:62

Ka apkatemmoiangka lhnak Jesús ma'a: —¡Ko'o m'a! Elvetak hata ketlhengkap Enenlhet Apketka nak elhek akieto akiennakha apoktong anak Eniapom Neten apto aknema apmopvana apanke, elhiemok hata aiseksek iephopai'a neten anak —lhna aptemak Jesús.

Marcos 16:19

Apsavhomo lhnak aktemakha apkeleltennasekama Apveske m'a, ka aknemo lhnak akiantemekho neten ma'a, apnekho nhan akiennakha apoktong Eniapom Neten.

Lucas 12:33

Eklhamok hata akietnakha la qaselha apanko'ok, eltenia ta akianmoma patakkom kakpota ennaskekhak apieseksek enenlhet metka nak apkelletsekama, kakpota ngkoitek ketlhengkap ngkeskama apkeletsekama m'a akieto neten mankotnengvaianlha nnelha'. Mamma enenlhet apmenielhma m'a kakpota nhan mamma askok veneng aptevaskama la qaselha m'a.

Lucas 20:42

Vakkahak Salmo nietnek ania'a aktalhesammalhka aplheianma lhnak nanek David, lhna aptemak: «Lhta aptak Apveske aplheno apveske ehenkok ma'a: Elhnata neheqha akiennakha,

Lucas 22:69

Koka kolhvave nak Enenlhet Apketka nak elhnemok hata lheme neten akieto akiennakha Eniapom Neten apto akietnema apmopvana —lhna aptemak Jesús.

Hechos 2:34

Ma lhta eniekhak neten apveske David, koka lhnak na nek aptemak: «Lhta aptak Apveske aplheno Apveske ehenkok ko m'a: Elhnata neheqha akiennakha nak,

Hechos 7:55

Koka Esteban aplanei'avek nak apvalhok Espíritu Santo m'a, apkammelhmo lhnak neten, apvetai'o apkapommatema Eniapom Neten ma'a kakpota nhan Jesús nak apkenmaiangka napokha akieto iennakha.

Romanos 8:34

Mamma nhan nkotlhenek apketselhnanemmap ma'a, ngkanek apketsepme Cristo Jesús apkeliaqmekha m'a. Netamen aptaiekho lhta nhan mokhom aphalhnankok, kolhva koka apnek ma'a napokha akiennakha Eniapom Neten, apkeltennaske mota apkeltemo elpasmok ma'a.

Romanos 8:6

Apkellelto nak apkellanekamok qaselha ngkollatsekama, nnek aliaqmongkasakho apkeletsepma, koka apkellelto la apkellanekamok qaselha akleklemelha nak apvalhok Espíritu Santo, nnek akiaqmongkasakho aliennaktema apnenio'ok kakpota nhan altaqmelaikama apvalho'ok.

2 Corintios 4:18

Ka nkanek mangelammelhek neksa nellengaiangko akientalhnema nalhepop anak ngkanek nkomaskengvomok hata m'a, ntasek koka aniavenkasok atlhenaikama engelvalho'ok qaselha mongelvet'o mokhom, koka neliavek have niapak ankek nkovak hata m'a, mankomaskengvomek hata nhan ma'a.

Efesios 4:10

Ka apto lhta apvaiventa konne kanke nak lhepop, netamen apmeiekho netne kanke nak, aptemo lhta nhan malha aplanengvekho neten anak.

Efesios 5:22

Ketlhengka' ngkelvana'ak ntasek nkoleliehekho ta mota anakteiangka'a, akno aliehekho Apveske,

Colosenses 2:20

Neksa malha apkeletsepma lheme lhta Cristo ketlhengkap, apkelpaknengkaskesakhe lhta akmovana henganemakha aniem'o enenlhet. ¿Se kla ktemo aqnaktetemo nak mokhom henganemakha nak, he?

Colosenses 3:2

Hai, ntasek nkolketamangko mota apvalho'ok qaselha alleniem'o nak neten, have aknaiangko nak hengke'e nalhepop anak.

Hebreos 1:13

Mang nak nanek na etnemak enianak lhema aphapak la ángel Eniapom Neten hengke'e: «Elhnata neheqha akiennakha akvakmo ta asavho askakheskeskekta koneng apmankok apkelammelhmakha lheiap».

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Hebreos 10:12

Cristo koka apkaiangko panke apiokhoho lhema aktema koka kakpota ematong ma'a, malha qaselha nengaikamok anak kakpota el·hatsoskasangkok na ngkollatsekama malha apkelpatmekama m'a enenlhet'avok lhmankek ham. Netamen apnekho nhan ma'a akieto akiennakha apoktong Eniapom Neten,

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 8:1

Nlhaniek ankek qaselha asketlhekmoskama, koka akto neten akiaspommalhka m'a aptemakha apiav'akha nak sacerdote engankok apto nhan neten apankek apiaspommap ma'a. Ka nkeniemai'ak apnekho m'a neten akieto Eniapom Neten akiennakha apoktong apnakha aptanema apveske.

1 Pedro 3:22

apmeiekho lhta neten, apnekho akiennakha apoktong Eniapom Neten, aptemengvekho nhan apveske apieseksek ángeles kanhan enghangok aknema anmovanka'a, alientalhnemo nhan ma'a.