Colosenses 1:28 - Nuevo Testamento Toba Maskoy

²⁸ Ennengko'o nelpaieskek ania'a aplhenammap Cristo, nellaskek na qaselha, netlhekmosenke mota akieplomo akiavai'a nkek neliangveiakmo kakpota etnangkok aliennaktema nkek apvalho'ok ketlhengkap apkanemakha nhan etnangkok Cristo m'a.

Colosenses 1:28 ပူးပေါင်းရင်းမြစ်များ

Marcos 6:34

Ka apteiapveiakmo lhnak Jesús loma nemmen, apvet'o lhnak apentalhnema enenlhet, apkelietnai'avek nak napaqta'a lhna songkek enenlhet malha nepkesek metka allanekama. Ka apketlhekmoskamo lhnak lhamakho aktemakha qaselha aktaqmanma.

Lucas 21:15

Ko'o ta allangkok ngkeskama apkeliangveiakmo apkellasennammap la ankok kakpota nkollapvanak apkellatemmoikama, mangkolhek hata alieko'o ketlhengkap ma'a.

Hechos 10:36

Apkapaske lhta Jesucristo apto Apveske alhma nkek ham kakpota epaiaksek ania'a hengaikamok altaqmelaikama engvalho'ok apieseksek Israel.

Hechos 11:20

Koka apkelvai'ak nak na moklhem'a enenlhet'avok apkelleniem'o Chipre kakpota nhan Cirene, apkeleltennaseiangka lhnak na ania'a aktaqmanma aplhenammap Apveske Jesús enenlhet griegos ma'a akieto Antioquia.

Hechos 13:38

Ellailho no ko israelitas ania'a netlhekmoskama nak, apkellelto la meliaskeiam Jesús ngkolhek hata aktemeskesangkankek meleliehekho apkellaskamakha Eniapom Neten, ngkolhek hata nhan altemeskeso apkelpeivomo. Koka ley anak Moises mankavankek nkotneskesama nkek meleliehekho nak apkellaskamakha Eniapom Neten, mankavankek na nkoltemeskesek apkelpeivomo.

Hechos 17:18

Apketlhekmoskangkek nak Pablo m'a aptemakha Jesús kakpota nhan aktemakha nema apnaklhatekhaskeiam hata apieseksek apkenmaskengvaiakmo. Koka apkellammelhmek nak na m'a moklhem'a enenlhet apkelvesai'a Epicureos kakpota nhan po'ok apasmekha apkelvesai'a Estoicos, lhna aptaiangkok: —¿Se lha aplheno ham enenlhet anak aplhamasammap, he? —lhna aptaiangkok. Lhnak na aptaiangkok apketlhelhma'ak: —Malha nak apketlhekmoskama apkeltemakha dioses mo'ok apkellavakha —lhna aptaiangkok.

Hechos 17:3

Apkelelpeiveskasekho nhan enenlhet'avok aktemakha aklheianma vakkahak Eniapom Neten Apaivoma aktemakha nhan apketsepma Cristo, aplhatekhangveiakmo nhan. Lhnak aptemak na Pablo: —Ka enenlhet na lhta Cristo, Jesús alhta m'a —lhna aptemak.

Hechos 20:31

¡Elel·halhnama toka! Nkotlheianvakho ta mota apvalho'ok astemakha lhta mota asketlhekmosekamok lhamakho aknem akvakmo hanetolhema iantelhkapa neksa akientalhnema lhta niekhe m'a.

Hechos 3:20

Netamen hata m'a elpaieskeskamok apvalho'ok Apveske, apkapaso ta mokhom apto apkeliekieskama tep nak nanek, apto Cristo, Jesús apvesai'a m'a.

Hechos 5:42

Lhamakho aknem nak apketlhekmosekamok aptemakha Jesucristo akieto m'a Eniapom Neten apnemakha kakpota nhan lhamakho apkakhaiangkolha la enenlhet ma'a.

Hechos 8:35

Ka apkelpeiveskasekho lhnak Felipe m'a aptemakha aplheianma Isaias, kakpota nhan lhamakho altalhesammalhka vakkahak Eniapom Neten apaivoma aktemakha ania'a aktaqmanma aplhenammap Jesús.

Hechos 8:5

Felipe lhnoka apmaiangkok iokhalhma Samaria, ka apkeleltennaskeiakmo lhnak ania'a aplhenammap Cristo m'a.

Hechos 9:20

Apkempai'akha lhnak kolhvavek anke apkeltennaikama Saulo apkaqnekhelha judios Jesús apto Eniapom Neten apketka.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

1 Corintios 1:23

Ennengko'o koka neleltennaskek ania'a Cristo apketsepma lhta neten iamet aktenneskama, apkeltaknevakkek koka judios ania'a nak, aktaikama nkek koka apkellanemak ania'a nak metnangko nak judios.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

1 Corintios 12:8

Napokha nhan apketlhevangkok apkenmopvanka'a kakpota elpaqmetek nema apkeliamo aniem'o m'a vanlha lhema Espíritu, napokha nhan apketlhevangkok apkenmopvanka'a kakpota elpaqmetek ngkeskama apkeliangveiakmo m'a aniem'o koka nhan nheklhek ma'a Espíritu.

