Colosenses 2:15 - Nuevo Testamento Toba Maskoy

¹⁵ Apkel·hatsoskeskekho nhan anmovanka'a kanhan alientalhnemo kasekapo' av'alho'ok, akietnema nhan alientalhnemo, aptemeskesekho nhan koneng ankavek napaqtavek enenlhet'avok aniem'o nhan ma'a Cristo, apkeiveseikokho nhan atlhengama napaqtavek enenlhet malha anmammalhka la'a.

Colosenses 2:15 ပူးပေါင်းရင်းမြစ်များ

Lucas 10:18

Lhnak aptemak Jesús apkellatemmoiangka: —Hai, asvet'ak lhek Satanas akteiakmo neten malha apkelienmoma lhke ntak ma'a.

Lucas 11:22

Koka evak hata po'ok enenlhet neten apankek apiennaktema, etneskasekhak hata koneng ankek ma'a, el·hatsoskasekhak hata apmaikama anmoma kakpota nhan qaselha apanko'ok, etnekha apankok apanke.

Juan 16:11

Aktemo nak aveske lhmankek ham, nnek akiekpelko aktemakha m'a, nlhenalhkek na akto akselhnanemmalhka m'a.

1 Corintios 15:24

Netamen hata m'a ngkovomok aktakha nnelha aknem, koneng hata eltemeskasekhak Cristo apkelveskai'e, kakpota nhan nema apkeliennaktema nak, eniangkongvakhak hata apientalhnemo m'a Eniapom Neten takhalhet'ok lhamakho qaselha lhmankek ham.

2 Corintios 2:14

Hai, gracias stak ko Eniapom Neten ngkanek hengeltemeskeskama hengeliephongveskaiakmo mota aniem'o nhan nelpasmekha Cristo, hengenmaiangka nhan kakpota angelpaiaksek ania'a aktaqmanma aplhenammap Cristo lhmankek ham. Ennengko'o nengelelto napaqtek Eniapom Neten malha aktonak akmases aimes la nentekhanma, akpaihekha lhmankek ham apieseksek apkellelto ta apkelvonkasemmap tep, apieseksek na apkellelto melvongkasemmap hata tep.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

Efesios 3:10

Kolhva aniem'o iglesia alanai'a qaselha, nkolvetak hata kasekapo av'alho'ok alientalhnemo nke nak, aknema nak anmovanka'a, kanhan alveskaie, nkolvetak hata nema apiamo Eniapom Neten.

Efesios 4:8

Ka ktemo nak aklheianma vakkahak Eniapom Neten apaivoma: «Apmeiekhek neten aplaqlekho nhan apkenmammap, apkellaiangko nhan apkenmopvanka'a enenlhet'avok», ka nnema aktemo m'a.

Efesios 6:12

Mongennapelhkak ennengko'o enenlhet lheme nak, koka nengennapelhkak ma'a kasekapok av'alho'ok alleniem'o neten, akietno akmovana, akientalhnemo nhan takhalhet'ok ienaqtesakha lhma neniava alhma nkek ham.

Colosenses 1:16

Apmaiangka lhnak nanek na Eniapom Neten Cristo kakpota ellanak lhamakho qaselha aknaikamo nak ma'a neten kakpota nhan nalhepop, qaselha nelvetai'o nak kakpota nhan mangelvetai'o nak, qaselha av'alho'ok anak aveske nko'ok, aknema na alientalhnemo kakpota nhan aknema nak anmovanka'a, ka lhamakho qaselha nak Eniapom Neten apkellanai'a aniem'o apmaikama Cristo, aptemo nhan apanko'ok ma'a.

Colosenses 2:10

ketlhengkap na apsavhommakpo apankavek aptangko apkelpasmekha m'a. Apto nhan ma'a apveske takhalhet'ok kasekapo av'alho'ok aknema nak anmovanka'a ka nhan alientalhnemo nak.

Hebreos 2:14

Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Apocalipsis 20:10

Netamen ma'a ngkolhek hata akienievo aveske keliaqhameio aniem'o aliennengkasekama akieto m'a sanga akietnemakha talha kanhan azufre. Akieniommalhkelha lhta nhan ma'a kaselha nevhak nengai'o lhta kakpota nhan altennaskama ania'a ankok alhta apmopvana ania'a. Nkolhek hata aliaqmongkaskesakho altemakha m'a lhamakho aknem, pelhasep nahan metka akvaiam annelha aliekaikamok iantelhkapa.