Colosenses 1:7 - Nuevo Testamento Toba Maskoy

⁷ Epafras alhta apto apketlhekmoskama ketlhengkap qaselha nak ma'a, apto nhan nengellamelaiam netlhelhma'ak ennengko'o m'a, apto apkennengkasema apkasekhai'o Cristo apmakmekama nak apieseksek ketlhengkap ham.

Colosenses 1:7 ပူးပေါင်းရင်းမြစ်များ

1 Corintios 4:17

Ka ngkanek na askapaskamo lhta Timoteo ham, apto malha eietka ehenke askamelaiam meietnekho nhan netamen ko'o, etlhenkeskeskakhok apvalho'ok astemakha na mota ko'o aniem'o moi'askeiam Cristo, ka astemakha na mota asketlhekmoskamok aplhamakho iglesias.

1 Corintios 4:2

Envanka'ak na angelvetaskesek enenlhet'avok nentaiangkolha nengeltaqmelkasemmalhko neksa nenmakmekama nenlhevai'a.

1 Corintios 7:25

Manheiangkok henganemakha apankok Eniapom Neten ngkelvana'ak metka nak anakteiangka, koka evankek aleltennasangkok ehenkok ehenke, ntasek hellailhoho nkanek asiamolhma ko'o aniem'o apietnai'o neha'at Eniapom Neten.

2 Corintios 11:23

Apketlhenakpavek na apankavek apkellelto apkenmakmesaikama Eniapom Neten, ko'o koka tep ankek asmakmesaikama Eniapom Neten. Niekhe malha anema askeliatekama, nkaqhok koka alhenkesek hata askeliatekama, tep ankek ko asmakmekama m'a enenlhet'avok anak, nlhaniek askaklhengkasemmalhka nenmammalhkelha, nlhanie lhta nhan nema heliaqpelhketaikama, nlhaniek na atlhengkeskama amatong.

Efesios 5:21

Elhneso ta mo'ok apvalho'ok apkeleliehekho po'ok apieseksek la'a aniem'o apkellai'o Cristo.

Filipenses 2:25

Askanek ko'o ataqhesok hata neptamen enialheng Epafrodito mokhom ham, apto hepasmoma mota asmakmekama, alhelhma nhan malha askennapommalhka. Apkellapaskama lhta ketlhengkap kakpota hepasengvatak aimelhkelha la'a ko'o hengke'e,

Colosenses 4:12

Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

Colosenses 4:7

Enialheng nengamelaiam Tiquico etsakhesek hata ania'a ehenkok ham, apto nema asennaikama nengaqte heliehekho mota, apto nhan alhelhma asmakmesaikama Apveske.

Colosenses 4:9

Onesimo ta nhan etnek aplhelhma m'a, apaivomolhema apankave nak ketlhengkap, avanhek nellamelaiam ma'a, apto nhan hengasekhai'o, eleltennasama ta nhan lhamakho qaselha aktemakha akvetammalhka hengke'e.

1 Timoteo 4:6

Timoteo, askeltavek etlhekmoksek lheiap qaselha askeltennaso lhkek aplhamakho engelialheng'a ham, netamen nkovak hata aptema lheiap aptaqmanma apkasennaikama Cristo Jesús, apiennaktema aniem'o apkeliehekho mei'askeiam kanhan aktaqmanma apketlhekmoskama allaikamok malha nentoma al·haivekha apiempek kakpota nkankok apiennaktema.

2 Timoteo 2:2

Aplengai'a mota lheiap asketlhekmoskamo napaqtavek enenlhet'avok apentalhnema, etlhekmosa ta nha mota lheiap ma'a moklhem'a enenlhet apkellelto la apkeltakmelkasemmakpo kakpota nhan ma'a etlhekmosangkok na po'ok.

Filemon 1:23

Hai, ntasek ma'a, nlhenkek na apvalhok lheiap hengke'e askelaqlhengkasemmalhko nak lhemek Epafras aniem'o nellasennaikama Cristo Jesús,

Hebreos 2:17

Nkaimommalhke lhtoka etnekhak sekhek enenlhet apankek elhnesakpok na apkelialheng'a, nkaimommalhke lhta nhan enietsepok apkeliaqmoiekha la m'a kakpota etnek apiav'akha sacerdote. Apkelietnai'o lhta nhan napaqta'a enenlhet'avok, apkeliehekho nhan Eniapom Neten neksa apkasennaikama m'a. Apiephongveiakmo nhan kakpota nkolhek na altemeskesangkankek apkellanekamok ngkollatsekama enenlhet'avok lhmankek ham.

Hebreos 3:2

Apkeliehekhave lhta nhan aptemakha apkanemo Eniapom Neten apkeltemo hengelpasmok hata, apnave lhta nhan Moises apkeliehekhavek nak nanek na aptemakha apkanemo Eniapom Neten apkeltemo eltaqmelkesek pa'at apankok.