1 Corintios 15:12

Ennengko'o nengeleltennaseiangkek aktemakha aplhatekhangveiam alhta Cristo apieseksek apkenmaskengvaiakmo ¿Se lha ntemak moklhem'a ketlhengkap apketlheianmo nak menaklhatekhangvomek hata m'a apkeletsepma nak, he?

1 Corintios 2:15

Apkellelto nak aknaikamok Espíritu apankok Eniapom Neten, apvanka'ak nkotlhenek apvalho'ok qaselha altakmelakha la'a, ngkolatsenkolha la'a, koka enenlhet'avok apankave nak mankollapvankek etlhenek apketselhnanemmap aknaikamo nak Espíritu.

1 Corintios 2:6

Asketlhekmoske lhtoka apieseksek anak aliennaktema nak meliaskeiam akieplomo asiangveiakmo, have koka aniem'o nak enenlhet, nlho ka la m'a apkelemhama apmaniaie nak, akmaskengvaiam anak apkelientalhnemo.

1 Corintios 4:14

Moltok ko'o enmangkak ketlhengkap asnaktalheskaso nak, vanlha askeltavek aleltennasangkok malha akto nak eietkak ehenko ie askellamelaiam anak.

2 Corintios 10:14

Lhta mongetlhekmosengko la ketlhengkap, akhemo lhta ngkotnek nelammalhko, koka netlhekmoseiangkek ma'a, emmaniaie lhta nhan nelletsavkeskama ania'a aktaqmanma aplhenammap Cristo.

2 Corintios 11:2

Have astema ehenkek askeliatekama nak, Eniapom Neten koka heiaikamok akiavai'a nkek askenmasmo mota altakmelkesek ketlhengkap kakpota meltemengvakhe lhma apankavek ham kakpota elpasmekhak na Cristo, malha kto nak ngkelvana atkok la metka nema akmangveiam alienlhaneiakmo nak akvakmo aliemhapo atava la aktema.

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

Efesios 5:27

Netamen hata nhan ma'a nkolhek hata akiantengkasakho napaqtek ma'a, alhnai'o nkek ma'a, apommatma nhan, metka ngkolatsekama, aktaqmanma nkoie, metka akpaiseiam.

Colosenses 1:22

Kolhva koka apkeliepetkangvakhek mokhom ma'a Eniapom Neten aniem'o Cristo aptaiekho lhta nhan enenlhet apankek ma'a, apketsepmo lhta nhan apkeliaqmoiekha ketlhengkap, apkeltemeskeskamo nhan apkelpokkenammap ma'a, metka alpaieseiam apvalho'ok, metka apketlhenammap na meliamolhma.

Colosenses 2:10

ketlhengkap na apsavhommakpo apankavek aptangko apkelpasmekha m'a. Apto nhan ma'a apveske takhalhet'ok kasekapo av'alho'ok aknema nak anmovanka'a ka nhan alientalhnemo nak.

Colosenses 2:3

apto akietnema m'a akiavai'a nak nenianveiakmoho, neniekpelkemo nhan kakpota hengellangkok ma'a.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

Colosenses 4:12

Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

1 Tesalonicenses 4:6

Menaqtevaskamanke lhma, meliennengkes na po'ok aktemakha m'a qaselha ngkolatsekama lhkek, nellaskangke lhta ennengko'o m'a akiavai'a nkek la apiaqmongkasekhak Apveske.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

1 Timoteo 3:2

Ntasek etnek aktaqmanma aptemakha aplhengkeskama kakpota mankollapvankek enenlhet etlhenek apvesai'a m'a, vanlha nhan ntasek etnek lhema aptava, ntasek na eniapvanak enavaksek apvalhok apankek la'a, nkaimelhkek na nkolhenek apvalhok amanie apmak'akha la etnehek, etaqmelkasakpok nahan, emok na takha amaika'a la'a akieplomo akpaihekha apvalhok, apmopvana nhan etlhekmoksek po'ok.

Hebreos 10:14

Vanlha lhta lhema qaselha nengaikamok anak Eniapom Neten altemeskeskamo apkeliamolhma apankavek metka nnelha apkellelto la apkelpokkenammap kakpota nkoltemeskesangkok na Eniapom Neten apkennemolhema.

Hebreos 13:21

Askeltavek ko'o Eniapom Neten elentepkeskesek apvalho'ok ketlhengkap lhamakho aktemakha altaqmanma akleklemelha la mota apvalhok ma'a, aniem'o nhan Jesucristo, apto akietemo nkek neniavenkeskamo apvesai'a m'a metka akvaiam annelha aliekaikamok iantelhkapa.

2 Pedro 3:15

Askeltavek na eliohok ketlhengkap Eniapom Neten metka apekheskama eiaqmongkasekhak nentemakha m'a, apkeltave niekhe la angelvongkasalhkak tep ma'a nenlhamakho, apnaqtalheskeskangke lhta nhan engeliepma'ak nellamelaiam Pablo aktemakha nak ma'a akieplomo koka apiangveiakmo aniem'o m'a Eniapom Neten.