Colosenses 2:8 - Nuevo Testamento Toba Maskoy

⁸ Ellaho ta enenlhet apkenmahai'a la eliennengkesek aniem'o apkeliangveiakmo apanko'ok apankave, apkelelpeiveskasekha nhan qaselha nak apkenmopvanka'a ania'a kanhan henganemakha apanko'ok apankavek, koka have aniem'o Cristo m'a.

Colosenses 2:8 ပူးပေါင်းရင်းမြစ်များ

Hechos 17:18

Apketlhekmoskangkek nak Pablo m'a aptemakha Jesús kakpota nhan aktemakha nema apnaklhatekhaskeiam hata apieseksek apkenmaskengvaiakmo. Koka apkellammelhmek nak na m'a moklhem'a enenlhet apkelvesai'a Epicureos kakpota nhan po'ok apasmekha apkelvesai'a Estoicos, lhna aptaiangkok: —¿Se lha aplheno ham enenlhet anak aplhamasammap, he? —lhna aptaiangkok. Lhnak na aptaiangkok apketlhelhma'ak: —Malha nak apketlhekmoskama apkeltemakha dioses mo'ok apkellavakha —lhna aptaiangkok.

Hechos 17:32

Neksa apkellengai'a lhnak enenlhet'avok aktemakha nennaklhatekhangveianlha apieseksek apkenmaskengvaiakmo, ka apkeliematkesaiangka lhnak Pablo m'a, lhnak aptemak po'ok: —Mo'ok aknem hata angetlhengkasekhok mokhom nellailhemo aktemakha aplheno nak lheiap —lhnak aptaiangkok ma'a.

Romanos 16:17

Ketlhengkap elialheng'a, ellaho ta mota enenlhet'avok anak apkenmahai'a la elhpankesek, apkenmahai'o nak na eliepkonek ham, apkenmahai'a nhan ellammelhek nema atlhekmoskama lhta apketlhevai'a ketlhengkap. ¡Melpalhkama nkoie'!

1 Corintios 10:12

Niekhe enenlhet mankolheianma nak apvalhok metieme, ¡eniaho toka m'a, etiemok kelha nhan lheiap!

1 Corintios 8:9

Koka ellaho ta m'a aptavengko ta napaqtavek nkoliennaktema nak meliaskeiam ngkanek epalesemmak ma'a.

2 Corintios 10:5

Apmopvana nhan enaqtevaskesek akpaivoma akmovana ania'a akmahai'a la nkoiennenkesek enenlhet, apmopvana nhan enaqtevaskesek apkelammakpo apankavek enenlhet'avok apkeliasekamo na lhma enenlhet apkenmahai'a nak eliekpelkok Eniapom Neten. Apvankek na eliaqmongkaskesekhak alketamekama apvalho'ok apkellammelhma la Cristo, eltemeskasekhak atlhenaikama apvalho'ok eleliehekhok Cristo m'a.

Galatas 1:14

Avanhek anke lhta askasekhai'o nellanemmalhkelha nak antangkok aniem'o nelieihengka, koneng alhta m'a asketlhelhma'ak aspaiomo lhema ehenkek judios.

Galatas 4:3

Nnavek na ennengko'o malha nematkak alhta hengenmaiangka lhta akmovana neniava nak.

Galatas 4:9

koka kolhvave nak apkeliavek aptemakha m'a aniem'o apmahai'a apanke lhta etnek apkeliekpelkemo napaqtavek ketlhengkap ma'a. ¿Se lha ntemak na ketlhengkap apkeleliehekho nak mokhom qaselha neniava nak mangkoliennaktema, metka akmovana nhan, he? ¿Se lha ntemak na apkenmahai'o nak mokhom etnangkok allasennaikama ankok nema apkelianmoma, he?

Galatas 5:15

Koka aptaklho la po'ok, aptavo la nhan, ¡eniaho! Apnaqtevasekpe pankavek ketlhengkap ma'a.

Efesios 2:2

Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

Efesios 4:20

Ketlhengkap koka apkeliavek have aktonak nema atlhekmosekamok alhta ketlhengkap aptemakha nak Cristo,

Efesios 5:6

Mellanko nkek eliennengkeskak enenlhet'avok anak aktaikama nkek ania'a apketsoiam, nkanek Eniapom Neten hata eliaqmongkaskesekhak apkeltemakha meleliehekho m'a.

Filipenses 3:2

¡Ellaho ta enenlhet malha nak semheng! Hengetlhekmoskama meliamolhma nak, apkenmak'a mota eliaqtemenek apiempeiok ketlhengkap, koka mankaimelhka niekhe etnangkok ma'a,

Colosenses 2:18

Mellailho nkek enenlhet apkeliematkesaikama la'a ngkanek apkeliavenkaskesama mota apkelvesai'a ángeles ma'a, aptangke niekhe nalhep'avek apvalho'ok ma'a, apkenmopvanka ania'a koka, apketlheno alvetai'a apaqto'ok koka apkeltaikama apankek ma'a, nkeliephesekama mota apkellammakpo atlhenaikama apvalho'ok apanko'ok apankavek ma'a.

Colosenses 2:20

Neksa malha apkeletsepma lheme lhta Cristo ketlhengkap, apkelpaknengkaskesakhe lhta akmovana henganemakha aniem'o enenlhet. ¿Se kla ktemo aqnaktetemo nak mokhom henganemakha nak, he?

Colosenses 2:22

Koka lhamakho henganemakha nak enenlhet apankavek apanko'ok ma'a, ka nkovangkak ketsek heng, nkomaskengvomok koka akiennaktema m'a.

Colosenses 2:23

Malha niekhe akto neten ankek akiaspommalhka m'a ngkanek nkeltavek antek nalhepek ankek ma'a, anteniok na akiavai'a nkek eniempeiok angeliehekhok ma'a, nkeltavek na nkoiatangkok neniokha nak altemo nkoliehekhok ma'a, koka henganemakha nak mamma aiempehek kakpota nkotneskasekha koneng aliaspongkomakha nak engelvalho'ok.

1 Timoteo 6:20

Lheiap Timoteo, etaqmelkes hata nema aikamok anak apmakmekama, mepasengvoma nkek na ngkolatsekama la apkelpakmetkesammap, meniailhengvomho nhan mankoietemo nak apketlhekmosekamok apkeleltaiangko nak akvesai'a Nenianveiakmo akto Have niapak ankek ma'a,

2 Timoteo 3:13

koka apkellelto nak meliamolhma kanhan apkeliennengkeskama nak po'ok, nkovenke pankok hata apkellanekamok qaselha ngkollatsekama nak, aplhaniek hata etnangkok apkeliennengkeskama enenlhet'avok, koka ngkolhek hata nhan aliennengkasakho m'a.

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.

Hebreos 3:12

¡Ellaho ta elialheng'a! Metnamo nkek na ngkollatsekama apvalho'ok nkeltemeskaskek na apkeliaskeiam ma'a kakpota nkolienieskasekhak na Eniapom Neten apto mangkotnengvaiam annelha apkaniemhaikama.

1 Pedro 1:18

ngkanek apkel·hatsoskakhe lhta neksa apkeltemakha lhennenga malha alpathetma la'a alleniem'o lhta m'a apkeltemakha apkelieihengka'a. Nkaimommalhke lhtoka sekhek ei'anmongkesek ma'a kakpota elienioskakhak ma'a, have koka oro nak kanhan patakkom alienmomo plata apianmongkeskamo m'a ngkanek apavok ngkotnek ma'a,

2 Pedro 3:17

Ketlhengkap elialheng'a askellamelaiam, askelientemongkasavek askellaskama amanie apkenmahai'a elvak ma'a, ¡ellaho ta enenlhet'avok anak meliamolhma apkenmahai'a mota eliennengkesek kanhan meliennakteskesek meliaskeiam anak!

2 Juan 1:8

¡Ellaho ta m'a kakpota menaqtevasekhek qaselha altaqmanma apketlhevaikamo lhta aniem'o nenmakmekama lhta nhan ennengko'o m'a! Kakpota etlhevangkok hata nhan aksavhommalhko nkek nema akianmongkeskama akianmoma.